Jürgen Schult

Jürgen Schult
Statsborgarskap	Tyskland, Den tyske demokratiske republikken
Fødd	11. mai 1960 (64 år) Amt Neuhaus
Idrett	friidrett
Tok del i	Sommar-OL 2000, Sommar-OL 1996, Sommar-OL 1992, Sommar-OL 1988
Utmerkingar	Fedrelandets fortjenstorden i gull

Jürgen Schult (fødd 11. mai 1960) er ein tidlegare austtysk diskoskastar. Den 6. juni 1986 sette Schult ny verdsrekord i diskoskast i Neubrandenburg i Tyskland. Han kasta 74,08 meter og slo den tidlegare rekorden til Jurij Dumtsjev med heile 2,22 meter. Verdsrekorden til Schult er framleis ikkje blitt slått. Dei som har kome nærmast, er litauaren Virgilijus Alekna som kasta 73,88 i Kaunas i 2000 og estaren Gerd Kanter som har kasta tredje lengst i verda med 73,38.

Karriere

Jürgen Schult fekk ikkje delta under sommar-OL 1984 i Los Angeles av di Aust-Tyskland boikotta desse olympiske leikane. Hans fyrste OL-deltaking vart i Seoul i sommar-OL 1988. Her var det Schult som til slutt gjekk av med sigeren med eit kast på 68,82 meter framfor Romas Ubartas frå Sovjetunionen.

Etter sigeren kom den tidlegare diskoskastaren Wolfgang Schmidt for å gratulera Schult med sigeren, men Schult avviste gratulasjonen. Schmidt hadde tidlegare tevla for Aust-Tyskland, men hadde no flytta over muren til Vest-Tyskland.

Under sommar-OL 1992 i Barcelona tevla Jürgen Schult det sameinte Tyskland. Her fekk han olympisk sølv, berre slått av Romas Ubartas, som no tevla for Litauen.

I tillegg til OL-prestasjonane vart Jürgen Schult m.a. verdsmeister i diskos i Roma i 1987 og europameister under EM i friidrett 1990 i Split. Han tok medaljar under VM i friidrett 1993, 1997 og 1999 før han gav seg som toppidrettsmann. I seinare tid har han vore aktiv som friidrettstrenar.

Kjelder

• Denne artikkelen bygger på «Jürgen Schult» frå Wikipedia på tysk, den 10. august 2012.

Bakgrunnsstoff

• «Jürgen Schult» (på engelsk). olympedia.org.