San Vito de le Normanne

San Vito de le Normanne comune
San Vito de le Normanne – Bandiera
San Vito de le Normanne – Veduta
Localizzazione
State	Itaglie
Reggione	Pugghie
Provinge	Brinnese
Amministrazione
Sinnache	Silvane Errico (centro-destra) da 'u 22-9-2020
Territorie
Coordinate	40°39′20″N 17°42′13″E40°39′20″N, 17°42′13″E (San Vito de le Normanne)
Altitudine	108 m s.l.m.
Superficie	67,08 km²
Crestiàne	18 313 (31-1-2021)
Denzetà	273 ab./km²
Fraziune	Conforte, Favorite, San Giacome, San Vito Scalo parte piccele de Apani
Comune 'nzeccate	Brinnese, Carovigne, Frangaville Fundane, Latiane, Mesagne, Ostune, San Mechele Salendine
Otre 'mbormaziune
Cod. postale	72019
Prefisse	0831
Fuse orarie	UTC+1
Codece ISTAT	074017
Cod. catastale	I396
Targhe	BR
Cl. sismiche	zone 4 (sismicità assaije vasce)
Cl. climatiche	1234
Nome javetande	sanvitese
Patrone	San Vito e San Vecinze Ferreri
Sciurne festive	15 sciugne
Cartografije
San Vito de le Normanne San Vito de le Normanne
San Vito de le Normanne – Mappa Posizione d'u comune de San Vito de le Normanne jndr'à Provinge de Brinnese
Site istituzionale

San Vito de le Normanne (jndr'à 'u tagliane San Vito dei Normanni, jndr'à 'u dialette brinnesine Santu Vitu, 'nzigne a 'u 1863 chiamate San Vito) jè 'nu comune tagliàne de 18 313 crestiàne d'a Provinge de Brinnese jndr'à Pugghie.

Se iacchie jndr'à 'u Salende settendrionale, a 9  da 'a coste adriateche. Le crestiàne se chiamane sanvitese (santuvitisi jndr'à 'u dialette locale).

Sciugrafije fiseche

Pe approfondimende, 'ndruche 'a vôsce Sciugrafije d'a Pugghie.

'U comune nasce jndr'à vanne nord-oriendale d'a pianure salendine, none lundane da 'a valle d'Itrie. 'A morfologgije d'u territorie jè pianeggiande, sule leggermende ondulate a 'u confine cu le comune de Carovigne e Ostune.

Se iacchie a 9 km da 'a coste adriateche, l'approde cchiù vecine jè lide Specchiolle, frazione d'u comune de Carovigne. Pò San Vito ste lundane 5 km da 'u cendre visite d'u parche de terre e mare de Torre Guacete, ca ste a Serranove, frazione de Carovigne, 9 km da 'a rene d'a reserve naturale, e a 12 km da 'a torre sus a 'u mare ca dè 'u nome a l'arèe prutette. 'U mar Ionie se iacchie invece a cchiù o mene 45 km.

L'altitudine sojè jè atturne a le 100  s.l.m. precisamende 'mbrà 57 e 146 metre. 'U punde cchiù ierte d'u cendre urbane se iacchie jndr'à contrade Castelle d'Alceste, 119 m s.l.m.

Territorie

'A pianure salendine pe le zone podoleggeche

'U terrene sanvitese presende nature calcarèe, jè caratterizzate da cambe a colture 'ndensive, ricche de querce e ulive secolare e divise cu murette a secche audate pe separà le podere.

Le distanze da le cetate prengepàle sò:

• 13,5 km da Ostune
• 21,6 km da Brinnese,
• 56 km da Lecce,
• 61,1 km da Tarde,
• 101,6 km da Bare,
• 152,7 kn da Trane,
• 160,8 km da Andrie,
• 165,8 km da Barlette,
• 235,3 km da Fogge.

Clime

'A stazione meteorologgeche cchiù vicine jè quedde de Brinnese. In base a le medie de referimende trendennale (1961-1990), 'a temberature medie d'u mese cchiù fridde, scennare, arrive attuene a le +9,5 , invece quedde d'u mese cchiù cavedem arrive a le +25 °C.

Le precipitaziune medie annue, 'nferiore a le 600 , presendane 'nu minime jndr'à primavere e 'a staggione e 'nu picche jndr'à vernate.

