Gregòri VI
Gregòri VI (vèrs 1000, Colonha - 1048, Colonha) foguèt lo 148en papa de la Glèisa Catolica dau 1èr de mai de 1045 au 20 de decembre de 1046. Foguèt papa durant lo periòde de trèbols liats au pontificat de Beneset IX (1033-1045 e 1047-1048).
Obtenguèt la papautat après l'abdicacion de Beneset IX en sa favor, probablament en cambi d'una importanta soma. Deviá faciar un papa rivau, Silvèstre III elegit per d'adversaris de Beneset IX. Puei, rapidament, foguèt tanben contestat per Beneset IX eu meteis que voliá revenir sus sa decision de renonciar au tròne pontificau. Per resòuvre aquelei dificultats, Gregòri VI reüniguèt un sinòde que condamnèt Silvèstre III. Pasmens, leis evesques condamnèron egalament Gregòri VI qu'aviá crompat sa carga e que deguèt abdicar.