Torre Sanda Susanne
| Torre Sanda Susanne comune | |
|---|---|
 | |
| Localizzazione | |
| State |  Itaglie
|
| Reggione |  Pugghie
|
| Provinge |  Brinnese
|
| Amministrazione | |
| Sinnache | Michele Saccomanno (liste civiche) da 'u 1-6-2015 |
| Territorie | |
| Coordinate | 40°28′N 17°44′E |
| Altitudine | 72 m s.l.m. |
| Superficie | 55,77 km² |
| Crestiàne | 10 601[1] (30-6-2015) |
| Denzetà | 190,08 ab./km² |
| Comune 'nzeccate | Erchie, Mesagne, Orie, San Pangrazie Salendine, Latiane |
| Otre 'mbormaziune | |
| Cod. postale | 72028 |
| Prefisse | 0831 |
| Fuse orarie | UTC+1 |
| Codece ISTAT | 074019 |
| Cod. catastale | L280 |
| Targhe | BR |
| Cl. sismiche | zone 4 (sismicità assaije vasce)[2] |
| Nome javetande | torrese |
| Patrone | sanda Susanne |
| Sciurne festive | 11 aguste |
| Cartografije | |
  Torre Sanda Susanne  Torre Sanda Susanne | |
 | |
| Site istituzionale | |
Torre Sanda Susanne (La Torri jndr'à 'u dilette brinnesine, Torre Santa Susanna jndr'à 'u tagliàne) jè 'nu comune tagliàne de 10 601 crestiane d'a Provinge de Brinnese jndr'à Pugghie.
Sciugrafije fiseche
[cange • cange 'a sorgende]
|
Pe approfondimende, 'ndruche 'a vôsce Sciugrafije d'a Pugghie. |
'U cendre jndr'à penisole salendine, a 'n'altitudine de 70 metre sus a 'u levèlle d'u mare se iacchie mmienza mmienza da 'a coste adriateche e da quedde ioneche.
Storie
[cange • cange 'a sorgende]|
|
Pe approfondimende, 'ndruche le vôsce Storie d'u Salende e Storie d'a Pugghie. |
Le origgene de Torre e l'appellative "Sanda Susanne" so ingerte.
Seconde Girolame Marciano (1571 - 1628), Annibale pare c a avvese mise une de le accambaminde sue vecine a 'u Casale de Crepacore pe fà 'a uerre a le Oritane pe conguistà 'a cetate de Orie e vecine a chidde zone pare ca s'ave cumbattute 'na bttagghie forte forte, tand'è ca osce a die esiste angore 'na zone ca se nnomenesce "'A Sconfitte".
'U prefette de Rome, residende a Oria, pe fortificà 'a cetate jndr'à 'nu mode da no subbì attacche da le nemice, facìe 'nzippà doje castidde cu torre jndr'à le punde ca penzò ca erane le cchiù strateggece: une addò nasce osce a die Torre Sanda Susanne, l'otre a picche chilometre a sud-est de Mandurie e cioè a Avetrane, ca tène 'u nome accussì purcé se referisce a le Veterane Romane ca facevane 'u presidie a ste castidde.
'A leggende dice ca 'nu surdate romane fedele a 'u 'Mberatore e jndr'à 'u stesse tiembe crestiane, ca custodive 'nzieme a otre veterane 'u castelle e le torre 'nzippate jndr'à zone, avere appettate l'effigie de Sanda Susanne sus a 'na vanne de 'na torre. In seguito cominciarono a sorgere intorno al castello agglomerati di casupole a cui fu dato il nome di Turris Sanctae Susannae.
Le Casale, oramaje scuasciate, erane agglomerate piccinne de casette: Crepacore, San Giacome, Galesane, Tubiano e Sorboli, addò le javetande pe colpe d'a peste e de le terramote se ne scerene a Torre Sanda Susanne, essenne quiste devendate 'nu cendre javetate cchiù granne, cchiù pulite e stabbile purcé se acchiave sus a 'na zone sus 'a rocce.
Jndr'à 'u 918 le Sarracine, arrevane a securdune sus a Orie, mettèrene a firre e fuèche totte 'a cetate e, apprisse ca avèrene accise femmene e piccinne, purtarene cu lore chidde ca cambarene cumme schiave. Pare ca pure 'u monastere de le Basiliane, ca no se sape addò stave, avenìe scettate 'nderre, le picche monace ca se ne fuscerene, se 'ngundrarene jndr'à 'u Galesane e funnarene l'Abbadie de S. Marije de Galaso (nome pigghiate da 'a condrade). L'Abbadie nasceve vecine vecine a quedde ca allore ere Casale de Galaso e se stenneve 'mbrà le comune de Veglie, Torre e Erchie. Pure jndr'à stu Casale, jndr'à le tiembe andiche onne state acchiate 'nu sbuènne de reperte, 'u De Prezzo scrive ca averene state acchiate ciotole, monete d'ore, 'na scalinate, quacche culonne, lucerne e 'nu sbuènne de brucamiende cu jndre le lacrimarum (vasette de le lacrime).