BRINNESE	Mise												Staggiune				Anne
	Sce	Feb	Mar	Abb	Mas	Sci	Lug	Agu	Set	Ott	Nov	Dec	Inv	Pri	Est	Aut
Temb. max. medie (°C)	12.7	13.2	15.0	18.0	22.0	25.8	28.5	28.6	25.9	21.6	17.4	14.1	13.3	18.3	27.6	21.6	20.2
Temb. min. medie (°C)	6.3	6.6	7.9	10.1	13.7	17.6	20.4	20.6	18.2	14.7	10.5	7.6	6.8	10.6	19.5	14.5	12.9
Piogge (mm)	60.2	63.1	73.4	35.0	28.7	19.4	10.3	25.3	45.6	71.0	74.2	68.1	191.4	137.1	55	190.8	574.3
Sciurne de pioggie (≥ 1 mm)	9	8	8	6	4	3	2	3	4	6	7	9	26	18	8	17	69
Umidità relative (%)	78	75	74	72	70	71	70	72	74	76	77	77	76.7	72	71	75.7	73.8
Eliofanie assolute (ore)	3.9	4.4	5.3	6.7	8.6	9.9	10.8	9.8	8.0	6.2	4.4	3.6	4	6.9	10.2	6.2	6.8

• Classificazione climateche de San Vito de le Normanne:
  • Zone climateche C;
  • Grade sciurne 1234.

Origgene d'u nome

'U stemme d'a Case d'Altavilla.

L'origgene d'u nome d'a cetate avessa essere attrebbuite a 'u fatte ca le Schiavune o Slavune, pe fuscere da le persecuziune de le Saracine, cercarene furtune sus 'a sponde de fronde de l'Adriateche, decidenne de metterse, quanne ste spicciane 'u 963, jndr'à le territorie fertile pugghiese, funnanne accussì cu 'u nome "Castri Sancti Viti" 'a cetate in onore de San Vito martire.

Da quidde mumende 'a cetate avenìe chiamate semblicemende Santo Vito, San Vito de le Schiavune (pò accurciate jndr'à de le Schiave), o pure San Vito jndr'à Terre d'Otrande. Apprisse l'Aunità d'Itaglie, pe vote municipale d'u 27 ottommre 1862, pò approvate da 'u R.D. d'u 13 decemmre 1863, San Vito de le Schiave pigghiò 'u nome: San Vito de le Normanne in onore a 'a stirpe de quidde ca avène conziderate 'u funnatore d'u borghe medievale, Boemonde d'Altavilla (1050-1111), figghie de Robberte 'u Guiscarde.

Storie

Pe approfondimende, 'ndruche le vôsce Storie de San Vito de le Normanne, Storie d'u Salende e Storie d'a Pugghie.

Cerameche Messapeche, Cendre documendazione messapeche de Orie

L'origgene de San Vito jè controverse. Reperte archeologgece cu le reste de trenda brucamiende e diverse cerameche datate 1800 n.C. - 1700 n.C. jndr'à località Mondescine, attestane ca 'a zone puteve essere javetate ggià durande l'età d'u bronze. Pò, urtemamende, onne state acchiate 'nzediamiende preistorece (XVIII- IV sechele n.C.) jndr'à le contrade Castelle e Paretone.

'U borghe d'u cendre invece resale a 'u Medioeve (fine d'u X sechele) se penze a opere de 'na colonie de Schiavune o Slavune (emigrate da 'a Slavonie, reggione oriendale d'a Croazie) scambate a le persecuziune de le Saracine, le quale decisere de sckaffarse jndr'à le territorie fertile de San Vite funnanne “Castri Sancti Viti”.

Otre studiuse penzane ca 'a cetate ha state funnate da 'u normanne Boemonde d'Altavilla (1050 - 1111 a.C.), figghie de Robberte 'u Guiscarde, 'u quale, pe assecondà l'ammore sue pa cacce, ordenò 'a costruzione d'a torre quadrate, angore osce a die esistende.

'U borghe piccele origgenarie crescìe quanne ste spicciave 'u Medioeve, quanne 'a torre normanne garandive 'a securezze a tanda colone da casale vecine se spustarene a San Vito pe fuscere da le condinue attacche de le Saracine.

Sta relative tranguillità ave date l'opportunità a le Sanvetise de sveluppà le traffece commerciale e dominà sus a 'u territorie atturne. Ha state sulamende jndr'à 'u XV sechele ca l-andiche casale aven=e organizzate a Comune, pure ce condinuò l'organizzazzione feudale e l'asservimende reggie. 'U comune appartenìe a le Altavilla, pò a le Sambiase, pò a Raimonde Orsini Del Balzo e pò a le Dentice de Frasso.

