Philippe Collet

Philippe Collet
Statsborgarskap	Frankrike
Fødd	13. desember 1963 (61 år) Nancy
Idrett	friidrett
Tok del i	Sommar-OL 1992, Sommar-OL 1988
Utmerkingar	ridder av Den nasjonale fortjenstorden

Philippe Collet (fødd 13. desember 1963) er ein fransk tidlegare stavhoppar frå Nancy. Han fekk bronsemedaljen i øvinga ved europameisterskapen 1986 i Stuttgart.

Aktiv

Collet vart fransk meister i stavhopp i 1985, ein prestasjon han gjorde opp att i 1988, 1989, 1991 og 1992. Han sette personleg rekord med 5,85 meter i Paris den 22. juli 1986. Innandørs hoppa han seinare 5,92 m våren 1989 og 5,94 meter i mars 1990, begge gongane i Grenoble. Høgdepunktet i dei store meisterskapane kom då han tok bronsemedaljen i EM 1986 med 5,75, like høgt som sølvmedaljør Vassyl Bubka]. Bror til sistnemnde, Sergej Bubka vart europameister på 5,85 meter. Sidan tok Collet del i medaljestriden både ved Sommar-OL 1988, der han vart femtemann, og i EM 1990 og EM 1994, der han kom på fjerdeplass i begge høva.

Medaljar og plasseringar i internasjonale meisterskap

• EM 1986 i Stuttgart: Bronsemedalje – 5,75 m
• VM 1987 i Roma: Utslått i kvalifiseringa (-)
• OL 1988 i Seoul: Nr 5 – 5,70 m
• EM 1990 i Split: Nr 4 – 5,70 m
• VM 1991 i Tokyo: Nr 13
• OL 1992 i Barcelona: Nr 7 – 5,55 m
• EM 1994 i Helsinki: Nr 4 – 5,80 m

Kjelder

• Denne artikkelen bygger på «Philippe Collet» frå Wikipedia på tysk, den 14. juli 2022.

Bakgrunnsstoff

• «Philippe Collet» (på engelsk). olympedia.org. Henta 20. februar 2023.