A Life Less Ordinary
| Filmdaten | |
|---|---|
| Plattdüütsch Titel: | — |
| Originaltitel: | A LIfe Less Ordinary |
| Düütsch Titel: | Lebe lieber ungewöhnlich |
| Produkschoonsland: | Grootbritannien, USA |
| Johr vun’t Rutkamen: | 1997 |
| Läng: | 99 Minuten |
| Originalspraak: | Engelsch |
| Öllersfreegaav in Düütschland: | FSK 16 |
| Filmkru | |
| Speelbaas: | Danny Boyle |
| Dreihbook: | John Hodge |
| Produkschoon: | Andrew Macdonald |
| Musik: | David Arnold |
| Kamera: | Brian Tufano |
| Snitt: | Masahiro Hirakubo |
| Szenenbild: | Tracey Gallacher |
| Kledaasch: | Rachael Fleming |
| Dorstellers | |
| |
A Life Less Ordinary (op Platt so veel as „En nich ganz so gewöhnlich Leven“; dt.: Lebe lieber ungewöhnlich) is en US-amerikaansch Filmkummedie vun 1997 mit Danny Boyle as Speelbaas. De Hööftrullen hebbt Ewan McGregor un Cameron Diaz speelt.
Inholt
[ännern | Bornkood ännern]In’n Heben hett Gabriel Arger mit’n Baas, wiel jümmers weniger Poren op de Eer tohopenblievt un dat so Recht mit de Leev nich klappen will. He schickt twee vun sien besten Lüüd, de Engels Jackson un O’Reilly „rünner“ op de Eer un sett jem op den sworen Fall an, Celine un Robert tohopen to bringen. Gabriel will Spood sehn – vörher drööft de beiden nich wedder torüch in’n Heben.
Op de Eer schall de rieke Celine Naville jüst na den Willen vun Ehr’n Vadder den Tähndokter Elliot Zweikel heiraden, den se aver langwielig findt. Na en lütten Unfall besocht se ehr’n Vadder Mr. Naville. Jüst to de Tiet kummt ok de lütte Anstellte Robert Lewis na ehm hen, wiel he sien Baas is un em rutsmieten will. Dat gifft en Striet un Robert rovt Celine un sleept ehr as Börgin mit.
Celine, de sik mit ehr’n Vadder nich goot versteiht. helpt em dorbi, sik roven to laten un üvernimmt dorbi ok snell dat Seggen. Na ehr egen Idee bringt se Robert dorto, en groote Summ vun ehr’n Vadder to verlangen. Robert stellt sik dorbi gresig an, so dat Celine jümmer wedder helpen mutt.
O’Reilly un Jackson versöökt to de lieken Tiet, de beiden tohopen to bringen. Dorbi geevt se sik as Möörders ut, wiel se glöövt, an’n snellsten an’t Teel to kamen, wenn se de beiden ünner groten Stress setten doot. As Jackson so deit, as wull he Robert ümbringen, kriggt he vun Celine en över’n Dööts. Aver liekers bringt Robert dat nich torecht, mit Celine tohopen to kamen. He arbeidt lever as Putzkraft in en Bar. Jackson schrifft en Gedicht mit Roberts Handschrift mit so veel Geföhl, dat Celine dat ganz wunnerschöön findt, man Robert hett nix beters to doon, as ehr to seggen, dat he dat nich schreven hett. Celine löpt natürlich weg, un de Barbesitter schüttelt blots mit den Kopp.
So langsom kriegt de beiden Engels dat mit de Nerven. Se roovt Celine un hollt ehr in en Loftwahnung fangen. Robert kummt ehr to Help. Man Naville versocht, sien Geld wedder torüch to kriegen un kamt ok na de Wahnung. De Engels warrt vun en Helpsmann doodschaten. Robert warrt ok doodschaten, leeft aver wieter, weil de Heben en Oog todrückt un en Wunner toseggt.
As Robert fastnahmen warrn schall, befreet Celine em un neiht mit em wieter ut. De Engels hebbt also doch noch Spood hatt un drööft wedder torüch in’n Heben.
Kritiken
[ännern | Bornkood ännern]Dat Magazin TV Spielfilm 2/1998 betekent den Film as knallbunt un gneterswatt, TV Today 2/1998 as frech un bonscheklöört un Cinema 2/1998 as originell aver chaootsch. De film-deenst 2/1998 schrifft: Vorgeblich eine leidenschaftliche Liebesgeschichte, verliert sich die Inszenierung in selbstgefälligem Aktionismus, der mehr auf Effekte als auf Inhalte zielt. Dabei gibt der Film seine potentiellen Substanzen preis, weil er allzu sehr auf den Zeitgeist zugeschnitten ist.
Utteken
[ännern | Bornkood ännern]De Film is 1998 mit den britschen Empire Award för Ewan McGregor as Besten Britschen Schauspeler uttekent worrn. Butendem weer de Film nomineert för den MTV Mowie Award eenmol Cameron Diaz un Ewan McGregor för de Best Dansszeen un ok Beck för Deadweight as dat Beste Filmleed.
Filmmusik
[ännern | Bornkood ännern]De Filmmusik spellt in A Life Less Ordinary en wichtige Rull, wie bi veele Filmen vun Danny Boyles. Neven dat nomineerte Leed Deadweight sünd en Reeg Leder in den Film: A Life Less Ordinary vun Ash un en nee’e Faten vun Leave, en Klassiker vun R.E.M., de bi’n dramaatschen Hööchpunkt vun’n Film speelt warrt. Dorto kommt Leder vun Künstlers as Elvis, Leftfield un The Cardigans.
Websteed
[ännern | Bornkood ännern]- A Life Less Ordinary in de Internet Movie Database (engelsch)