Sacrament
|
Questa pagina è scritta en puter. |
Sacramaint (per rumauntsch grischun sacrament, derivand dal latin sacer = sench) significha acziuns senchas, cullas quelas la grazcha da Diei riva a l'umaun. La noziun es deraseda illas confessiuns differentas dal cristianissem.
Definiziun
[modifitgar | modifitgar il code]Tenor üna definiziun classica dal patrun da la baselgia antica Augustinus es il sacramaint la summa da pled (cumand ed impromischiun da Dieu) e d'elemaint (p.ex. ova tar il battaisem u vin e paun tar la Sencha tschaina).
Catolicissem
[modifitgar | modifitgar il code]La baselgia catolica romauna e la baselgia cristcatolica cugnuoschan set sacramaints:
- Battaisem
- Craisma
- Eucaristia
- Penitenza
- Uncziun d'amalos
- Matrimoni
- Ordinaziun / consacraziun (in trais s-chelas: diacon, preir, ovas-ch)
Las baselgias evangelicas as restraindschan a duos sacramaints perche cha be quels haun ün cumand direct da Gesu svess:
- Battaisem
- Sencha Tschaina
Minchataunt - impustüt illas baselgias luteraunas - vain eir accepteda la penitenza scu sacramaint. Tar ella, schabain cha Gesu l'ho fundeda ed instruida, mauncha però il segn visibel.
In tendenza pütost scepticamaing vers la noziun sacramaint as cuntegnan las baselgias refurmedas. Seguond lur persvasiun es il sacramaint unicamaing ün simbol chi güda da commemorer la grazcha dal Segner.
Colliaziuns
[modifitgar | modifitgar il code]- Ils set sacramaints
- Litteratura actuela davart la doctrina da sacramaints
- Ils sacramaints scu pled visibel In: Katholischer Erwachsenenkatechismus (= Catechissem catolic per creschieus), tom I, pag. 317-329