Da 'u XV sechele 'u paese accumenzò a allariarse, occupanne 'nu picche a vote le zone atturne, stennennese verse nord e est. Jndr'à 'u 1484 avenìe saccheggiate da le veneziane. Jndr'à 'u 1571, durande le Crociate, de le Sanvitese pigghiarene parte a 'a battagghie de Lepanto condre 'u 'Mbere ottomane; a 'u retorne in patrie in onore d'a vittorie conguistate, avenìe costruite 'a chiesere Matrice, pe pò dedicarle a 'a Madonne d'a Vittorie.

Jndr'à 'u 1799 'a popolazizone aderì a le ideale d'a Repubbleche Napuletane; durande 'u XIX Uetteciende 'a cetate ha state sede de diverse circole d'a carvonerie.

Durande 'a prima uerre mundiale da 'u novemmre 1916 arrive 'a 103ª Squadriglie.

Durande 'u Vendennie fasciste avenìe 'nu belle sveluppe urbanisteche: avenèrene 'nzippate edificie 'mbortande cumme 'a scole elemendare I Circole cu 'a pinete cetadine, 'a sede d'u Municipie, e 'u palazze de le Poste Tagliàne. Jndr'à 'u 1927 avenìe istituite 'a provinge de Brinnese jndr'à quale ste San Vito. Jndr'à 'u 1943 ospitò Rre Vittorie Emanuele III 'u quale ste pruvave a fuscersene da le fatte d'a Libberazione, ripieganne a Brinnese cu 'u guverne d'u marescialle Pitre Badoglio.

Jndr'à le prime anne sessande d'u XX sechele l'industrie petrolchimeche ca se aggiungeve a le 'mbrese meccaneche e aeronavale de Brinnese onne pigghiate assaije fatiature sanvitese, spustannele da 'a fatìe de le cambe a 'a catene de mondagge.

L'aperture d'a San Vito Air Station jndr'à 'nu punde strateggicamende nevralgeche durande 'a Uerra fredde, pò ridimenzionate e achiuse cu 'a cadute d'u mure de Berline, ave condemboraneamende ccrejate fatìe 'mbrà le locale e pigghiate migliaie de fatiature americane.

Osce a die San Vito canosce 'nu processe de terziarizzazzione de l'economije e ponde sus a 'u sveluppe e 'a commercializzazzione de prodotte locale de qualitate, eppure a ausà le resorse d'u territorie pe sveluppà 'u turisme.

Simbole

'U statute comunale descrive 'u stemme d'a cetate jndr'à stu mode:

(IT) «D'azzurro, al cane d'argento, tenente in bocca un ramo di olivo, passante innanzi ad una torre merlata di argento, terrazzata di verde, aperta, finestrata di nero. Ornamenti esterni da Città»	(ROA–TARA) «D'azzurre, a 'u cane d'argende, ca tène jndr'à vocche 'nu rame de alìe, ca passe nnande a 'na torre merlate de argende, terrazzate de verde, aperte, finestrate de gnure. Ornaminde de fore d'a Cetate»
(Statute comunale)

'U stemme cetadine raffegure 'nu cane ca porte 'mmocche 'nu ramoscelle de ulive, simbole de pace. 'U ramoscelle d'ulive face referimende, none sulamene, a 'u fatte ca San Vito ha state dichiarate "citate d'a pace", ma eappresende pure l'uegghie. Sus a 'u sfunne, 'na torre, ca rappresende 'a prime strutture costruite jndr'à 'u borghe medievale.

'U gonfalone ave sta descrizione:

(IT) «Drappo rettangolare di stoffa di colore rosso terminato nella parte inferiore a tre bandoni a forma di vajo irregolare, il centrale più lungo, riccamente ornato con ricami d'oro e caricato dello stemma sopradescritto, sormontato dalla iscrizione in oro "CITTÀ DI SAN VITO DEI NORMANNI". La stoffa sarà inchiodata per il lato corto superiore ad un'asta orizzontale con pomi artisticamente dorati alle due estremità e sospesa mediante lacci dello stesso, con fiocchi simili pendenti dai due lati del gonfalone ad un'asta verticale ricoperta di velluto rosso con bullette di metallo dorato a spirale e cimata da una freccia con gambo dello stesso, con lo stemma del Comune. Sul gambo della freccia sarà inciso il nome del Comune stesso. Cravatta e nastri tricolori dai colori nazionali, frangiati d'oro»