Monuminde
[cange • cange 'a sorgende]Castelle baronale
[cange • cange 'a sorgende]Avenìe costruite jndr'à 'u XVI sechele a appartenìe a le conde de Filo. 'U castelle tène 'na chiande quadrate irregolare cu torre angolare rettangolare. 'U portale jè in bugnate- 'U 'nderne jè decorate da chiostre e cappelle gendilizie.
Chiesere madre de San Necole
[cange • cange 'a sorgende]'Nzippate jndr'à 'u XIV sechele, avenìe 'nditolate a sanda Marije Assunde e pò a San Necole. 'A vanne de fore tène 'n'aspette rinascimendale cu 'u rosone fatte jndr'à 'u stile gotiche e portale cu eleminde classece. Jndr'à doje nicchie laterale stonne le statue de San Necole e Sanda Susanne. 'U 'nderneave ttre navate. Tène 'na coperture a capriate de legne sus a 'u soffitte.
Sanduarije de Sanda Marije de Galaso
[cange • cange 'a sorgende]'A chiesere origgenale ere d'u XV sechele ma avenìe cangiate totta totte jndr'à 'u Settecinde. De particolare 'nderesse jè 'na tele d'a Madonne cu 'u Piccinne de origgene assaije andiche, legate a 'a leggende de 'nu puzze romane miracolose ca stave a 'a base d'a chiesere. 'U sanduarije osce a die tène 'n'aspette neogotiche.
Chiesere bizzandine de San Pitre de Crepacore
[cange • cange 'a sorgende]Se iacchie sus 'a strade provingiale pe Mesagne. Avenìe fatte jndr'à l'VIII sechele cu aspette de edificie fortificate. Se penze ca 'a costruzione avera essere 'nu castelle de le andiche Messape. 'A chiesere quadrate tène ttre navate cu 'na cupole cendrale a tholos. Stonne pure de le affresche.
Suggettate
[cange • cange 'a sorgende]Evoluzione demografeche
[cange • cange 'a sorgende]Crestiane censite[3]
Etnie e furastire residende
[cange • cange 'a sorgende]A 'u 31 decemmre 2014 jndr'à 'u territrie comunale se reggistrave 'a presenze de 103[4] furastire regolare (40 maschele e 63 femmene) ca sò cchiù o mene l'1,0% d'a popolazzione totale residende. 'A cchiù granne comunitate jè quedde de le rumene.
Se reportane le nazionalità cchiù rappresendate:
Releggione
[cange • cange 'a sorgende]'A releggione cchiù diffuse a Torre Sanda Susanne jè 'u cattolecesime: 'u comune face parte d'a Diocesi de Orie e jè divise jndr'à doje parrocchie de Sanda Marije e San Necole (addò ste 'a chiesere madre) e de Cristo Re. 'Mbortande jè pure 'a chiesere e 'u convende de le Carmelitane, ca pure ca no gfe sò sede parrocchiale ave sembre ospitate 'na comunitate crestiane bella grosse.
Crestiane legate a Torre Sanda Susanne
[cange • cange 'a sorgende]- Cesario Rodi, (1908-1993) - politeche e membre de l'Assemblée Costituende d'a Repubbleche Tagliàne
Economije
[cange • cange 'a sorgende]|
|
Pe approfondimende, 'ndruche 'a vôsce Economije d'a Pugghie. |
L'economije de Torre Sanda Susanne jè pratecamende basate sus a l'agricolture, cu produzione de uegghie d'alìe, vine e furmagge.
Amministrazione
[cange • cange 'a sorgende]Mò avène presendate 'na tabbelle relative a le amministraziune ca se onne cangiate jndr'à stu comune.
