Jodocus Hondius
| Parti di | Hondius family  |
|---|---|
| Pais di nashonalidat | County of Flanders, Republika di Shete Provinsia Uni di Hulanda |
| Nòmber den idioma propio | Joost d'Hondt |
| Nòmber di dilanti | Jodocus |
| Fam | Hondius |
| Fecha di nasementu | 17 òktober 1563 |
| Lugá di nasementu | Wakken |
| Fecha di fayesimentu | 12 febrüari 1612 |
| Lugá di fayesimentu | Amsterdam |
| Date of burial or cremation | 9 febrüari 1612 |
| Kasá | Colette van den Keere |
| Yu | Jodocus Hondius II, Henricus Hondius II |
| Lenga materno | Hulandes |
| Dominio di idioma | Hulandes, Latin |
| Okupashon | cartographer, printmaker, publisher, instrument maker, astronomer |
| Studiante | Pieter van den Keere |
| Lugá di trabou | Gent, Amsterdam, London |
| Obra notabel | Petworth globe |
| Influencia pa | Gerardus Mercator |
| Describi pa URL | https://www.biografiasyvidas.com/biografia/h/hondius.htm |
| Status pa derecho di autor como creador | derecho di autor pa obra a caduca |
Jodocus Hondius (Latinisa for di su nomber Hulandes : Joost de Hondt of Jodocus Hondius de Oudere pa distingui'e for di su yiu, Jodocus Hondius II) (☆ 17 di oktober 1563 na Wakken - † 12 di februari na Amsterdam) tabata un cartografo di Vlaanderen, Belgica, activo na Londen y Amsterdam. E ta conoci specialmente pa e redistribucion di e atlasnan di Gerardus Mercator (di e manera aki el a reestablece e reputacion di e trabounan di Mercator), su mapanan di e Mundo Nobo, Europa y e pinturanan di Francis Drake. Hondius a yuda establece Amsterdam como e centro di cartografia na Europa den siglo XVII.
Bida y trabou
[editá | editá fuente]Jodocus Hondius a nace na Wakken, yiu di Oliver de Hondt y Petronella d'Havertuyn. Su famia a muda pa Gent (Belgica) den su hubentud. Pa tempo cu el a cumpli ocho aña el a cuminsa siña dibuha y graba (print). Na 1584, pa motibo di di e guera cu Spaña y pa scapa persecucion religioso, Hondius a huy bay London. Eynan el a practica cu e cartografonan Ingles Richard Hakluyt y Edward Wright. Na 1593 el a bay Amsterdam bek y a establece un negoshi specialisa den e creacion di mapanan y globonan.
Hondius a publica e mapa 'Vera totius Expeditionis Nauticae' den 1595, basa parcialmente riba un mapa cu el a haya for di Rumold Mercator, yiu di Gerhard Mercator. Den e mapa e continentenan di Norte y Sur America y Europa-Asia-Africa ta dividi den dos hemisferio. Sur America ta representa den un forma mas realistico, pero e continente Australiano ainda no tabata comprendi. Na 1604 Hondius a cumpra e plakaatnan di e Atlas di Mercator, cu a cay atras den competencia cu e atlas popular di Ortelius. El a combina e mapanan original di Mercator cu mas di 40 di su mesun mapanan mas actual y desde 1606 el a publica versionnan amplia di e atlas. E atlas a keda bou di nomber di Mercator, pero awo e tabatin nomber di Jodocus Hondius como distribuidor.
Entre 1605 y 1610 el a graba plakaatnan pa e mapanan den The Theatre of the Empire of Great Britaine di John Speed. Poco tempo prome cu su morto na 1612, su yiu muhe, Elisabeth, a casa cu un distribuidor prominente yama Jan Jansson. Desde 1632 su establecimento a haya e nomber De Wackeren Hondt.
Links
[editá | editá fuente]- Library of Congress Vera Totius Expeditionis Nauticae 1595
- Universiteitsbibliotheek Amsterdam 25 mapa di Hondius
- Biography