Discriminacion
La discriminacion es lo tractament diferent e mespresent d'una persona o collectiu en rason de sa caracteristicas etnicas, de genre, d'orientacion sexuala, de religion, de lenga o d'accent, d'edat, de santat, d'estatut social… S'agís sempre de caracteristicas intrinsècas de la persona.
La discriminacion es un acte de separacion d'una persona o un grop de personas segon de criteris determinats. Creire èsser superior a una autra persona e atal, la maltractar fisicament e/o mentalament li causant d'efièches negatius. Dins un sens mai larg, la discriminacion es un biais d'ordenar e classificar d'autras entitats, personas... Pòt far referéncia a quin domeni que siá, e pòt utilizar quin critèri que siá. Se parlam d'èssers umans, per exemple, podèm discriminar entre autres critèris, segon l'edat, la color de la pèl, lo nivèl d'estudis, lo nivèl social, l'orientacion sexuala, eca. Mas podèm tanben discriminar de fonts d'energia, d'òbras literàrias, d'animals ...
Pasmens, dins un sens mai popular, lo tèrme discriminacion fa referéncia a l'acte realizar una distincion o segregacion que prejudicia l'egalitat. S'utiliza normalament per far referéncia a la violacion de la leis sus las libertats e l'egalitat dels dreches pels dreches individuals dels individus al subjècte de la question sociala, politica, raciala, religiosa...
Lo principi de discriminacion positiva vòl de donar un cèrt avantatgi a un collectiu uman que patiguèt o patís un tractament discriminatòri qu'òm vòl eradicar.
Motius frequents de discriminacion
[modificar | Modificar lo còdi]- Èsser d'una raça diferenta de la majoritat, o de raça diferenta d'aqueles qu'an lo poder, coma los non blancs en Euròpa o America (manifestacion del racisme)
- Èsser praure o a d'una classa sociala bassa (classisme)
- Èsser immigrant (xenofòbia)
- Aver un accent dich "regional"
- Patir d'un andicap o malautiá visibla
- Èsser femna (sexisme)
- Aver una orientacion sexuala minoritària
- Intrar pas dins los canons de beutat d'una cultura donada
- Exercir una profession non prestigiosa (sovent manuala)
Ligams extèrnes
[modificar | Modificar lo còdi]- (fr) [1] La discrimination à l'accent en France : idéologies, discours et pratiques per Mederic Gasquet-Cyrus.