Fahlbarg
| Fahlbarg | ||
|---|---|---|
 | ||
| Barggrupp: | Wingst | |
| Hööchd: | 61 m över NN | |
| Land: | Düütschland | |
| Laag: | Neddersassen | |
| Kuntinent: | Europa | |
| Koordinaten: | Koordinaten:53° 45′ N, 9° 5′ O53° 45′ N, 9° 5′ O | |
| ||
De Fahlbarg, de ok Düütsch Olymp nöömt warrt, is mit 61 m över NN een von de höögsten Bargen in de Wingst.
De Wingst hett sik in de Saal-Iestied in dat Warthe-Stadium as Morään billt. De Fahlbarg liggt in’n Oosten von de Wingst, dicht bi den Oort Watermöhl un bi den Zoo in de Wingst.
Op’n Topp steiht en 29 m hogen Utkiektoorn, von den ut een bet na de Elv un Noordsee kieken kann. De Toorn ut Beton is 1974 boot worrn, vörher harr dor al en hölten Toorn stahn.
De Naam Düütsch Olymp is 1852 opkamen, dör den Kröger von’n Kroog, de op’n Topp von’n Fahlbarg stünn. Dat Gasthuus is 2013 afreten worrn, nadem dat al en poor Johr leddigstahn hett. De Toorn weer slaten un is in disse Tied reneveert worrn. 2014 hett he wedder apenmaakt. 2017 weren 6000 Lüüd op’n Toorn.[1]
Footnoten
[ännern | Bornkood ännern]- ↑ Hoffnungsstreif am Horizont. Gemeinde setzt in Sachen Fahrstuhl auf Hilfe der Samtgemeinde, Niederelbe-Zeitung an’n 20. April 2018, Sied 7