Valdis Dombrovskis

Valdis Dombrovskis
Fødd	5. august 1971 (53 år) Riga
Statsborgar av	Latvia
Yrke	politikar, samfunnsøkonom, fysikar
Institusjonar	Universitetet i Latvia
Utdanna ved	Universitetet i Latvia Det tekniske universitetet i Riga Johannes Gutenberg-universitetet i Mainz University of Maryland
Ektefelle	Ārija Dombrovska
Verv	Statsminister i Latvia 2009-2014
Føregangar	Ivars Godmanis
Etterfylgjar	Laimdota Straujuma
Alle verv	Latvias statsminister (2009–2014) Medlem av Europaparlamentet (2014–2014) medlem av Saeima (2010–2010) medlem av Saeima (2011–2011) medlem av Saeima medlem av Saeima (2014–2014) Medlem av Europaparlamentet (2004–2009) Europakommissær for handel (2020–) European Commissioner for Internal Market (2016–2020) Minister of Finance (2002–2004) European Commissioner for An Economy that Works for People (2019–) Visepresident i Europakommisjonen (2019–)

Valdis Dombrovskis (fødd 5. august 1971) er ein latvisk politikar og statsminister i Latvia frå 12. mars 2009 til 22. januar 2014. Han er medlem i det konservative partiet Vienotība (Eining).

Dombrovskis vart fødd i Riga i det dåverande Sovjetunionen. Han studerte ved fakultetet for fysikk og matematikk ved Universitetet i Latvia i Riga. Han tok bachelorgrad i økonomi for ingeniørar ved Riga teknologiske universitet i 1995 og mastergrad i fysikk frå Universitetet i Latvia i 1996. 1995-1996 var han laborant ved fysisk institutt ved Universitetet i Mainz i Tyskland, ved Universitetet i Riga i 1997 og som forskingsassistent ved fakultetet for elektronikk ved Universitetet i Maryland i USA i 1998. 1998-2002 jobba han i den latviske nasjonalbanken som sjeføkonom.

Dombrovskis har vore styremedlem i partiet Ny æra sidan 2002. Han har vore parlamentsmedlem i Latvia sidan 2002 og medlem av Europaparlamentet sidan Latvia vart med i EU i 2004. 2002-2004 var han finansminister i Latvia.

Etter at Ivars Godmanis søkte avskjed som statsminister 26. februar 2009 grunna handteringa av den internasjonale finanskrisa, fekk Dombrovskis i oppdrag å skipa ny regjering i Latvia. Regjeringa vart godkjent av parlamentet 12. mars og er ein brei sentrum-høgre-koalisjon av fem parti, inkludert dei tre største partia ved parlamentsvalet, i 2006. Dombrovskis sitt parti er det tredje største av dei. Som 37-åring vart Dombrovskis den yngste statsministeren i Europa då han overtok stillinga.

Dombrovskis uttalte då han vart statsminister, at den viktigaste oppgåva som venta han var å kutta i budsjettet. Han åtvara om at Latvia var på randen av konkurs, og at det måtte gjerast budsjettkutt på over 700 millionar lat (1 milliard US-dollar).