Pontormo
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
|
Pitor. Jacopo Carucci, stranomà Pontormo, a l'era nà dël 1494 a Pontormo e a l'é mòrt dël 1556 a Firense. Dël 1508 a l'é anstalasse a Firense e da là a l'ha pi nen bogià. Apress dij prim contant con l'art ëd Leonard da Vinci e Piero ëd Cosimo, Pontormo a l'é vnù anlev ëd Bartolomeo Pagholo del Fattorino e d'Andrea del Sarto. Vers ël 1520 a l'ha anventà un neuv ëstil espressiv fàit ëd figure slongà, ëd linie ancurvà e ëd color ciàir, ch'a trassend la pitura clàssica dl'Arnassensa e a duverta l'época dël manerism. Dël 1525 a l'han afidaje la decorassion dla capela Capponi ant la cesa ëd Santa Felìssita a Firense. Ambelessì a l'ha realisà l'armarchèivol fresch ëd l'Anonsiassion e ël tablò dla Deposission da la cros, ch'as treuva ancor an sò pòst original. Euvre prinsipaj[modìfica | modifiché la sorgiss]
|
