Bonchi di koffie

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Bonchi di koffie

Supkategoria di	seed, product, Coffea
Parti di	Coffea
Has use	koffie
Fabrication method	dry roasting
Natural product of taxon	Coffea arabica, Coffea canephora, S795 coffee

Un bonchi di koffie ta un simia di e mata di koffie (Coffea). E simianan aki ta wordo yama bonchi di koffie pa e motibo cu nan ta mustra similar na un bonchi berdadero pero for di e perspectiva di botanica esaki no ta corecto.

E simianan ta ubica den e fruta cu color cora o biña. Normalmente, cada fruta tin dos simia cu e bandanan plat contra otro. Sinembargo, e sa pasa cu un fruta ta consisti di solamente un fruta. E bonchi aki ta mas chikito y rondo den su forma en comparacion cu un bonch'i koffie normal. E bonchi chikito aki ta wordo yama peaberry.

E bonchinan di koffie mas conoci ta e Coffea arabica (Arabica) y Coffea canephora (Robusta). E tera, tanto e salo, como e temperatura y humedad di e medio ambiente tin influencia ariba e producto final. Asina e mesun bonchi su sabor lo ta masha diferente si, por ehempel, e ta origina for di Costa Rica en comparacion cu Etiopia.

Robusta tin un averahe di casi dos biaha mas cafeina cu koffie arabica, 2.7% y 1.5%, respectivamente. Esaki ta pa motibo di e altitud unda e koffie ta wordo cultiva. E mata di koffie ta produci cafeina pa proteha su mes di parasito y malesa. Na altitudnan mas abou (900–1.000m), unda e bonch'i Robusta ta crece, tin mas malesa y parasito, loke ta pone cu e mata mester di mas proteccion. Al contrario, e bonch'i Arabica no tin mester di e proteccion natural aki, pasobra e ta crece na un altitud mas halto (1.300–1.500m). Asina e bonch'i Arabica ta consisti di menos cafeina en comparacion cu e bonch'i Robusta. Bonch'i koffie cultiva na un altitudnan ariba di 1.200 meter ta mas preferi, pasobra e elevacion kiermen cu e bonch'i koffie ta desaroya mas pocopoco, resultando den un bonch'i koffie cu densidad nutritivo halto.

Brasil ta reconoci como e productor y proveedor mas grandi di koffie. Na 2022, Brasil a produci 62.6 miyon saco (saco di 60kg) di koffie, sigui pa Vietnam cu 30.2 miyon saco, y Colombia cu 12.6 miyon saco.

Cosecha di koffie

Fruta di koffie

Bonchi'i koffie encapsula pa e fruta

Bonchi'i koffie berde sin procesamento (tota)

Koffie seca, tota, y mula

Fuente, nota i/òf referensia

Mira tambe e kategoria Coffee beans di Wikimedia Commons pa mas dato mediatiko tokante di e tema aki.