Itzenbüttel
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Hööchd: | 72 m över NN | |
| Postleettall: | 21266 | |
| Vörwahl: | 04183 | |
| Geograafsche Laag: | Koordinaten:53° 19′ N, 9° 56′ O53° 19′ N, 9° 56′ O | |
|
| ||
Itzenbüttel (hoochdüütsch Itzenbüttel) is en Dörp in de Gemeen Jesborg (Samtgemeen Jesborg) in’n Landkreis Horborg, Neddersassen.
Geografie
[ännern | Bornkood ännern]De Oort liggt in de Lümbörger Heid un an’n Süüdwestrand von’n Klecker Woold.
De Naveröörd sünd Nee-Eekel, Heimbeuken un Klecken in’n Noorden, Bendsdörp in’n Noordoosten, Marxen un Jesborg in’n Süüdoosten, Oosterbarg un Reindörp in’n Süüdwesten un Bookholt un Vaans in’n Noordwesten.
Historie
[ännern | Bornkood ännern]Itzenbüttel höört to de -büttel-Öörd un kummt 1432 toeerst in de Oorkunnen vör, as en Hoff von de Borgmannen von de Borg Hornborg utrövert worrn is. 1450 harr de Oort dree Vullhööv. An dat Enn von dat 15. Johrhunnert harr de Oord veer Hööv, de to dat Klooster Ooldklooster un dat Stift Ramßel höört hebbt.
In de Nacht von’n 30. op’n 31. Januar 1943 flögen brietsche Bombers en Luftangreep op Hamborg. Op’n Trüggweg sünd de Bummen, de an Boord noch nableven weren, över en Reeg Dörper afsmeten worrn, to de ok Itzenbüttel höört hett.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Jesborg in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.
Itzenbüttel hett fröher tohoop mit Reindörp polietsch de Gemeen Itzenbüttel billt. Mit de Gemeenreform in Neddersassen an’n 1. Juli 1972 is de Oort denn aver von Reindörp aftrennt un Deel von de Gemeen Jesborg worrn. Reindörp is Deel von de Gemeen Bookholt worrn.
Inwahnertall
[ännern | Bornkood ännern]| Johr | Inwahners |
|---|---|
| 1793[2] | 5 Füürsteden |
| 1812[3] | 56 |
| 1824[4] | 9 Füürsteden |
| 1848[5] | 75 Lüüd, 10 Hüüs |
| 1. Dezember 1871[6] | 89 Lüüd, 16 Hüüs |
| 1. Dezember 1910[7] | 190 |
| 1933[8] | 250 |
| 1939[8] | 253 |
Religion
[ännern | Bornkood ännern]Itzenbüttel is evangeelsch-luthersch präägt un höört to dat Kaspel von de Martins-Kark in Jesborg.
För de Kathoolschen is de St.-Petrus-Kark in Bookholt tostännig.
Wapen
[ännern | Bornkood ännern]Dat Wapen wiest op roden Grund en gollen Lööw, de schriddt, ümgeven von twee sülvern Krinks.
Weertschop un Infrastruktur
[ännern | Bornkood ännern]As Füürwehr is de freewillige Füürwehr Jesborg för Itzenbüttel mit tostännig.
Verkehr
[ännern | Bornkood ännern]Von Itzenbüttel loopt lüttjere Straten na Oosterbarg/Reindörp un na Jesborg. In Jesborg geiht dat an de Landsstraat 213 ran, de in’n Noorden na Bendsdörp un Hittfeld geiht un in’n Süüdoosten na Asendörp un Hanstää. Von Reindörp geiht de Kreisstraat 83 in’n Süden na Lüll un in’n Noordwesten na Bookholt.
De nächste Autobahn is de Autobahn 1 (Afsnidd Hamborg–Bremen). De Opfohrt 42 Dibbersen liggt so teihn Kilometer in’n Noordwesten von Itzenbüttel an de B 75.
De nächste Bahnhoff is so bi fiev Kilometer wied weg in’n Westen de Bahnhoff Bookholt an de Bahnlien Hamborg–Bremen. Von 1874 bet 1981 hett dat ok Personenverkehr op de Bahnlien Wittenbarg–Bookholt geven. De nächste Bahnhoff weer in disse Tied de Bahnhoff Jesborg dree Kilometer in’n Süüdoosten. Na’n Eersten Weltkrieg is ok en Bahnhoff in Reindörp anleggt worrn, de dree Kilometer wied weg weer.
Literatur
[ännern | Bornkood ännern]- Hans-Heinrich Wolfes: Itzenbüttel - Osterberg - Reindorf. Dorfgeschichte. Jesbörger Arbeidskreis för Heimatpleeg e.V., Karisma, Bookholt 2005, ISBN 3-938497-70-X
Footnoten
[ännern | Bornkood ännern]- ↑ Hans-Heinrich Wolfes: Die Bombennacht am 30./31. Januar 1943. in Zum 60. Jahrestag des Kriegsendes in Jesteburg und Umgebung. Jesborg 2005
- ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 123: https://books.google.de/books?id=jN5QAAAAcAAJ&pg=RA1-PA123
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
- ↑ C. H. Jansen: Statistisches Handbuch des Königreichs Hannover. 1824, Sied 320: http://books.google.de/books?id=tG0AAAAAcAAJ&pg=PA320
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 129: https://books.google.de/books?id=qTZDAQAAMAAJ&pg=RA2-PA129
- ↑ http://www.gemeindeverzeichnis.de/gem1900/gem1900.htm?hannover/harburg.htm
- ↑ a b http://www.verwaltungsgeschichte.de/harburg.html (dor ünner verkehrten Naam angeven as Inzenmühlen)
Weblenken
[ännern | Bornkood ännern]- Websteed över dat Dörp (hoochdüütsch)