Chassepot modèl 1866
Lo fusiu Chassepot modèl 1866 foguèt lo fusiu adoptat per l'armada francesa en 1866 per remplaçar lei fusius Minié. Foguèt principalament utilizat pendent la guèrra Guèrra francoprussiana (1870-1871), la Comuna de París (1871) e benlèu lei guèrras colonialas de l'epòca.
Foguèt lo premier fusiu de l'armada francesa amb un cargament per la culassa. Autorizèt donc lo cargament en posicion cochada e una frequença de tir mai importanta. Per aumentar la portada, una pèça de cauchó estancava lo sistèma entre la culassa e la chambra. Lo canon èra raiat.
La cartocha èra una fabricacion complicada d'un desenau de pèças coma la bala, una capsula metallica ambé l'esca, una envelopa de papier... Èra assemblada per lo soudat. Après, pendent lo tir, la cartocha èra brutlada. Pasmens, aqueu foncionament encrassava l'arma e podiá blocar lo tir après un vintenau de còps.
Se fabriquèt mai de 1 200 000 fusius Chassepot entre 1866 e 1875. La desfacha de 1871 ambé Prússia e l'aparicion dau fusiu Mauser 1871 entraïnèron lo remplaçament dau Chassepot per lo fusiu Gras qu'èra un Chassepot modificat en 1874 per utilizar una cartocha metallica.
Caracteristicas tecnicas dau fusiu
[modificar | Modificar lo còdi]- Calibre : 11,8 mm.
- Pes : 4 054 g (4 687 g ambé la baioneta).
- Longor : 130 cm (188 cm ambé la baioneta).
- Longor dau canon : 795 mm.
- Portada utila : 150 m.
Caracteristicas tecnicas de la municion
[modificar | Modificar lo còdi]
- Pes de la cartocha : 34 g.
- Diamètre de la cartocha : 13,5 mm.
- Diamètre de la bala : 11,8 mm.
- Pes de la bala : 24,5 g.
- Velocitat iniciala : 375 m/s.