Lej ëd Coulomb

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

La lej ëd Coulomb a fortiss che, dàit doi cit còrp A e B eletrisà con carie rispetive m e m', ferm, piassà ant ël veuid, a distansa r, costi as arposso o as tiro con na fòrsa dont l'antensità a l'é

F=k{\frac {mm'}{r^{2}}}

,

anté che k a l'é na costanta.
Si le carie elétriche dij còrp a l'han ël midem segn, a-i é arpossament: ël còrp A a l'é soget a na fòrsa concorda a BA. Si le carie a l'han segn contrari, a-i é atrassion.

Costa lej ëd variassion ëd la fòrsa an rason anversa dël quadrà dla distansa, che a l'ha la midema forma ëd la laj ëd Netwon, a l'é stàita enonsià da Coulomb dël 1785, 'me arzultà d'esperiense fàite con na balansa ëd torsion.

La costanta dielétrica

Ëd sòlit, a la costanta k ch'a compariss ant l'espression ëd la fòrsa as dà na forma pì complicà: ${\frac {1}{4\pi \varepsilon _{0}}}$ . Un a l'ha donca l'ugualiansa

F={\frac {1}{4\pi \varepsilon _{0}}}{\frac {mm'}{r^{2}}}

An sa manera, d'àutre equassion derivà da costa ma ch'as deuvro pì 'd soens a ven-o a avèj na forma semplificà.

Ël valor ëmzurà dla costanta dielétrica $\varepsilon _{0}$ a l'é

\varepsilon _{0}=8,854187818\cdot 10^{-12}{\frac {C^{2}}{Nm^{2}}}

.

Sistema a vàire carie

S'a son presente pì che doe carie $m_{1},m_{2},m_{3},\ldots$ , la laj ëd Coulomb a val për minca cobia ëd carie. La fòrsa esercità ansima a un-a ëd lor, për esempi $m_{1}$ a l'é smonùa da l'equassion vetorial

{\vec {F_{1}}}={\vec {F_{12}}}+{\vec {F_{13}}}+{\vec {F_{14}}}+\ldots

anté che ${\vec {F_{ij}}}$ a l'é la fòrsa esercità su $m_{i}$ da $m_{j}$ .