Fresku (arte)

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

Akademia di Atenas, 1511, un fresku pa Rafael Sanzio

Freskunan di Michelangelo i otro pintornan den e Kapel Sistina na Stat Vatikano

Un fresku (italiano: affresco literalmente ta nifiká "fresku") ta un pintura riba un muraya (mural) òf plafond den kua e ferf ta wòrdu apliká direktamente riba kalki muha. Ora e kalki seka, e ferf ta forma un kapa firme i duradero. E bentaha prinsipal di fresku ta ku e kolónan ku e kalki ta apsorba ta keda preservá pa hopi tempu. Un desbentaha ta ku erornan no por wòrdu drechá. Pintamentu riba kalki muhá ta wòrdu yamá al fresco òf in fresco.

Ora di pinta riba un kapa seku di kalki, esaki ta wòrdu yamá a secco òf al secco. Tambe tin un variante intermedio, mezzo-fresco, den kua e ferf ta wòrdu apliká riba kalki parsialmente seku. E término fresku ta referí na tantu e téknika komo e pintura mes.

E promé freskunan a wòrdu hañá na Kreta, Gresia. For di einan e téknika a plama pa entre otro Egipto antiguo.

Téknika

E téknika di fresko ta enserá pintamentu riba un medio humedo, manera pleistu muhá fresku. E téknika ta rekerí velosidat, pasobra e pleistu ta seka denter di un dia. E área labrá pa dia ta wòrdu yamá un giornata ("un dia di trabou"). E fronteranan di e giornata tin biaha ta visibel.

Solamente algun pigmento ta adekuá pa fresku, miéntras ku otronan por wòrdu apliká solamente despues ku e pleistu ta seku. Pa elaborá, koló ta restringí na e rango di famia di pigmento di tera kua ta resistente na kalki. Koló mineral manera blou, afektá pa kalki, ta wòrdu apliká riba pigmento di tera ora e pleister ta seku.

Fasenan

Cennino Cennini a deskribí e pasonan di téknika di fresko den siglo 15:

1. Arriccio: E muraya ta kubrí ku un kapa brutu di pleistu, i ta riba e superfisie aki, e artista ta traha un skèts medio di karbon.
2. Sinopia: Despues di aprobashon di e skètsmentu, ta pasa fèrf ókra (un famia di pigmento di tera di koló hel òf kòrá) mesklá ku sinopia, un pigmento kòrá-bruin. Tantu e pigmento komo e skèts mes ta wòrdu yamá sinopia.
3. Intonaco: E sinopia ta wòrdú kubri ku un kapa di pleistu fini i liso, e asina yamá intonaco. E kapa di pleistu aki ta keda humedo i ta permití pa por mira e sinopia dor di e pleistu, loke ta fásilita e fèrfmentu di e fresku.

Inovashon

Un ehèmpel di un karton pa e fresku, Akademia di Atenas

Desde siglo 15, e téknika a wòrdu perfekshoná dor di utilisá dibuho na tamaño real, trahá riba karton (blachinan di papel pegá na otro). E diseño di dibuho ta wòrdu dividí den kuadra i transferí na e inotaco. Pa kopia y transferí e dibuho, ta perforá e detayenan riba e karton ku burako chikitu, y ta imprimí puiru di carbon pa marka e diseño riba e inotaco. E téknika aki ta yama spolvero. E téknika aki a wòrdu usá, entre otro, pa Domenico Ghirlandaio i Michelangelo Buonarroti pa indiká detayenan, manera kara.

Referensia

• E artíkulo aki òf un vershon anterior di dje ta un tradukshon di e artíkulo Fresku (arte) riba e Wikipedia hulandes, ku ta kai bao di e lisensia Creative Commons Attribution/Share Alike. Mira e historia di edishon einan.