Fahlerts

Fahlerts (av tysk Fahlerz, frå fahl, som tyder bleik) er namn på ei gruppe ertsmineral som krystalliserer kubisk og inneheld kopar, noko jarn og eventuelt sølv, og dessutan svovel, antimon og arsen. Fargen er grå til svart. Dei er viktige koparertsar på einskilde førekomstar i Mellom-Europa og USA. Òg sølvinnhaldet kan ha økonomisk tyding. Dei mest utbreidde er tetraedritt (antimonfahlerts), Cu₁₂Sb₄S₁₃, tennantitt (arsenfahlerts), Cu₁₂As₄S₁₃ og freibergitt, (Ag,Cu)₁₂(Sb,As)₄S₁₃.

Fahlertsmineral opptrer sparsamt i Noreg. Mest kjend er ein førekomst av tetraedritt i Svenningdalen på Helgeland.

Kjelder

• Fahlerts. (14. februar 2009). I Store norske leksikon. Henta 14. februar 2014 frå http://snl.no/fahlerts.