Pamela Sue Martin

Pamela Sue Martin (*5. Januar 1953 in Westport, Connecticut) is en US-amerikaansche Schauspelerin.

In Düütschland is de Schauspelersche vör allen bekannt worrn dör ehr Rull as Fallon Carrington Colby in de 1980er Johren in de Feernsehserie Dynastie. Se füng mit 17 Johre an, as Model to arbeiden un weer mit 19 Johr an de Siet vun Filmstars as Gene Hackman un Ernest Borgnine in den Film The Poseidon Adventure to sehn. Dorna hett se noch in en Reeg annere Filmen mitspeelt. To de Tiet, as Martin de Rull Nancy Drew speelt hett, weer se in de Playboy-Utgaav Juli 1978 to sehn.

Pamela Sue Martin is tweemol scheedt un hett een Söhn. As Schrieverin hett se över ehrn Kamp gegen Interstitielle Zystitis schreven. Se sett sik al lange Tiet för de Ümwelt in un hett en Theatersellschap in Idaho.

Filmografie (Utwahl)

Johr	Titel	Synchroonsnacker
1972	To Find a Man
1972	The Poseidon Adventure dt.: Poseidon Inferno	Joseline Gassen
1973	The Girls of Huntington House, Feernsehreeg
1974	Buster and Billie dt.: Buster liebt Billie
1974	The Gun and the Pulpit, Feernsehreeg
1977-78	The Hardy Boys/Nancy Drew Mysteries, Feernsehreeg
1978	Human Feelings, Feernsehserie
1979	The Lady in Red dt.: Die Frau in Rot
1981-84	Dynastie, Feernsehreeg dt.: Denver-Clan	Rebecca Völz Daniela Strietzel
1985	Torchlight dt.: Cocaine-Paradise
1986	Strong Medicine, Feernsehreeg dt.: Strong Medicine – Tödliche Dosis
1987	Flicks
1987	Bay Coven, Feernsehreeg dt.: Die Hexen von Bay Cove
1990	Sky Trackers dt.: Das Geheimnis des verschwundenen Satelliten	Franziska Pigulla (Synchro 1995)
1990	A Cry in the Wild
2002	That ’70s Show, Feernsehepisood dt.: Die Wilden Siebziger	Dagmar Dempe
2006	The L Word, Feernsehepisood dt.: The L Word – Wenn Frauen Frauen lieben
2010	Soupernatural
2014	McTaggart’s Fortune
2017	My Christmas Prince, Feernsehn

Utteken

Pamela Sue Martin is 1984 mit den düütschen Feernseh- un Medienpries Bambi uttekent worrn.

Weblenken

• Pamela Sue Martin in de Internet Movie Database (engelsch)
• offiziell Websiet