Bernieyrou

Adieussiatz Bernieyrou, per la lista de las comunas d'Occitània, dins l'estat francés apondèri una colomna dins la table d'appartenance géographique de l'INSEE. Es en linha sus mon GDrive: https://drive.google.com/file/d/1Mnkw09cmNYP9O6yOzpFL0tvgUZp0oDIJ/view?usp=sharing La podètz anar fintar. Coralament, --— Joan Francés Blanc (me´n parlar) 28 abril de 2022 a 13.51 (UTC)

Bonjorn Monsen Blanc, avètz fach un brave trabalh encara un còp! Completar de fichièrs Excel oficials es un biais segur per acampar de donadas. Per aquò decidir a l'ora d'ara se tala comuna rurala d'Alièr, de Char, d'Endre, d'Isèra o de Lèira es occitana o pas me sembla un pauc complicat emai arbitrari benlèu. Çaquela pensave que la termièra entre occitan bearnés e basc èra mai aisida a definir, las doas lengas essent pro viventas e talament diferentas mas me trache qu'es pas tant evident qu'aquò. Aital e contràriament a la Viquipèdia occitana, daissatz a la lenga basca las comunas soletinas de Gestas, Montory e Osserain-Rivareyte. Se aquí me dise perqué pas, Arancou basca m'estona mai. Aquela comuna es blocada entre Came e Bergouey-Viellenave, doas comunas reputadas occitanas de la Tèrra de Gramont (lo vòstre obratge de 2017 cita ben Arancou mas pas Lichos). Qué ne pensatz?

Coralament. Bernieyrou (d) 29 abril de 2022 a 23.06 (UTC)

Adieussiatz.

Mercé plan. Es corregit per Arancon, mas soi encara a far d'autras modificacions, cargarai lo fichièr corregit en linha dins qualques setmanas. — Joan Francés Blanc (me´n parlar) 2 mai de 2022 a 06.58 (UTC)

Occitania

Adieu, es doncas una autra revista. Vau apondre las annadas. Mercé per la correccion! — Joan Francés Blanc (me´n parlar) 29 agost de 2022 a 04.06 (UTC)

Revirada

Bonjorn Joan Francés, ai descobèrt "Revirada" e comenci de l'utilizar per redigir. Cossí senhalar las errors constatadas als desvolopaires? Per exemple la traduccion de "les corses" balha "los còrses" en gascon mas "los còrss" en lengadocian, o encara "comment" qu'es de còps traduch per "coma" en lengadocian. Coralament Bernieyrou (d) 6 novembre de 2023 a 23.15 (UTC)

Adieu,

Ai demandat a un contacte al Congrès cossí far. Tanlèu qu'ai la responsa la vos fau passar.

Coralament, — Joan Francés Blanc (me´n parlar) 7 novembre de 2023 a 10.04 (UTC)

Adieu,

Vèni d'aver l'informacion.

Las demandas de correccions se devon apondre dins aquel fichièr : https://lite.framacalc.org/errorsrevirada-9vh4

Coralament, — Joan Francés Blanc (me´n parlar) 7 novembre de 2023 a 10.29 (UTC)

Mercé plan Joan Francés, coralament, Bernieyrou (d) 7 novembre de 2023 a 12.49 (UTC)

Nom de país amb o sens article

Adieu-siatz Bernieyrou, mercé per vòstras correccions a prepaus de l'article superflú davant Occitània. L'article deninit s'evita en general davant un nom de país, mas es necessari de lo metre quand lo nom de país es determinat, qu'es ansin la règla d'Alibèrt de totes los bons gramaticians. Ansin: Occitània mas l'Occitània contemporanèa e l'Occitània Granda; Japon mas lo Japon ancian; America mas l'America del Sud, etc. O vau adobar amb vòstra permission. Un còp de mai, mercé per vòstra vigilància. Coralament. 25 junh de 2024 a 12.34 (UTC)~ Sovenhic (d) 25 junh de 2024 a 12.34 (UTC)

Bonjorn Sovenhic, mercé per la leiçon! Aquò fa ben trenta ans qu'ai pas tornat legir la gramatica! Coralament, Bernieyrou (d) 25 junh de 2024 a 13.50 (UTC)

Carta lingüistica

Adieu Bernieyrou,

Ai pas encara agut l'escasença de far coneissença amb vos. Siá. Vos convidi a prendre part a la discussion a prepaus de la carta lingüistica que se ten sus la tavèrna en rason de vòstra preséncia sus Wikipèdia per laissar vòstre vejaire. Ensagi d'estructurar mon trabalh al melhor, dont ai exprimit lo rasonament dins diferents messatges.

Mercé d'avança, Dijòus12 (d) 5 julhet de 2024 a 22.24 (UTC)

Bonjorn Dijòus12,

Vos mercegi d'aver pensat a ieu per la discussion a prepaus de la carta lingüistica. Ai agachat los escambis en cors mas, al contrari dels participants, ai pas de competéncias sufisentas per balhar un vejaire esclairat suls tèmas abordats. Vos desiri de trobar totes ensembles los compromeses necessaris per far evoluar la carta coma cal.

Plan coralament, Bernieyrou (d) 6 julhet de 2024 a 20.52 (UTC)