(ROA–TARA) «Drappe rettangolare de stoffe de culore russe spicciate jndr'à vanne 'nferiore a ttre bandone a forme de vaje irregolare, 'u cendrale cchiù luènghe, riccamende ornate cu recame d'ore e carecate d'u stemme descritte sus, cu sus l'iscrizione in ore "CITTÀ DI SAN VITO DEI NORMANNI". 'A stoffe avène nghiodate pu late curte de sus a 'n'aste orizzondale cu pome artisticamende dorate a le doje estremità e sospese cu lacce d'u stesse, cu fiocche simile pendende da le doje late d'u gonfalone a 'n'aste verticale cuperte de vellute russe cu bullette de metalle dorate a spirale e cimate da 'na frecce cu gambe d'u stesse, cu 'u stemme d'u Comune. Sus a 'u gambe d'a frecce avène 'ngise 'u nome d'u Comune. Cravatte e nastre triculure da le culure nazionale, frangiate d'ore»

Monuminde e luèche de inderesse

Architetture releggiose

Chiesere de Sanda Marije d'a Vittorie

Facciate d'a Chiesere Madre

Pe approfondimende, 'ndruche 'a vôsce Basileche de Sanda Marije d'a Vittorie.

Sanda Marije d'a Vittorie, chiamate jndr'à cetate semblicemende 'a "Chiesere Madre", jè l'edificie sacre cchiù rilevande d'a cetate. Presende 'nu 'mbiande a croce latine cu ttre navate, transette e 'nu presbiterie prufunne. A 'u 'nderne se ponne acchià tele cummel'icone dìa Nikopeia, ca raffegure 'a Vergine ca dice a Papa Pio V 'a vittorie sus a le Turche e, 'na statue d'argende ca rappresende San Vito.

A 'u 'nderne d'a Basileche ste 'a Porte Sande, aperte jndr'à l'ottommre 1995 in occasione de le celebbrazziune pu quarte cendenarie d'a chiesere, danne inizie a l'Anne Sande Giubilare d'a CHiesere, occasione pe presendà pure l'altare nuève de legne, opere, 'nzieme a tutte l'arrede d'u presbiterie, de Flavie Pancheri.

'U 26 ottommre 1996, Papa Giuanne Paole II, durande 'n'udienze speciale a 'a Arcidiocesi de Brinnese-Ostune, ave 'ngoronate solennemende l'icone d'a Madonne Nicopeia. 'U stesse pondefice ave proclamate 'a chiesere Basileche pondificie 'u 30 decemmre 1998.

'A Basileche tène, ttre statue d'u Sande Patrone Vito Martire, de argende, de cartapeste e de legne. 'A prime se pò 'ndrucà sulamende durande 'a recorrenze d'u 15 sciugne, quanne ste 'a prugessione solenne cetadine pe le vie d'u cendre storeche. Quedde de legne jè 'a cchiù ausate e se pò 'ndrucà jndr'à diverse mumende de l'anne.

Chiesere de San Giuanne Evangeliste

Pe approfondimende, 'ndruche 'a vôsce Chiesere de San Giuanne (San Vito de le Normanne).

Esembie de Barocche: 'a chiesere de San Giuanne

'A facciate movimendate da quattre lesene cu capitelle corinzie, jè de petra leccese. Jndr'à chiesere stonne sei tele preggevole e doje sò sckaffate jndr'à 'na strutture de legne ca tène cornice e baldacchine, le otre e quattre stonne sus a le parete de late, sò d'u leccese Serafine Elmo. 'A chiesere, oramaje sconsacrate, avenìe vennute da 'a famigghie Dentice de Frasso a 'a cifre semboleche de 10 000 lire a 'u Comune de San Vito. Osce a die ospite mostre e 'ngondre culturale.

Chiesere Sanda Marije de le Angele

'A "Chiesere vecchie", avenìe costruite atturne a 'u XV sechele. Indervende successive onne state fatte jndr'à 'u 1696 e jndr'à 'u 1763. Presende 'na facciate semblice, condrassegnate da sei lesene cu 'nu portale e 'na fenestre ovale cu cornice aggettande. Jndr'à le ìnderne sue se notane le altare laterale de petre, l'altare maggiore de marme policrome, 'nu crugefisse de legne d'u XVI sechele e 'na tele d'u 1809]] fatte da Dumineche Andonije Carella.

