هوجينتاو

هوجن
تاو
هوکنتاو
د شخص مالومات
پيدايښت	۱۹۴۲ ان هوي ولایت چین
تابعیت	چين
توکم
مذهب	کنفیوسیس
ګوند
واک
عملي ژوند
کار/مسلک	ولسمشر
کاروونکې ژبه
لاسليک
ويبپاڼه
	مخ پر IMDB باندې

د چين د خلکو جمهوري هېواد ولسمشر

هو جين تاؤ (په چینایی ژبه: 胡锦涛) د چين د خلکو جمهوريت ولسمشر وو.

دی د چين مشهور ټبر هان څخه دی. او د ١٩٤٢م کال په ډسمبر کې د ان هوی ولايت په جی شي کې زيږيدلی دی.

مخينه

هوجين تاؤ د ١٩٦٤ زکال په اپريل کې يې د کمونسټ گوند غړيتوب تر لاسه کړی، او بيا يې د ١٩٦٥ز کال په جولايي کې په کار پيل وکړ. دی د چينگ هوا پوهنتون د اوبو لگولو پروژی څانگې د سيندونو دپاسه د بريښنا توليدولو په چارو کې تخصص لري .

زده کړې

له ١٩٦٤ کال څخه بيا تر ١٩٦٥ کال پوری يې د چينگ هوا پوهنتون د اوبو لگولو پروژی په څانگه کې لوړې زده کړې کړې او د سياسي لارښوونکي دنده يې پر غاړه درلوده.

دندې

هو جين تاؤ اوس د چين د کمونسټ گوند د مرکزی کميټی د عمومی منشی، د چين د ولسی جمهوريت د دولت رئيس، د کمونست گوند د مرکزی پوځی کميسيون مشر او د چين د ولسی جمهوريت د مرکزی پوځی کميټی د مشر دندې پر غاړه لري.

1. له ١٩٦٥ کال څخه تر ١٩٦٨ کال پوری يې د چينگ هوا پوهنتون د اوبو لگولو پروژی په څانگه کې د علمی څيړنی کار تر سره کړی او د سياسي لارښوونکي دنده يې هم پر غاړه درلوده. (د کلتوری لوی انقلاب د پيل په وخت کې دغه دنده پای ته ورسيده)
2. ښاغلي هو له ١٩٦٨ کال څخه تر ١٩٦٩ کال پوری د اوبو له لاری د بريښنا توليدولو وزارت د ليو جيا تنگی پروژه کې د کورونو جوړولو په برخه کې کارونه تر سره کړي دي.
3. له ١٩٦٩ کال بيا څخه تر ١٩٧٤ کال پوری يې د اوبو له لاری د بريښنا توليدولو وزارت د څلورمې ادارې په ٨١٣ فرعی څانگه کې په جلا جلا توگه د فنی کارکوونکي، سکرتر او د ارگان د گوندی عمومی څانگې د منشی مرستيال دندې پر غاړه درلودې.
4. له ١٩٧٤ کال څخه تر ١٩٧٥ کال پوری يې د گان سو ولايت د أبادی کميټې د سکرتر دنده تر سره کړې ده.
5. له ١٩٧٥ کال څخه بيا تر ١٩٨٠کال پوری د گان سو ولايت د أبادی کميټی د ډيزاينا او ادارې د مدير مرستيال و.
6. هو جين تاو له ١٩٨٠ کال څخه بيا تر ١٩٨٢ کال پوری د گان سو ولايت د أبادی کميټی د مرستيالۍ دنده تر سره کړې او هم يې د دغه ولايت د کمونستی ځوانانو ټولنې په اړه د منشی دنده پر غاړه درلوده.
7. له ١٩٨٢ کال څخه تر ١٩٨٤ کال پوری يې د کمونستی ځوانانو ټولنې د مرکزی سکرتريت منشی او د ځوانانو د ملی ټولنې د مشر دنده تر سره کړې ده.
8. له ١٩٨٤ کال څخه بيا تر ١٩٨٥ کال پوری د کمونستی ځوانانو ټولنې د مرکزی سکرتريت لومړی منشی و.
9. له ١٩٨٥ کال څخه تر ١٩٨٨ کال پوری يې د گوی جو ولايت د گوندی کميټی منشی او د دغه ولايت د پوځی سيمی د گوندی کميټی د لومړی منشی کارونه تر سره کړي دي.
10. هو جين تاو له ١٩٨٨ کال څخه تر ١٩٩٢ کال پوری د تبت د خپلواکی سيمی د گوندی کميټی د منشی او د تبت د پوځی سيمی د گوندی کميټی د لومړی منشی دندې پر غاړه درلودې.
11. له ١٩٩٢ کال څخه تر ١٩٩٣ کال پوری يې د گوند د مرکزی کميټی د سياسی بيورو د دايمی غړي او د مرکزی سکرتريت د منشی کارونه تر سره کړي دي.
12. له ١٩٩٣ کال څخه بيا تر ١٩٩٨ کال پوری يې د گوند د مرکزی کميټی د سياسی بيورو د دايمی غړيتوب، د مرکزی سکرتريت د منشی او د مرکزی گوندی ښوونځي د مشرتابه دندې پر غاړه درلودې.
13. ښاغلي هو بيا له ١٩٩٨ کال څخه تر ١٩٩٩ کال پوری د گوند د مرکزی کميټی د سياسی بيورو د دايمی غړي، د مرکزی سکرتريت منشی، د چين د ولسی جمهوريت د دولت رئيس مرستيال او د مرکزی گوندی ښوونځي د مشر دندې تر سره کړې ده.
14. بيا له ١٩٩٩ کال څخه تر ٢٠٠٢ کال پوری يې د گوند د مرکزی کميټی د سياسی بيورو د دايمی غړي، د مرکزی سکرتريت د منشی، د مرکزی پوځی کميسيون د مشر مرستيال، د چين د ولسی جمهوريت د دولت رئيس مرستيال، د چين د مرکزی پوځی کميټی د مشر مرستيال او د مرکزی گوندی ښوونځي د مشر کارونه تر سره کړي دي.
15. له ٢٠٠٢ کال څخه تر ٢٠٠٣ کال پوری يې د گوند د مرکزی کميټی د عمومی منشی، د مرکزی پوځی کميسيون د مشر مرستيال، د چين د ولسی جمهوريت د دولت رئيس مرستيال، د چين د مرکزی پوځی کميټی د مشر مرستيال دندې پر غاړه درلودې او دغه راز د ٢٠٠٢ کال تر دسمبر پوری يې د مرکزی گوندی ښوونځي د مشر کار تر سره کړی دی.
16. هو جين تاو له ٢٠٠٣ کال څخه تر ٢٠٠٤ کال پوری د گوند د مرکزی کميټی د عمومی منشی، د چين د ولسی جمهوريت د دولت رئيس، د مرکزی پوځی کميټی د مشر مرستيال او د چين د مرکزی پوځی کميټی د مشر مرستيال دندې پر غاړه اخيستې دي.
17. له ٢٠٠٤ څخه تر ٢٠٠٥ کال پوری د گوند د مرکزی کميټی د عمومی منشی، د چين د ولسی جمهوريت د دولت رئيس، د مرکزی پوځی کميسيون د مشر او د چين د مرکزی پوځی کميټی د مشر د مرستيال دندې پر غاړه درلودې.
18. له ٢٠٠٥ کال څخه بيا تر اوسه پوری د مرکزی کميټی د عمومی منشی، د چين د ولسی جمهوريت د دولت رئيس، د مرکزی پوځی کميسيون د مشر او د چين د مرکزی پوځی کميټی د مشر کارونه تر سره کوي.

