Region ëd Murcia

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

La Region ëd Murcia (Región de Murcia an ëspagneul) a l'é un-a dle 17 Comunità autònome ch'a formo ël Regn dë Spagna. A l'ha na surfassa d'11.313 km2 e a conta anviron 1.392.000 abitant. La capital a l'é la sità 'd Murcia. Geografìa La Region ëd Murcia a resta al sud-est dë Spagna e a confin-a a òvest con l'Andalusìa, a nòrd con Castija-La Mancha, a est con la Comunità Valensian-a. A l'é bagnà a sud dal Mar Mediterani. Le montagne dla Murcia a son riche 'd fer, aram, piomb argentìfer. Lenga Ël drapò dla Comunità Autònoma dla Region ëd Murcia La lenga ufissial a l'é lë spagneul; ant la region na vira a l'era ancor spantià ël dialet mursian, na parlada dlë spagneul ch'al di d'ancheuj as deuvra squasi pi nen. Stòria A l'é stàita ël prim possediment dij cartaginèis an Ëspagna e ij roman a l'han butala ant l'Hispania Tarraconensis. Sota ij mòro la provinsa a l'era conossùa tanme Todmír e a comprendìa, conforma a Edrisi, le sità 'd Murcia, Orihuela, Cartagena, Lorca, Mula e Chinchilla. Ël regn ëd Murcia, dventà indipendent na vira drocà j'Omayyad, a comprendìa col che al di d'ancheuj a l'é Albacete, an dzorpì 'd Murcia. A l'é dventà soget a la coron-a 'd Castija dël sécol ch'a fa XIII. Finda al 1833 la provinsa ëd Murcia a comprendìa ëdcò Albacete. Anliure esterne Sit istitussional

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi