The Lost Boys
| Filmdaten | |
|---|---|
| Plattdüütsch Titel: | — |
| Originaltitel: | The Lost Boys |
| Düütsch Titel: | The Lost Boys |
| Produkschoonsland: | USA |
| Johr vun’t Rutkamen: | 1987 |
| Läng: | 97 Minuten |
| Originalspraak: | Engelsch |
| Öllersfreegaav in Düütschland: | FSK 16 |
| Filmkru | |
| Speelbaas: | Joel Schumacher |
| Dreihbook: | Janice Fischer James Jeremias Jeffrey Boam |
| Produkschoon: | Richard Donner |
| Musik: | Thomas Newman |
| Kamera: | Michael Chapman |
| Snitt: | Robert Brown |
| Szenenbild: | Bo Welch |
| Kledaasch: | Susan Becker |
| Dorstellers | |
| |
The Lost Boys (op Plattdüütsch so veel as „De verloren Jungs“) is de Titel vun en US-amerikaanschen Horrorfilm ut dat Johr 1987 mit Kiefer Sutherland, Corey Haim, Corey Feldman, Jason Patric un Jami Gertz in de Hööftrullen. Speelbaas weer Joel Schumacher.
Inholt
[ännern | Bornkood ännern]Lucy Emerson is frisch vun ehrn Mann scheedt un tütt nu mit ehr beiden Söhnen Michael un Sam to ehrn Vadder na Santa Carla, wo se en nee Leven anfangen will. Man, Santa Carla warrt aver ok as de Möörder-Hööftstadt betekent.
De beiden Jungs sünd vun jemehr ne’e Heimat nich so andoon, man dat duert nich lang bit sik Michael in de hübsche Deern Star verkieken deit. As he mit ehr utgahn will, warrt he aver vun en öörtliche Rockerclique afpasst, de em mitnehmt na jemehr Schuul. Jemehr Baas David gifft em en Buddel to drinken. Star warnt Michael noch, dat dor Blood in is un keen Wien, man he höört nich op ehr un drinkt.
Vun nu an mutt he dagsöver en Sünnbrill opsetten, vun wegen dat he keen Sünnlicht mehr verdriggt, he slöpt bannig lang un föhlt sik hen un her reten twüschen Goot un Böös. Sien jüngeren Broder Sam hett in de Twüschentiet Kuntakt to twee Jungs, de vun sik sülvst seggt, dat se versteken Vampirjagers sünd. He versöcht nu, sien Broder to redden un finnt de Lösung dorför in en Comic: Se mööt den Bövervampir doodmaken, üm de Halfvampiren in sien Gefolg free to maken.
Se breekt in’n Schuul vun de Vampiren in un künnt dor wohrhaftig een an de Siet maken. De annern griept nu aver dat Huus vun jemehr Mudder an. Vun wegen dat se tosamenhollt un jemehr Kräft eent – ok mit de Help vun Michael – künnt se de Vampiren tonichten maken. Man, dorbi stellt sik rut, dat de ne’e Fründ vun de Mudder de Bövervampir is. Opletzt kriggt de Grootvadder dat hen, den Bövervampir op’n Pool to steken.
Kritiken
[ännern | Bornkood ännern]- Dat Lexikon vun’n internatschonalen Film beteken den Film as fletig inszeneert un stedenwies spannend. De Film weer butendem mitünner ok en vergnögliche Mischen ut klamaukhaftem Horror- un aggressiv-rieterischen Musikfilm, utsmückt mit licht ironische Hippie-Nostalgie.[1]
- De Websteed www.DVD-center.de schreev Dat blifft en kortwieligen, lustigen Kultfilm, de technisch Dörsnitt ist (ok wat de Features bedröpt) – för Vampirfrünnen oder Fans aver seker en Investitschoon, de sik lohnt.
Achtergrund
[ännern | Bornkood ännern]- De Produzent Richard Donner schüll an sik ok de Regie övernehmen, he hett den Posten aver aflehnt. Mit Mary Lambert geev dat aver Strieteree, so is Joel Schumacher op den Posten sett worrn.
- De Geschicht vun den Film geiht in den Comic Lost Boys: Reign of the Frogs wieter.
- Dat Titelleed is vun de britischen Band Echo & the Bunnymen, den Klassiker „People are strange“ vun de Doors nee opnahmen hett. Dat Keyboard hett dorbi Ray Manzarek speelt, de bi de Grünnen vun The Doors mit dorbi weer.
- Dreiht worrn is de Film vun Juni bit August 1986 in de kalifornischen Stadt Santa Cruz, de offizielle Weltpremiere weer an’n 31. Juli 1987 in de USA.
Utteken
[ännern | Bornkood ännern]De Film weer tohopen in acht Kategorien vun’n Saturn-Pries un vun de Young Artist Awards vörslahn. Wunnen hett he dree Priesen:
- 1988: den Saturn-Pries in de Kategorie Best Horrorfilm
- 1988: den Young Artist Award in de Kategorie Bst Jungdorsteller in en Horrorfilm för Corey Feldman
- 1988: den Young Artist Award in de Kategorie Leevsten Teenage Horror-/Drama-Speelfilm
Wietere Filmen
[ännern | Bornkood ännern]- An’n 29. Juli 2008 is in de USA dat Sequel Lost Boys: The Tribe rutbröcht worrn[2]. De Film is direkt för den DVD-Markt produzeert worrn. De Dorsteller Corey Feldman is hier in sien oorsprünglichen Rull to sehn.
- För 2010 weer en wieteren Film ankünnigt worrn mit den Titel Lost Boys: The Thirst. Ok de schall direkt op DVD rutkamen.[3]
Borns
[ännern | Bornkood ännern]- ↑ http://www.filmevonabisz.de/filmsuche.cfm?wert=1437&sucheNach=titel
- ↑ Lost Boys: The Tribe op IMDb, afropen an’n 28. August 2008
- ↑ Lost Boys: The Thirst, afropen an’n 9. Februar 2010
Weblenken
[ännern | Bornkood ännern]- The Lost Boys in de Internet Movie Database (engelsch)
- Kritiken to’n Film op Rotten Tomatoes