په کمونسټي گوند کې ېې بېلابېلې دندې

هو جين تاو د گوند د دوولسمې دورې مرکزی کميټی د نومأند غړي، د ديارلسمی، څوارلسمی، پنځلسمی، شپاړسمی او اوولسمی دورې مرکزی کميټی د غړي، د څوارلسمی او پنځلسمی دورې مرکزی کميټی د سياسی بيورو غړي، دايمی غړي، د مرکزی سکرتريت منشی، د شپاړسمی او اوولسمی دورې د مرکزی کميټی د سياسی بيورو غړي او دايمی غړي او د مرکزی کميټی عمومی منشی پاتې شوی. دی د پنځلسمی مرکزی کميټی په څلورمه غونډه کې د مرکزی پوځی کميسيون د مشر د مرستيال په توگه وټاکل شو. د نولسم ملی ولسی کانگرس په لومړۍ غونډه کې د چين د ولسی جمهوريت د دولت رئيس د مرستيال په توگه وټاکل شو او دغه راز د نولسم ملی ولسی کانگرس د دايمی کميټی په دوولسمه غونډه کې د مرکزی پوځی کميسيون د مشر د مرستيال په توگه وټاکل شو. بيا د لسم ملی ولسی کانگرس په لومړۍ غونډه کې د دولت رئيس په توگه وټاکل شو. نوموړي د شپاړسمی مرکزی کميټی په څلورمه غونډه کې د مرکزی پوځی کميټی د مشر دنده پر غاړه درلوده. د لسم ملی کانگرس په درېيمه غونډه کې د چين د مرکزی پوځی کميسيون د مشر په توگه وټاکل شو. ښاغلي هو د گوند د اوولسمی دورې مرکزی کميټی په لومړی غونډه کې د مرکزی پوځی کميسيون د مشر دنده او د شپږم سياسی مشورتی کنفرانس د دايمی غړي دنده پر غاړه درلوده.