Ël Casal Nosé

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Ël Casal Nosé     Stat: Italia Region: Piemont Provincia: Provincia ëd Lissandria Nòm 'n italian: Casalnoceto Coordinà: Latitudin: 44° 54′ 46.1′′ N Longitudin: 8° 58′ 58.9′′ E Autëssa: 159 m s.l.m. Surfassa: 12,98 km² Abitant: 961 (2017) Comun dj'anviron: Ël Castlà, Godiasco Salice Terme (PV), Poncròu, Rivanazzano Terme (PV), Vigseu, Volped, Volpièj CAP: 15052 Prefiss tel.: 0131 Còdes ÌSTAT: 006040 Còdes fiscal: B902  Sant protetor: san Ròch  Festa dël borgh: 16 d'ost  Sit istitussional Ël Casal Nosé (Casalnoceto an italian) a l'é un comun dël Piemont ëd 961 abitant , ant la provinsa ëd Lissandria. As treuva an sla riva oriental dël torent Cròu, ant la pian-a a nòrd ëd la region dij Còj Tortonèis ch'a fan part dël pre-Apenin lìgur-piemontèis. Stòria Ël cioché dla parochial Le testimonianse archeològiche a mostro ch'ël teritòri dël Casal Nosé a sìa stàit abità fin da la Preistòria: a son stàit fàit artrovament dl'ansidita siviltà dij Vas a Boca Quadra e as pensa che la vis a sìa stàita coltivà fin dal IV mileni prima 'd Crist. Ël topònim ëd Nocetum as fa armonté a l'época roman-a, mentre che ant l'época dij Longobard a smìa che l'abità pì important a fussa col ëd la frassion Rosan, andova ch'a j'era na diramassion ëd la via Postumia, ch'a colegava Génoa a Aquilèja, an passand për la pian-a dël Pò. Ant l'Età 'd Mès ij topònim ëd Casà e 'd Nosé a son tùit e doi atestà coma s'a fusso doi località distinte: dël 972 l'imperador Oton I a conferma 'l possess ëd Nosé a l'abassìa 'd San Colomban ëd Beubi e ant l'istess ann a don-a Casà al monasté 'd San Pé an Cel d'Òr ëd Pavìa. Passà sota la giurisdission ëd Torton-a, a partécipa a le lòte contra Federich I Barbarossa. Dël sécol ch'a fa XIV, a l'é lijà a la sgnorìa dij Viscont ëd Milan e as buta da la part dij Ghiblin ant le varie contèise ch'a carateriso 'l perìod. A ven për sòn atacà e devastà për pì vire. A la fin dël Tërzent ij Viscont a l'arcostruvo pì fortifià, conforma al model ëd le ròche viscontil. Dël 1415 Flip Maria Viscont a assegna torna ël Casà Nosé a la Comun-a 'd Torton-a. La cesa 'd Santa Maria a Rosan Dël 1469 ël pais a l'é anfeodà a la famija Spìnola da jë Sfòrsa, dël 1523 a la branca Spìnola de Los Balbassos da l'imperador Carl V, che contestualment a conced lor gran benefissi con l'esension perpétua da imposission fiscaj. Jë Spìnola a l'avran gran rilevansa ant ël goern dël Ducà 'd Milan e a s'ansedio ant la frassion ëd Rosan, andova ch'a costruisso 'dcò na cesa e un monasté për fé sotré Ambreus Spìnola, conquistador ëd le Fiandre. La presensa djë Spìnola a don-a importansa al pais, ch'a contròla ij comersi dël gran e dël guald con la Repùblica 'd Génoa. Dël Setsent, col passagi a j'autrìach, la famija Spìnola a cad an maleur e 'l pais a perd sò ròl sentral ant l'economìa dla Val Cròu. Ël pais, tanme bon-a part dël Tortonèis, a passa sota la protession dij Savòja. D'apress a l'anession a l'Imperi Fransèis ëd Napoleon Bon-a-part, dël 1815 ël Casà Nosé a intra ant ël Regn ëd Sardëgna ant la Divison (peui Provinsa) ëd Lissandria, ant la Provinsa (peui Sircondari) ëd Torton-a e ant ël Mandament ëd Volped. Aministrassion Ël sìndich a l'é Ernesto Vegezzi (da l'08/06/2009, scond mandà dal 26/05/2014). Anliure esterne Sit istitussional Arferiment L'Oratòri 'd San Ròch

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi