Inkariek
Dat Inkariek was een präkolumbiaansch Riek in den Anden van Süüdamerika. Dat Woord Inka betekent ook den Kaiser oder Könning van den Inka. Dat Riek was dat gröttste up den beden amerikaanschen Kuntinenten un ook globaal bekeken een Grootriek. Dat Riek kam up kort bevöör Christopher Columbus in Amrika ankam.
De Höövdstad van den Riek was Cuzco, or Qosqo, dat nu in’n Süden van Peru liggt. De Stad was dat Zentrum för de Administratschoon, Politik un dat Militäär in den Inkariek. De Heerscher heet Sapa Inca. In heel den Riek richten de Inkas Straten, Wege un Brüggen up, so dat de se Kommunikatschoon in den Riek veel lichter maken.
De Inka geven den Riek den Namen Tawantinsuyo in eer Sprake Quechua, dat heet „Riek uut veer Delen“. Dat grote Riek bestund bloot 100 Jare, bet dat de Spaniers 1532 in Süüdamerika ankemen. De wichtigste Sprake in den Riek was Quechua, man vele verscheden Völkers med underscheedliken Spraken hören to dat Riek to.
Dat Inkariek hadde sienen Beginn an den Övern van den Titicaca-See ümme 1197. In de Tied van 1438 bet 1533 verövern de Inkas grote Gebede in den westliken Süüdamerika. Dat Riek lee in Midden van den Anden. Grote Dele van den Staten Ecuador, Peru, Bolivia, Argentinien un Chile vandage weren Deel van den Riek.
1533 richte de Konquistador Francisco Pizarro Atahualpa, den letsten Inkaheerscher, hen. Nu begunn de spaansche Heerschop in Süüdamerika.
Weblenken
[ännern | Bornkood ännern]
Literatuur
[ännern | Bornkood ännern]- Popenoe, Hugh et al 1989. Lost crops of the Incas. Washington DC: National Academy Press.
- De la Vega, Garcilaso 1961. The Incas: the royal commentaries of the Inca. New York: The Orion Press.
- McNeill, William H. 2006. How the potato changed the world's history. Social Research 66 1.