Australopithecus africanus

Australopithecus africanus siguec un ominid lèu, un australipitecid que demorec hè demest 3.03 e 2.04 millions d'annadas, pendent eth Pliocèn ancian e eth Pleistocèn lèu (2). Auia en comun dab eth mès ancian Australopithecus afarensis un cos fragil e se pensa qu'ei un ancessor directe des umans moderns. Es trobalhes fossils diden qu'Australopithecus africanus ère mès proche des umans moderns que no pas Australopithecus afarensis dab un cran mès parièr ath des umans modernes qu'auia un cervèth mès gran e ues caracteristiques faciaus mès umanes. Australopithecus africanus a sigut trapat en sonque quate lòcs en eth sud d'Africa - en Taung (1924), Sterkfontein (1935), Makapansgat (1948) e Gladysvale (1992) (1).

Fossils famosi

Eth Drolhe de Taung

Raymond Dart mostrèc interès en es fossils trapats ena mina de Taung, prèp de Kimberley, en Sud-Africa, en 1924 (3) (4). Era peça mès prometedora qu'ère un cran d'ua estranha creatura simiesca qu'auia tamben caracteristiques umanes coma es orbites des uelhs, dents e, sustot, un horat ena base deth cran sus era colona espinal (foramen magnum) que confirmauen ua manèra de desmarchar umana. Dart donèc a aguest individú eth nom d'Australopithecus africanus (eth monard deth sud d'Africa) (1).

Ère eth prumèr viatge qu'era paraula Australopithecus ère utilizada tà aperar un ominid. Dart proclamèc qu'eth cran seriá ua espècie intermieja demest eth monard e es umans mès es sòns pretensions sus eth Drolhe de Taung sigueren reborrades pera comunautat scientifica pr'amor qu'en aquera epoca se pensaua qu'ua locomocion bipede sonque podia passar per ua capacitat craneal mès grana (1).

Eth problema se hèc enqüera mès gran quan s'acceptèc er Òme de Piltdown. Sir Arthur Keith, un collega anatomista e antropològ, diguec qu'eth cran apertenhia a un monard joen e que semblaua un gorila drolhe. Siguec pas enquia vint annadas dempús qu'eth public acceptec eth navèth genre e qu'es australopitecids sigueren un vertadièr membre des ominins.

Aguest ei eth cran qu'es trabalhaires deth arqueològ Broom aperaren coma Senhora Ples (Mrs. Ples)

Era Senhora de Ples

Era teoria de Dart auec suport de Robert Broom (5). En 1938 Broom classèc ues trobalhes endocraneals d'adult dab un cervèth de 485 cm3, qu'auia sigut trapat per G.W.Barlow, coma Plesianthropus transvaalensis. Eth 18 d'abril de 1947 Broom e John T. Robinson descurbigueren un cran qu'apertenhia a ua hemelha de mieja edat (6) (dab eth nombre de catalòg STS 5) mentre èren perforant en Sterkfontein. Broom classèc es trobalhes tamben coma Plesianthropus transvaalensis mès es trabalhaires mès joens de Broom l'aperaren coma era Senhora de Ple (Mrs. Ples). Era fauta de projeccion facial tà'l comparar dab es monards moderns siguec ja arremercada per Daymond Dart (includent eth Drolhe de Taung), ua caracteristica en comun dab ominins dab caracteristiques mès auançades. Ambdús fossils sigueren dempús classadi coma Australopithecus africanus.

Morfologia e interpretacions

Coma Australopithecus afarensis, Australopithecus africanus eth sòn cosin deth sud d'Africa auia tamben plan de caracteristiques qu'èren parières pr'amor qu'ère un ominid bipede dab uns braci un pauc mès longui que no pas es cames (ua caracteristica que tamben trapam en eth chimpanzé). Maugrat qu'auia uns traches cranials mès umans, coma se pòt vèder en eth cran dera Senhora Ples e tamben en eth fossil STS 71, tamben auia traches mès primitiui includint uns dets mès corvi, coma es monards, tà poder pujar as arbes.

Per aguesti e d'autes caracteristiques primitiues beri uns scientifics crederen qu'aguest ominin en lòc d'èster un ancessor directe des ominins mès moderni, evolucionèc enquia Paranthropus. Atau, qu'es credeva qu'Australopithecus africanus ère un ancessor de Paranthropus robustus. Ambdús, Paranthropus robustus e Australopithecus africanus auien uns crans que son plan parièrs e açò maugrat que es traches de Paranthropus robustus son mès pesants e semblen mès adaptacions tà nhacar coma es goriles. Australopitehcus africanus totun auia un cran qu'ère plan parièr ath deth chimpanzé e ambdús cervèths auien demest 400 cm3 e 500 cm3 e probaubaments auien ua intelligencia coma era des monards (5). Australopithecus africanus auia ua pelvis bastida tà ajudar a desmarchar coma bipede e melhor qu'Australopithecus afarensis.

