Ådne Søndrål
| Ådne Søndrål | |
|
| |
| Statsborgarskap | Noreg |
| Fødd | 10. mai 1971 (53 år) Notodden kommune |
| Idrett | lengdeløp på skeiser |
| Tok del i | Vinter-OL 1994, Hurtigløp på skøyter under Vinter-OL 1992 – 1500 meter herrer, Hurtigløp på skøyter under Vinter-OL 1998 – 1500 meter herrer, Hurtigløp på skøyter under Vinter-OL 2002 – 1500 meter herrer |
| Utmerkingar | Fearnleys olympiske ærespris, Oscarstatuetten |
Ådne Søndrål (fødd 10. mai 1971) på Notodden) er ein norsk skøyteløpar.
Søndrål var blant verdas beste 1500-meterløparar gjennom det meste av 1990-talet. Han fekk sølv i Vinter-OL 1992 i Albertville, 0,04 sekunder bak Johann Olav Koss. I OL på Lillehammer i 1994 kom han på 4. plass. Han vann OL-gull på 1500 meter i 1998 i Nagano, på ny verdsrekord (1.47,87). Etter desse olympiske leikane vart han tildelt Fearnleys olympiske ærespris. Seinare i sesongen forbetra han verdsrekorden på nytt (1.46,43) i Calgary.
Han var også blant favorittane før OL i 2002, men måtte nøye seg med bronsemedalje etter skadeproblem i vekene før OL. Dermed har han medaljar i samtlege valørar på 1500 meter, pluss fjerdeplassen frå 1994.
Han starta karrieren som allroundar, men hadde ikkje suksess i dei internasjonale samanlagtmeisterskapa. Frå 1996 valde han å spesialisere seg på 1000 og 1500 meter. I 1999 prøvde han seg på allround igjen, og oppnådde si beste plassering i eit internasjonalt allroundmeisterskap - 6. plass i VM på Hamar.
I løpet av karrieren tok Søndrål 4 gull og 6 sølv i VM på enkeltdistansar. Han har 26 enkeltsigrar i verdscupen (7 på 1000 meter og 19 på 1500), og han vann verdscupen samanlagt to gonger (1500 meter i 1999 og 2000.
Søndrål vart noregsmeister på skøyter allround i 1995 og sprint i 1998, og han har to NM-titlar på 500 m, 6 på 1000 m og 4 på 1500 m.
Under Vinter-OL 2002 vart han vald som utøvarane sin representant i den internasjonale olympiske komitéen.
Personlege rekordar
[endre | endre wikiteksten]- 500 m - 35.72
- 1000 m - 1.08.15
- 1500 m - 1.45.26
- 5000 m - 6.40.53
- 10 000 m - 14.13.12
Bakgrunnsstoff
[endre | endre wikiteksten]- Om Ådne Søndrål på SkateResults.com Arkivert 2008-03-02 ved Wayback Machine.
- Einskildmenn
- Fødde i 1971
- Norske skeiseløparar
- Olympiske meistrar for Noreg
- Olympiske meistrar i lengdeløp på skeiser
- Vinnarar av Fearnleys olympiske ærespris
- Kongepokalvinnarar i lengdeløp på skeiser
- Vinnarar av Oscarstatuetten
- Verdsmeistrar i lengdeløp på skeiser – Enkeltdistanse
- Noregsmeistrar i lengdeløp på skeiser – Allround
- Noregsmeistrar i lengdeløp på skeiser – Sprint
- Noregsmeistrar i lengdeløp på skeiser – Enkeltdistanse
- Olympiske sølvmedaljevinnarar for Noreg
- Olympiske sølvmedaljevinnarar i lengdeløp på skeiser
- Olympiske bronsemedaljevinnarar for Noreg
- Olympiske bronsemedaljevinnarar i lengdeløp på skeiser
- Medaljevinnarar under vinter-OL 1992
- Norske deltakarar under vinter-OL 1992
- Skeiseløparar under vinter-OL 1992
- Norske deltakarar under vinter-OL 1994
- Skeiseløparar under vinter-OL 1994
- Medaljevinnarar under vinter-OL 1998
- Norske deltakarar under vinter-OL 1998
- Skeiseløparar under vinter-OL 1998
- Medaljevinnarar under vinter-OL 2002
- Norske deltakarar under vinter-OL 2002
- Skeiseløparar under vinter-OL 2002
- Folk frå Notodden