| Periode | Prime cetadine | Partite | Careche | Note | |
|---|---|---|---|---|---|
| 20 luglie 1988 | 2 luglie 1990 | Pitre Versienti | Partito Comunista Italiano | Sinnache | [5] |
| 2 luglie 1990 | 1º decemmre 1992 | Dumineche Morleo | Democrazia Cristiana | Sinnache | [5] |
| 7 sciugne 1993 | 28 abbrile 1997 | Carmine Gianfreda | Democrazia Cristiana | Sinnache | [5] |
| 28 abbrile 1997 | 22 settemmre 1999 | Pombée Petarra | L'Ulivo | Sinnache | [5] |
| 22 settemmre 1999 | 17 abbrile 2000 | Rose Marije Simone | Comm. straordinarie | [5] | |
| 17 abbrile 2000 | 5 abbrile 2005 | Frangische Antonio Frioli | centro-destra | Sinnache | [5] |
| 5 abbrile 2005 | 30 marze 2010 | Frangische Antonio Frioli | centro-destra | Sinnache | [5] |
| 30 marze 2010 | 3 sciugne 2015 | Costandine Galasso | liste civiche | Sinnache | [5] |
| 3 sciugne 2015 | in cariche | Mechele Saccomanno | liste civiche: michele saccomanno sindaco | Sinnache | [5] |
Feste e ricorrenze
[cange • cange 'a sorgende]'A festa patrunale de Sanda Susanne jè l'11 aguste. Le strade se acconzane a feste cu luminarie e bangarelle. Apparte a le rite releggiose se face pure 'na feste civile jndr'à doje sciurne cu 'nu congerte badisteche ca se tène apprisse 'a conglusione d'a prugessione d'u simulacre d'a Sande jndr'à serate d'u 10 e l'esibbizzione de 'nu candande o 'nu gruppe musecale jndr'à quedde de l'11. 'A feste avène achiuse a l'une de notte d'u 12 cu 'nu spettacole de fuéche d'artifice.
'A feste de Marije Ss. de Galase 'u 25 settemmre. Sulamende rite releggiose cu 'a prugessione d'a statue d'a Madonne.
'U purecine d'ore: gare addò se cande jndr'à 'u mese de luglie.
'A feste de l'emigrande jndr'à 'u mese de aguste.
Fiere e mercate
[cange • cange 'a sorgende]'U mercate sumanale se face de sciuvedìe
'A Fiere de Sanda Susanne: Se face jndr'à 'u periode d'u 2 masce, sciurne addò se arrecorde 'u mirachele d'a Sande, organizzate da 'u comitate Fiere de Sanda Susanne.
'A Fiere Torrese: 'u prime fine sumane de ottommre. Avène organizzate da l'associazione turisteche Pro Loco.
Sport
[cange • cange 'a sorgende]A Torre Sanda Susanne stonne 'nu belle picche de suggettate sportive ca sciocane jndr'à le cambionate provingiale o nazionale.
Hockey sus a 'u prate
[cange • cange 'a sorgende]- HC Olimpia Torre Sanda Susanne scioche 'u cambionate de A2 maschile.
Pallavvole
[cange • cange 'a sorgende]- A.S.D. New Volley Torre scioche le cambionate provingiale e reggionale.
Ballone
[cange • cange 'a sorgende]- A.S.D. Amatori Gioventù Sport Torre Sanda Susanne ca scioche jndr'à 'u cambionate provingiale jndr'à le categorije Esordiende, Purecine e Prime Cauce.
- A.S.D. Fernando Greco ca scioche jndr'à 'u cambionate provingiale sus a tutte le categorije de uagnune.
Note
[cange • cange 'a sorgende]- ↑ Dato Istat - Popolazzione residende a 'u 30 sciugne 2015.
- ↑ (IT) Classificazione sismica (XLS), su rischi.protezionecivile.gov.it.
- ↑ Statisteche I.Stat - ISTAT; URL onsultate in date 28-12-2012.
- ↑ demo.istat.it, http://demo.istat.it/str2014/index.html.
- ↑ 5,0 5,1 5,2 5,3 5,4 5,5 5,6 5,7 5,8 http://amministratori.interno.it/
Otre pruggette
[cange • cange 'a sorgende]
Uicchimedie Commons tène files multimediale sus Torre Santa Susanna
Collegaminde fore a Uicchipèdie
[cange • cange 'a sorgende]- Site ufficiale de l'associazione Turisteche Pro Loco de Torre Sanda Susanne, su prolocotorre.it.
- Descrizione e immaggine de Torre Sanda Susanne, su brindisiweb.com.
| Condrolle de autorità | VIAF (EN) 139711652 · LCCN (EN) n94093504 · GND (DE) 4356841-5 · J9U (EN, HE) 987007531044305171 |
|---|
- Errori del modulo citazione - citazioni con URL nudi
- P625 lette da Uicchidate
- Prefisso telefonico locale letto da Wikidata
- Codice ISTAT letto da Wikidata
- P41 assende sus Uicchidate
- P94 assende sus Uicchidate
- P281 lette da Uicchidate
- P395 lette da Uicchidate
- P806 lette da Uicchidate
- P856 differende sus Uicchidate
- P2044 lette da Uicchidate
- P2046 uguale sus Uicchidate
- Comune d'a provinge de Brinnese
- Comune d'a Pugghie
- Comuni salentini della provincia di Brindisi
- Pàggene cu le mappe