Papers by Nyambayar Bolooj
Дэлхий нийтэд түлхүү хөгжөөд буй төрийн хариуцлагын эрх зүйн судлагдахуун нь төрийн зүгээс иргэди... more Дэлхий нийтэд түлхүү хөгжөөд буй төрийн хариуцлагын эрх зүйн судлагдахуун нь төрийн зүгээс иргэдийн эрхийг хөндсөн, тэдний эрхэнд халдсан үйлдлийн үр дагаврыг хэрхэн арилгах тухай онол, үзэл баримтлал бөгөөд нийтийн эрх зүйн салбар дахь хохирлыг нөхөн төлүүлэх, нөхөн олговор олгох явдал энд голлох байр суурийг эзэлнэ. Өнөөгийн байдлаар манай улсад төрийн хариуцлагын асуудал хараахан нэгэн цогц эрх зүйн салбар болж хөгжөөгүй байгаа бөгөөд түүхэн хөгжлийн болон агуулгын үүднээс авч үзвэл өөр хоорондоо ихээхэн ялгаа бүхий хууль тогтоомжид тусгалаа олсон байна. Эдгээр нь харилцан зөрчилтэй, уялдаагүй байгаа нь төрийн хариуцлагыг ил тод бус, хийдэл цоорхойтой болгож байгаа тухай Б.Чимид багш "Хариуцлагын тогтолцоо, Засгийн Газрын бүрдэл болон төрийн хэлбэрийн тухай хэдэн хариулт" судалгаандаа тусгаж байжээ 2 . Тэрээр төр ба төрийн байгууллагын хариуцлагын асуудал Үндсэн хуулийн эрх зүйн асуудал болохыг дурдаад улс төрийн хариуцлагад ихээхэн анхаарал хандуулсан байдаг. Харин энэ судалгаагаар төрийн хариуцлагын эрх зүй хэмээх салбарыг хөгжүүлэх нь манай Үндсэн Хуулийн тулгуур үзэл баримтлалтай нягт холбоотой болохыг, мөн төрийн хариуцлагын асуудлыг шийдвэрлэх бие даасан салбар эрх зүй хөгжиж, нийтийн эрх зүйн тусгайлсан хууль тогтоомжийн кодификац бий болох хүртэл Иргэний Хуулийн суурь үзэл баримтлал, зохицуулалтыг энэ салбарт төсөөтэй хэрэглэж болохыг тус илтгэлийн хүрээнд харуулахыг хичээлээ.
Uploads
Papers by Nyambayar Bolooj