Selekshon nashonal di futbòl di Kòrsou (maskulino)

Kòrsou
Alias	Los Azules - De Blauwen - The Blue Wave
Rango FIFA	91 ; (4 april 2024)
Rango mas haltu	di 68 (yüli 2017)
Rango mas abou	di 183 (aprel 2013, yüli 2014)
Federashon	Federashon Futbòl Kòrsou
Entrenadó; di bond	Dick Advocaat
Stadion	Stadion Ergilio Hato
Mas partisipashon; internashonal	Cuco Martina (55)
Mas gol	Leandro Bacuna; Rangelo Janga (14)
Kompetensia
	Promé internashonal; Republika Dominikano 1 – 0 Kòrsou ; (San Cristóbal, Republika Dominikano, 20 di augustus 2011); Hazaña; Kòrsou 10 – 0 Grenada ; (Willemstad, 11 di septèmber 2018); Pèrdida; Argentina 7 – 0 Kòrsou ; (Santiago del Estero, Argentina, 28 di mart 2023);
Kopa Oro di CONCACAF
Partisipashon	6 ; (promé biaha: 1963)
Mihó resultado	Di tres luga ; (1963, 1969)
Kopa Karibe
Partisipashon	2 ; (promé biaha: 2014)
Mihó resultado	Ganadó (2017)
	Primera Segundo
	[Manual]

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

E selekshon nashonal di futbòl di Kòrsou ta e ekipo di futbolistanan maskulino ku desde 2011 ta representá Kòrsou den kompetensianan internashonal. El a gana e Kopa Karibe (Caribbean Cup) na 2017, loke tabata e promé premio ofisial pa Kòrsou. Na 2019 e selekshon a logra yega e kuart final di e Kopa Oro di CONCACAF pa promé biaha.

Riba e tabla di klasifikashon mundial di FIFA, Kòrsou a logra posishon 68° na yüli di 2017, te awor su mihó posishon ademas di ta e di 6 mihó selekshon di CONCACAF.

E selekshon ta hunga su weganan normalmente den Stadion Ergilio Hato na Willemstad. Tur tramite pa e selekshon nashonal ta resortá bou di Federashon Futbòl Kòrsou (FFK).

Historia

Na 2011 e ekipo aki a tuma lugá di e selekshon di futbòl di Antias Hulandes, ku a stop di eksistí despues di e disolushon di Antia Hulandes. E ekipo aki tambe a hunga bou di e nòmber di "Kòrsou" te ku 1958, pero e tempu ei tabata representá tur e islanan di e teritorio di Kòrsou i Dependensianan. Tanto FIFA komo CONCACAF ta rekonosé e selekshon nashonal di Kòrsou komo e susesor direkto i úniko di e ekiponan di futbòl nashonal di Kòrsou (1921-1958) i Antias Hulandes (1958-2010).^[1]^[2]^[3]

Dia 29 di òktober 2010 e selekshon maskulino di Kòrsou a hunga su promé wega amistoso na Willemstad kontra Aruba. E wega aki a keda gana ku 3-0 i Everon Espacia a skor e promé gol na nòmber di Kòrsou. E promé wega pafor di Karibe Hulandes tabata 20 di ougùstùs 2011 kontra Republika Dominikano na estadio Panamerikano; esaki a terminá den un derota di 1-0 pa Kòrsou.

Partisipashon na torneo

Kopa Mundial

For di aña 2011 Kòrsou ta partisipá na weganan di klasifikashon pa kampeonato mundial di futbòl di FIFA. Na su promé weganan klasifikatorio pa Mundial 2014 na Brasil e selekshon a enfrenta Antigua i Barbuda, Haiti i Islanan Birgen Merikano. Despues di 2 viktoria i 1 empate for di 6 wega nan a keda eliminá komo e di tres ekipo di grupo F. E dos viktoria kontra e Islanan Birgen Merikano (3-0 i 6-1) tabata e proménan den un kualifikashon pa Kopa Mundial.

Pa Mundial 2018 e ekipo a alkansa e di tres buelta di e torneo i kualifikashon. Den e promé ronda na mart 2015 el a enfrentá Montserrat i a klasifiká pa e di dos ronda kontra Cuba ku un viktoria di 2-1 na kas i un viktoria di 2-2 den e di dos wega. Despues di un empate 0-0 den e wega na kas, un empate 1-1 den e wega di regreso kontra Cuba tabata sufisiente pa pone riba e regla di golnan pa e di tres ronda. Sinembargo, e ekipo a keda eliminá na septèmber 2015 despues di dos derota 0-1 kontra El Salvador.

