Kassiteritt

Kassiteritt
Kassiteritt med muscovitt, frå Xuebaoding i Huya i Pingwu i Mianyang i Sichuan i Kina (storleik: 100 x 95 mm, 1128 g)
Generelt
Kategori	Oksydmineral
Kjemisk formel	SnO2
Strunz-klassifisering	04.DB.05
Krystallsymmetri	Tetragonal 4/m 2/m 2/m
Einingscelle	a = 4.7382(4) Å, c = 3.1871(1) Å; Z=2
Identifikasjon
Farge	Svart, brunsvart, raudbrun, raud, gul, grå, kvit; sjeldan fargelaus
Krystallform	Pyramidisk, prismatisk, radielle trådaktige botryoidal skorper og konkresjonar; grov- til finkorna, massive
Krystallsystem	Tetragonal - Ditetragonal dipyramidal 4/m 2/m 2/m
Tvilling	Særs vanleg på {011}, som kontakt og penetrerande tvillingar, ledda; lamellert
Kløyv	{100} uperfekt, {110} utydeleg; delingar på {111} eller {011}
Brot	Undermuslig til Ujamn
Fastleik	Sprø
Mohs hardleiksskala	6–7
Glans	Diamantaktig til adamantin metallisk, strålande; kan vere feittete på brot
Strekfarge	Kvit til brunaktig
Transparens	Gjennomsiktig når lett farga, mørk material nær ugjennomsiktig; vanlegvis i sonar
Spesifikk vekt	6.98 - 7.1
Optiske eigenskapar
Optiske eigenskapar	Einaksa (+)
Brytingsindeks	nω = 1.990 - 2.010 nε = 2.093 - 2.100
Dobbeltbryting	δ = 0.103
Pleokroisme	Pleokroiske haloar er observert. Dikroisk i gul, grøn, raud, brun, vanlegvis svak, eller fråverande, men sterk til tider
Smeltbarheit	usmelteleg
Oppløyselegheit	uoppløyseleg
Kjelder

Kassiteritt er den einaste tinnmalmen av tyding. Det er eit mineral som består av tinndioksid, SnO₂, med teoretisk tinninnhald 78,6 %, men inneheld ofte ein del jarn og andre bestanddelar. Det er for det meste svart eller brunt, sjeldnare fargelaust eller gulraudt, med ljos strek og diamantglans. Mineralet er isotypt med rutil og pyrolusitt.

Finst primært vesentleg i greisen, på hydrotermalgangar og granittpegmatittar, dessutan i sand og grus på sekundære avsetningar. Verdas gruveproduksjon av tinn er på noko over 200 000 tonn med Brasil, Indonesia, Malaysia og Kina som dei viktigaste produsentlanda. Førekomstar i Europa er no av liten økonomisk tyding (Böhmen og Sachsen; gruvedrifta i Cornwall var viktig i bronsealderen). Kassiteritt er i Noreg mellom anna kjent i små mengder frå Bleikvassli gruver og frå Tørdal i Telemark.

Kjelder

• Kassiteritt. (2013, 16. januar). I Store norske leksikon. Henta 14. februar 2014 frå http://snl.no/kassiteritt.