Joana de Tolosa
  | |
| Nom | (fr) Jeanne de Toulouse |
|---|---|
| Biografia | |
| Naissença | 1220 Tolosa |
| Mòrt | 25 Agost de 1271 (50/51 ans) Siena |
| Donadas personalas | |
| Nacionalitat | Francesa |
| Activitat | |
| Profession | òme politic |
|
| |
| Festivitat | 31 de març |
| Autres | |
| Conjunt | Anfós de Peitieus (1241 (Gregorian)–) |
| Maire | Sança d'Aragó (ca)  |
| Paire | Ramon VII de Tolosa |
 | |
Joana de Tolosa, (1220 † 1271) foguèt una nòbla occitana. Comtessa de Tolosa e marquesa de Provença de 1249 a 1271, èra la filha de Raimon VII (IX), comte de Tolosa, e de Sancia d'Aragon.
Biografia
[modificar | Modificar lo còdi]Aviá pas que nòu ans quand lo Tractat de París la destinèt a esposar Anfós de França (1220 † 1271), fraire de Loís IX, rei de França. Foguèt elevada a la Cort de França e beneficièt pas de la cultura occitana, çò que fa qu'aviá pas cap de simpatia pel catarisme, alara activament combatut per l'Inquisicion en Lengadòc e dins lo comtat de Tolosa.
La data de son maridatge es pas coneguda amb certitud, los istorians esitan entre lo 13 de març de 1234 e lo 13 març de 1241. La primièra data es la mai probabla, perque, coma l'enjòc d'aquel maridatge es de far passar lo comtat de Tolosa jol contraròtle capecian, lo maridatge deguèt èsser organizat tre que Joana podiá arribar en temps de se maridar.
Son marit recebèt en apanatge los comtats de Peitieus e d'Auvèrnha lo 24 de junh de 1241. Fòrt lèu, li calguèt reprimir amb son fraire una revòlta dels barons peitavins, puèi l'annada seguenta una revòlta dels barons occitans conducha per Raimon VII, lo paire de Joana. Montsegur es assetjat en 1244.
Lo 26 d'agost de 1249, Joana e Anfòs s'embarquèron a Aigas Mòrtas per acompanhar la Setena Crosada. Raimon VII moriguèt lo 27 de setembre de 1249 e Anfòs e Joana venguèron comtes de Tolosa. Blanca de Castelha, maire del rei e d'Anfós e regenta del reialme, mandèt un senescal a Tolosa. Aprèp la desfacha de Mansourah (5 d'abril de 1250) e la liberacion d'Anfós, qu'èra estat fach prisonièr, Loís IX demorèt en Tèrra Santa mentre que Joana e Anfós tornèron en França. Prenguèron possession del comtat en octobre de 1250, faguèron lor dintrada oficiala dins la vila lo 23 de mai de 1251, confirmèron la nominacion del senescal e sejornèron sonque rarament a Tolosa.
En 1270, lo coble s'engatgèt dins l'Ochena Crosada, mas lo rei, malaut, moriguèt a Tunis. Pendent lo retorn, lo cople tanben malaut, s'arrestèt al castèl de Corneto, prèp de Siena. Anfós i moriguèt lo 21 d'agost de 1271, e Joana lo 25.
| Precedit per | Joana de Tolosa | Seguit per | ||
| Raimon VII (IX) |
|
domeni reial |