Den e kualifikashon di 2022 e ekipo a enfrentá Guatemala, Sint Vincent i Grenadinanan, Cuba i e Islanan Birgen Britániko den e promé ronda na mart i yüni 2021. E ekipo a gana e grupo dor di hasi mas gol i a avansá pa e di dos ronda. Despues di un derota di 2-1 i un empate di 0-0 kontra Panama el a keda eliminá den e di dos ronda.

Pa Mundial 2026 e selekshon a kai den grupo C di e weganan di kualifikashon. E ta programá pa hunga su promé partidonan na 2024 kontra Barbados riba 5 di yüni den Stadion Ergilio Hato i kontra Aruba riba 8 di yüni den Stadion Guillermo Prospero Trinidad. Na 2025 e ta sigui pa topa ku Sint Lucia riba 6 di yüni i Haiti riba 10 di yüni.

Kopa Oro di CONCACAF

2017 – Preliminatorio
2019 – Kuart final
2021 – A retirá
2023 – No a kualifiká

Kopa Karibe

Na 2014 e selekshon a hunga den e ronda preliminatorio di Kopa Karibe. Den e edishon di 2017, e selekshon, despues di un fuerte kampaña di kualifikashon, a derotá e anfitrion Martinique den e semifinal ku e skor di 2-1. E ta vense Jamaica, kampeon saliente i seis biaha ganadó, ku e skor di 2-1 i ta logra su promé Kopa Karibe. Algun hungadó di e wega final tabata Elson Hooi (2 gol), Eloy Room (kiper), Gino van Kessel, Ayrton Statie, Rangelo Janga i Leandro Bacuna.

Kopa di Rei

Dia 5 di yüni 2019, Kòrsou a gana 3-1 kontra India den e promé ronda di Kopa di Rei, un torneo tailandés riba invitashon. Den e final dia 8 di yüni 2019, despues di un empate 1-1 despues di pinalti, e ekipo a gana e Kopa di Rei ku 5-4 di Vietnam na Chang Arena den e siudat Buri Ram na Tailandia.

Kopa ABCS

Na 2013 e ta yega te final, perdiendo di Sürnam 1-3 i ta caba na di tres lugá di Kopa ABCS na 2015. Entre 2016 i 2020 no tabatin kompetensia. Kòrsou tabata ganadó na 2021 den final kontra Boneiru (2-1) i na 2022 ta sali viktorioso den pinalti kontra Sürnam.^[4]

Último weganan i próksimo enkuentronan

Aktualisa te e último wega riba 9 di sèptèmber 2024.

■ Viktoria

■ Empate

■ Derota

Fecha	Siudat	Lokal	Resultado	Bishitante	Kompetensia
17-10-2023	Willemstad	Kòrsou	5:3	Trinidad i Tobago	CONCACAF Nations League 23/24
16-11-2023	Willemstad	Kòrsou	1:1	El Salvador	Partido amistoso
20-11-2023	Willemstad	Kòrsou	1:1	El Salvador	Partido amistoso
21-03-2024	Alanya	Kòrsou	1:0	Hull City	Partido amistoso híbrido
05-06-2024	Willemstad	Kòrsou	4:1	Barbados	Klasifikashon Kopa Mundial 2026
08-06-2024	Oranjestad	Aruba	0:2	Kòrsou	Klasifikashon Kopa Mundial 2026
06-09-2024	Saint George’s	Sint Lucia	2:1	Kòrsou	CONCACAF Nations League 24/25
09-09-2024	Saint George’s	Saint-Martin	0:4	Kòrsou	CONCACAF Nations League 24/25
11-10-2024	Gros Islet	Grenada	0:0	Kòrsou	CONCACAF Nations League 24/25
14-10-2024	Gros Islet	Kòrsou	1:0	Grenada	CONCACAF Nations League 24/25
15-11-2024	Willemstad	Kòrsou	-:-	Saint-Martin	CONCACAF Nations League 24/25
18-11-2024	Willemstad	Kòrsou	-:-	Sint Lucia	CONCACAF Nations League 24/25
06-06-2025		Kòrsou	-:-	Sint Lucia	Klasifikashon Kopa Mundial 2026
10-06-2025		Haiti	-:-	Kòrsou	Klasifikashon Kopa Mundial 2026

