Football-Bundsliga 2012/2013
De Football-Bundsliga 2012/2013 is de fofftigste Speeltied vun de hööchste düütsche Speelklass in’n Football for Mannslüde. Losgahn is dat an’n 24. August 2012 mit en Speel twuschen den düütschen Meester Borussia Düörpm un Werder Bremen. Mit en Speel twuschen düsse beiden Mannschoppen gung ok de eerste Speeltied overhoop in de Football-Bundsliga los. 2012 is dat Speel 2:1 for Düörpm utgahn. Toenne gung de Saison mit den 34. Speeldag an’n 18. Mai 2013. Vun’n 17. Dezember 2012 bit to’n 17. Januar 2013 weer de Speelbedriev vunwegen de Winterpaus unnerbraken.
De dree eersten Vereene in de Liga maakt na den UEFA-Fiefjohrverdrag direktemang bi de UEFA-Championsleague mit. De Veerte mutt in de Qualifikatschoon. De Mannschoppen up de Plätz fief bit sess könnt mitmaken bi de UEFA Europa League 2013/2014.
De SpVgg Greuther Fürth weer upstegen un speel in düsse Speeltied to’n eersten Mol overhoop in de Bundsliga mit. Se weer alltohopen de 52. Mannschop, de dat schafft hett, in de düütsche Toppklass mit to spelen. De tweete Upstieger weer Fortuna Düsseldorp, de dat na allerhand Lawei in de Qualifikatschoon gegen Hertha BSC Berlin schafft harr, en Platz in de Bundsliga to kriegen.[1] In de 50. Bundsliga-Saison hett dat en neen Rekord-Transfer geven. Bitherto weer dat Mario Gómez, de for 35 Millionen Euro vun den VfB Stuttgart na den FC Bayern München wesselt weer. Man nu keem Javi Martínez for de Aflöös vun 40 Million Euro vun Athletic Bilbao, ok na Bayern München. Dat weer de ne’e Rekord.
An'n 28. Speeldag hett de FC Bayern München sik dör en 1:0 gegen Eintracht Frankfort al sess Speeldage vör dat Enne vun de Saison de 23. Meesterschop in de Geschicht vun den Vereen hoolt. So gau harr dat vordem noch keen Vereen schafft. Glieks wedder afstegen sünd de beiden Upstiegers Fortuna Düsseldorp un Greuther Fürth. De TSG Hoffenheim speel de slechtste Saison in ehre Bundsligatied un möss in de Relegatschoon. Man dor hett se sik in twee Speele mit 3:1 (tohuse) un 2:1 (buten) gegen den 1. FC Kaiserslautern dörsetten konnt un dröff in de Bundsliga blieven.
Tabell
[ännern | Bornkood ännern]| Rang | Vereen | Sp. | W | U | V | Dore | Diff. | Punkte |
|---|---|---|---|---|---|---|---|---|
| 1. | FC Bayern München | 12 | 10 | 1 | 1 | 32:5 | +28 | 31 |
| 2. | FC Schalke 04 | 12 | 7 | 2 | 3 | 22:14 | +8 | 23 |
| 3. | Eintracht Frankfort (N) | 12 | 7 | 2 | 3 | 25:18 | +7 | 23 |
| 4. | Borussia Düörpm (M/P) | 12 | 6 | 4 | 2 | 26:13 | +13 | 22 |
| 5. | Bayer 04 Leverkusen | 12 | 6 | 3 | 3 | 21:17 | +4 | 21 |
| 6. | Hannober 96 | 12 | 5 | 2 | 5 | 25:20 | +5 | 17 |
| 7. | Werder Bremen | 12 | 5 | 2 | 5 | 20:18 | +2 | 17 |
| 8. | 1. FSV Mainz 05 | 12 | 5 | 2 | 5 | 15:14 | +1 | 17 |
| 9. | Hamborger SV | 12 | 5 | 2 | 5 | 12:14 | −2 | 17 |
| 10. | SC Freiburg | 12 | 4 | 4 | 4 | 16:14 | +2 | 16 |
| 11. | Borussia Mönchengladbach | 12 | 4 | 4 | 4 | 18:23 | −5 | 16 |
| 12. | VfB Stuttgart | 12 | 4 | 4 | 4 | 14:20 | −6 | 16 |
| 13. | VfL Wulfsborg | 12 | 4 | 2 | 6 | 12:19 | −7 | 14 |
| 14. | TSG 1899 Hoffenheim | 12 | 3 | 3 | 6 | 18:26 | −8 | 12 |
| 15. | 1. FC Nürnbarg | 12 | 3 | 3 | 6 | 10:18 | −8 | 12 |
| 16. | Fortuna Düsseldorp (N) | 12 | 2 | 5 | 5 | 11:18 | −7 | 11 |
| 17. | SpVgg Greuther Fürth (N) | 12 | 1 | 4 | 7 | 10:23 | −13 | 7 |
| 18. | FC Augsborg | 12 | 1 | 3 | 8 | 8:22 | −14 | 6 |
| Stand: 18. November 2012 | ||||||||
| Düütschen Meester un maakt mit bi de UEFA Champions League 2013/14 | |
| Maakt mit bi de UEFA Champions League 2013/14 | |
| Maakt mit bi de UEFA Champions-League-Qualifikatschoon 2013/14 | |
| Maakt mit bi de Qualifikatschoon to de UEFA Europa League 2013/14 | |
| Maakt mit bi de Relegatschoonsspeele gegen den Drüdden ut de 2. Bundsliga | |
| Afstieg in de 2. Liga | |
| (M) | Düütschen Meester 2011/12: Borussia Düörpm |
| (P) | DFB-Pokal-Winner 2011/12: Borussia Düörpm |
| (N) | Ut de 2. Bundsliga 2011/12 upstegen: SpVgg Greuther Fürth, Eintracht Frankfort, Fortuna Düsseldorp |
Belege
[ännern | Bornkood ännern]- ↑ [http://www.welt.de/sport/fussball/bundesliga/hertha-bsc/article106633458/Hertha-verzichtet-auf-Protest-und-akzeptiert-Abstieg.html |Hertha begifft sik den Protest un nümmt den Afstieg an, up Welt.de, togrepen an'n 2012-06-19
1963/64 | 1964/65 | 1965/66 | 1966/67 | 1967/68 | 1968/69 | 1969/70 | 1970/71 | 1971/72 | 1972/73 | 1973/74 | 1974/75 | 1975/76 | 1976/77 | 1977/78 | 1978/79 | 1979/80 | 1980/81 | 1981/82 | 1982/83 | 1983/84 | 1984/85 | 1985/86 | 1986/87 | 1987/88 | 1988/89 | 1989/90 | 1990/91 | 1991/92 | 1992/93 | 1993/94 | 1994/95 | 1995/96 | 1996/97 | 1997/98 | 1998/99 | 1999/00 | 2000/01 | 2001/02 | 2002/03 | 2003/04 | 2004/05 | 2005/06 | 2006/07 | 2007/08 | 2008/09 | 2009/10 | 2010/11 | 2011/12 | 2012/13 | 2013/14 | 2014/15 | 2015/16