Paîsson

Ch't' articl'ye fut c'menchie en Jèrriais

Un paîsson ( paîsson; Cotentinais : peissoun, Rouenneis : peîçon, Brayon : et pis Câocheis : peîchon, Guernésiais : paissaon) est eune bête à héthèque tchi d'meuthe dans l'ieau et tch'a des dginnes pouor respither. Y'a des paîssons tchi d'meuthent dans la mé et y'en a tchi d'meuthent dans l'ieau douoche.

Du paîsson et frites est un fanmeux fricot

Les mammiféthes mathîns tch'ont des ponmons, coumme les baleines, les dauphîns et les pourpais, n'sont pon des paîssons ouaithe qu'i' d'meuthent dans l'ieau. Les bêtes à êcales (coumme les pieuvres, cônets, hîtres, manchots) n'sont pon des paîssons nitout. Mais y'a un tas d'difféthentes manniéthes dé paîssons.

Les gens mangent du paîsson, et la pêque est ieune des pus vielles activités des gens.

Ditons

Jèrriais

• Lé paîsson n'mord quand l'vent est Nord.
• Du paîsson dait nagi trais fais - dans la mé, dans l'beurre et dans l'vîn
• Quand ou mangiz du paîsson, prannez garde ès héthèques
• Si la mé bouoillait y'éthait bein d'paîsson d'tchuit
• S'lon les paîssonièrs lus paîsson est tréjous frais
• La pouque sent à paîsson

Guernésiais

• Les grànds paissaons mangent les p'tits

Viyiz étout

• Liste des paîssons