Tim tékniko

Posishon	Nòmber
Entrenadó prinsipal	Dick Advocaat
Entrenadó athuntu	Cor Pot Giovanni Franken
Entrenadó pa kiper	Raymond Mulder
Entrenadó fisiko	Angelo Cijntje
Video Analista	Léon Hese
Médiko	Casper van Eijck
Ofisial di prensa	Kees Jansma
Manager di tim	Wouter Jansen
Content Creator	Anouar Amrani

(Eks)-hungadó konosí

Lista di entrenadó

Manuel Bilches (2011–2012)^[5]
Ludwig Alberto (2012–2014)^[5]
Igemar Pieternella (2014, interino)^[5]
Etienne Siliee (2014–2015)^[6]
Patrick Kluivert (2015–2016)^[7]
Remko Bicentini (2016–2020)^[8]
Guus Hiddink (2020–2021)
Patrick Kluivert (2021, remplasante di Hiddink, kende a haña COVID-19 durante e kualifikashon pa Mundial 2022)^[9]^[10]
Art Langeler (2022)
Remko Bicentini (2022-2023)
Dean Gorré (2023, interino)
Dick Advocaat (desde 2024)^[11]

Mira tambe

Link eksterno

Fuente, nota i/òf referensia

↑ Curaçao, FIFA
↑ Curacao, CONCACAF (9 di mart 2021)
↑ Curaçao — List of Champions, RSSSF (3 di febrüari 2023)
↑ ABCS Football Tournament, RSSSF.org
↑ ^5.0 ^5.1 ^5.2 Joachim Springer, Bilches moet Curaçao naar WK leiden. Versgeperst.com (4 ougùstùs 2011).
↑ Paul Clarke, Soca Warriors Win Caribbean Cup Opener. The Gleaner (12 novèmber 2014).
↑ Lentin Goodijk, Internationals Curaçao dolblij met komst Kluivert. Metro (5 mart 2015).
↑ Edson Evertsz, Remko Bicentini, Rihairo Meulens i Partido di Fogeo pa Selekshon di Futbol di Korsou. Deporte Awe (24 ougùstùs 2016).
↑ Patrick Kluivert will replace Guus Hiddink for the remainder of the qualification matches for World Cup 2021. ffk.cw (19 mei 2021). Konsultá dia 2 yüni 2021.
↑ Curaçao uitgeschakeld in kwalificatie WK. Curacao.nu (16 yüni 2021).
↑ Dick Advocaat (76) keert opnieuw terug uit pensioen en gaat aan de slag bij Curaçao, Ad.nl (15 di yanüari 2024)

[1] Curaçao, FIFA

[2] Curacao, CONCACAF (9 di mart 2021)

[3] Curaçao — List of Champions, RSSSF (3 di febrüari 2023)

[4] ABCS Football Tournament, RSSSF.org

[alberto/pieternella-5] 5.0 ^5.1 ^5.2 Joachim Springer, Bilches moet Curaçao naar WK leiden. Versgeperst.com (4 ougùstùs 2011).

[6] Paul Clarke, Soca Warriors Win Caribbean Cup Opener. The Gleaner (12 novèmber 2014).

[7] Lentin Goodijk, Internationals Curaçao dolblij met komst Kluivert. Metro (5 mart 2015).

[8] Edson Evertsz, Remko Bicentini, Rihairo Meulens i Partido di Fogeo pa Selekshon di Futbol di Korsou. Deporte Awe (24 ougùstùs 2016).

[9] Patrick Kluivert will replace Guus Hiddink for the remainder of the qualification matches for World Cup 2021. ffk.cw (19 mei 2021). Konsultá dia 2 yüni 2021.

[10] Curaçao uitgeschakeld in kwalificatie WK. Curacao.nu (16 yüni 2021).

[11] Dick Advocaat (76) keert opnieuw terug uit pensioen en gaat aan de slag bij Curaçao, Ad.nl (15 di yanüari 2024)

[1]

[2]

[3]

[4]

[5]

[6]

[7]

[8]

[9]

[10]

[11]