Øyvind Vågnes

	Øyvind Vågnes
Nasjonalitet	Norsk
Statsborgarskap	Noreg
Fødd	4. august 1972 (52 år)
Yrke	Forskar
Periode	2003-
Debut	Ingen skal sove i natt

Øyvind Vågnes (fødd 4. august 1972 i Ålesund) er ein norsk forfattar, oppvaksen i Brattvåg, og busett i Bergen. Han debuterte litterært i 2003 med romanen Ingen skal sove i natt. For Ekko (2005) fekk han Nynorsk Litteraturpris.

Vågnes har doktorgraden (dr. art) ved Universitetet i Bergen, og arbeider som forfattar, forskar, redaktør, omsetjar, og kritikar. Som forskar har Øyvind Vågnes vore knytt til ei rekkje prosjekt ved Universitetet i Bergen, Syddansk Universitet, og ved Københavns Universitet. Zaprudered: The Kennedy Assassination Film in Visual Culture (2011) vart ei av tre nominerte utgivingar i kategorien medie- og kulturstudier under den årlege utdelinga av American Publishers Awards for Professional and Scholarly Excellence.

På 2000-talet sat Vågnes i redaksjonen til det litterære tidsskriftet Vagant, og frå 2010 har han fungert som ansvarleg redaktør for journalen Ekfrase: Nordisk tidsskrift for visuell kultur (Universitetsforlaget). Omsetjingsarbeidet omfattar m.a. nyare nordamerikansk skjønlitteratur (Don DeLillo, Lydia Davis, Rick Moody, David Means) og ei rekkje faglitterære artiklar.

Vågnes har fungert som kritikar i Morgenbladet og i Klassekampen, og har sidan 2000 skrive om musikk i vekeavisa Dag & Tid.

Utgjevingar

Ingen skal sove i natt - roman (2003)
Ekko - roman (2005)
Sekundet før - roman (2010)
Zaprudered: The Kennedy Assassination Film in Visual Culture - fagbok (2011)
Kennedybildet - boksingel (2013)
Den dokumentariske teikneserien - fagbok (2014)
Sone Z - roman (2014)

Prisar og utmerkingar

Nynorsk litteraturpris 2005, for Ekko
Peter C. Rollins Book Award 2013, for Zaprudered: The Kennedy Assassination Film in Visual Culture

Bakgrunnsstoff

Nynorsk litteraturpris til Øyvind Vågnes, Noregs mållag http://www.nm.no/tekst.cfm?id=2158 Arkivert 2016-03-05 ved Wayback Machine.
26,6 sekund som endra USA, På Høyden http://pahoyden.no/2013/02/266-sekund-som-endra-usa Arkivert 2014-09-11 ved Wayback Machine.