Ståle Engen
| Ståle Engen | |
| Statsborgarskap | Noreg |
| Fødd | 29. juni 1947 (77 år) |
| Idrett | friidrett |
| Utmerkingar | Kongepokal |
Hans Ståle Engen (fødd 29. juni 1947) er ein tidlegare friidrettsutøvar frå Drammen som i 1970 sette norsk rekord i 3000 meter hinder og same året vart tildelt kongepokalen i noregsmeisterskapen.
Aktiv
[endre | endre wikiteksten]Engen deltok i ungdomsåra år i friidrett om sommaren og langrenn om vinteren, som medlem i respektive IF Sturla og Drafn. Etter kvart satsa han på friidrett og særleg hinderløping. I sitt fyrste år som senior gjorde han personbeste med 9.01,0 på 3000 m hinder. Lite trening gjorde 1969 til ein svak sesong.
Våren 1970 viste Engen heilt andre takter. Under landskampen Spania – Noreg 2. mai i Barcelona forbetra han sin personbeste til 8.41,8, spurtslått av den sterke spanjolen Javier Alvarez, men dømt føre landsmannen Sverre Sørnes på tredjeplass. Siste helga i juni fekk Sørnes og Engen på ny same tid då dei vart nummer 1 og 2 i landskampen mot Sverige, med 8.41,6 forbetra Engen seg med 0,2 sekund. Den 29. juli sletta Engen den norske hinderrekorden då han fylgde verdsrekordhaldaren Kerry O´Brien til oppløpssida ved eit stemne på Stockholm stadion. Tida 8.31,4 var norsk rekordforbetring med 7 sekund. Laurdag 15. august sette han meisterskapsrekord på distansen med 8.39,4 og vart tildelt kongepokalen.
Engen lukkast ikkje fylgje opp i 1971-sesongen, årsbeste 8.44,8. Og då 1972 vart eit svakt år på friidrettsbana valde han å trappe ned treninga.
Kjelder
[endre | endre wikiteksten]- Denne artikkelen bygger på «Ståle Engen» frå Wikipedia på bokmål, den 15. august 2020.