Dimorfisme sexual

Adara s'a vist qu'es caracteristiques deth dimorfisme sexual uman (es disparietats demest es òmes e es hemelhes ) dera espina lumbar daten de primats premoderns coma Australopitehcus africanus. Aguest dimorfisme ei vist coma ua adaptacion evolutiua des hemelhes tà poder suportar melhor era carrega lumbar pendent qu'èren prenhs, ua adaptacion qu'es primats non bipedes an pas de besonh de hèr (7) (8).

En 2011 un estudi hèt dab estronci sus es dents trapades confirmèc qu'Australopithecus africanus e Paranthropus robustus deth sud d'Africa èren patrilocaus: es hemelhes voliuen desmarchar mès luenh deth sòn parçan de neishement mès que no pas es òmes (9) (10).

Geocronologia

Er individú deth Pè Petit (Little Foot) qu'a 3 millions d'annadas. Totun, eth sòn descurbidor, Ronald J. Clarke, pensa qu'es poderiá aperar Australopithecus prometeus, ua espècie aperada per Raymond Dart que cambiec tà A. africanus per sòns trabalhaires (11) (12). Beri uns qu'ac daten demest 3.03 e 2.04 millions d'ans (13) segontes conferma ua combinason de paleomagnetisme, ressonancia electronica e datacion de fauna (14).

Es fossils de Makapangsgat son demest hè 3.03 e 2.58 millions d'ans e era Senhora Ples a 2.04 millions d'ans. Gladysvales demest 2.4 e 2.0 millions d'ans. Eth Drolhe de Taung ei mès malaisit de classar e encara ei estudiat per Brian Kuhn, Phil Hopley, Colin Menter e Andy Hauries.

Tà vèder tamben

• Cranial capacity
• List of fossil sites (with link directory)
• List of human evolution fossils (with images)
• Human evolution

Referències

1. ^{a b c d} Australopithecus africanus
2. Human Ancestors Hall: Tree
3. Raymond Dart and our African origins
4. TalkOrigins Archive — Biographies: Raymond Dart
5. ^{a b} Primate Origins
6. John T. Robinson
7. The Independent's article A pregnant woman's spine is her flexible friend, by Steve Connor from The Independent (Published: 13 December 2007) quoting Shapiro, Liza, University of Texas at Austin Dept. of Anthropology about her article, Whitcome, et al., Nature advance online publication, (2007) doi:10.1038/nature06342 .
8. Why Pregnant Women Don't Tip Over. Amitabh Avasthi for National Geographic News, December 12, 2007. This article has good pictures explaining the differences between bipedal and non-bipedal pregnancy loads.
9. Bowdler, Neil (2 June 2011). "Ancient cave women 'left childhood homes'". BBC News. Retrieved 2011-06-02.
10. Copeland SR, et al.; Sponheimer, Matt; De Ruiter, Darryl J.; Lee-Thorp, Julia A.; Codron, Daryl; Le Roux, Petrus J.; Grimes, Vaughan; Richards, Michael P. (2011). "Strontium isotope evidence for landscape use by early hominins". Nature 474 (7349): 76–78. doi:10.1038/nature10149. PMID 21637256.
11. BRUXELLES L., CLARKE R. J., MAIRE R., ORTEGA R., et STRATFORD D. – 2014. - Stratigraphic analysis of the Sterkfontein StW 573 Australopithecus skeleton and implications for its age. Journal of Human Evolution.
12. http://phys.org/news/2014-03-stratigraphic-foot-oldest-australopithecus.html
13. =Herries, A.I.R., Shaw, J. 2011. Palaeomagnetic analysis of the Sterkfontein palaeocave deposits; age implications for the hominin fossils and stone tool industries. J. Human Evolution. 60, 523-539.
14. =Herries, A.I.R.., Hopley, P., Adams, J., Curnoe, D., Maslin, M. 2010. Geochronology and palaeoenvironments of the South African early hominin bearing sites: a reply to ‘Wrangham et al., 2009: Shallow-Water Habitats as Sources of Fallback Foods for Hominins’ Am. J. Phys. Anthro. 143, 640–646.

Pàgines web

• MNSU
• Australopithecus africanus - The Smithsonian Institution's Human Origins Program
• Handprint
• Maropeng - The Cradle of Humankind Official Website
• UNESCO - Fossil Hominid Sites of Sterkfontein, Swartkrans, Kromdraai, and Environs