Chiesere de Sanda Marije d'a Mercede

'A Chiesere de San Frangische pare ca jè d'u 1735, ha state vulute da 'u pringipe Fabie Marchese Belprato. A 'a fine d'u Uetteciende, cu l'arrive de le Attane Mercedare, avenìe allariate assaije cu 'na cupole, 'u presbiteriee 'nu convende 'nzeccate. 'A facciate tène quattre lesene cu capitelle ionece, doje nicchie addò stonne le statue d'a Madonne d'a Mercede e de San Frangische da Paole. A 'u 'nderne se pò ammirà 'nu core de legne de gran pregge, le candelabbre de firre vattute e 'a statue, de legne, de San Frangische.

Chiesere de Sanda Marije de le Grazie

'U Convende jè accussì chiamate da le sanvitese purcé, 'nzigne a 'u 1868, confine cu 'u convende de le Frate Minore Frangescane. Avenìe 'nzippate jndr'à 'u 1586 pe vulere d'u pringipe Lucio II Palagano, cu 'na navate sole. Pò, cu 'nu 'ndervende successive jndr'à 'u 1700, ne avenìe aggiunde 'n'otre e, jndr'à 'u 1898 'na terze. 'A facciate presende sulamende 'u portale e doje fenestre cendrale. Jndr'à le 'nderne, stonne nove altare laterale jndr'à petre e de le tele ca raffegurane 'a Crugefissione e 'a 'Mmaculate. Pò, jndr'à le navate laterale, ste 'a Pietà, de 'n'autore ignote, 'a Provvidenze e San Salvatore da Orte, de l'artiste frangescane Fra' Giacome da San Vito.

Chiesere d'a 'Nnunziate

Ditte pure chiesere de San Dumineche purcé stave vecine 'u convende de le Duminecane 'nzigne a 'u 1809. 'A chiesere avenìe 'nzippate atturne a 'u 1584 sus a 'nu terrene ddunate da 'nu devote, tène 'na facciate cuspidate cu doje lesene laterale, 'na fenestre cendrale e 'nu portale fatte da quacche scultore locale.

Jndr'à 'u 1984 'u scuffulamende de doje navate purtò a' chiusure pe restaure ca durò 'nu decennie. Osce a die, recostruite grazie a l'aijute de le fedele, ha state aperte arrete a 'u culte e jè possibbele ammirà le sei altare laterale, de petre, d'u Setteciende e 'a tele 'mbortande d'u 1769 ca raffegure l'Annungiazione, fatte da l'artiste Dumineche Andonije Carella.

'Mbrà le statue ca stonne jndr'à l'edificie se segnalane doje trespole d'u Setteciende d'a Madonne: 'na 'Ddulurate e 'na Madonne d'u Rosarie, titolare de 'na confraternite cu 'u stesse nome ca da sechele opere jndr'à sta chiesere. Da signalà 'nu Sacre Core de cartapeste de l'artiste leccese Manzo, autore de quacche Criste de le "Mistere de Tarde" e soprattutte doje opere settecendesche, una de legne e une de cartapeste, ca raffegurane San Vecinze Ferreri, compatrone d'a cetate.

Chiesere de San Mechele Arcangele

Costruite jndr'à 'u 1928 pe volere de Congette Carlucci successive a 'na visione addò avenève 'nvitate a risveglià 'u culte d'u Sande jndr'à cetate. 'A strutture, assaije semblice, ha state arricchite urtemamende da 'nu portale de bronze cu sus 'na lunette cu 'nu vascerilieve ca raffergure San Mechele Arcangele, opere d'u scultore Cosime Giuliano da Latiane e da 'na statue ca rafferuge Congette Carlucci.

Otre chiesere

• Chiesere de Sanda Marije d'a Pietà, ditte pure chiesere d'u Spedale;
• Chiesere de Sanda Rite;
• Chiesere de Sanda Terese.

'Nzediamiende rupestre

'Nu sbuènne so le 'nzediamiende rupestre jndr'à 'u territorie fatte da monace bizzandine fusciute da oriende purcé sudecate pu culte lore. Acchiarene refugge jndr'à 'u territorie de San Vito, resalenne 'u canale Reale e chiazzannese in armonie cu le contadine d'u luèche:

Grotte de San Biagge

Pe approfondimende, 'ndruche 'a vôsce Chiesere rupestre de San Biagge.

San Biagge, ca se iacchie vecine 'a massarie Jannuzzo, jè 'nu sanduarie monasteche bizzandine jndr'à 'nu villagge rupestre.

'A chiesere, de rite ortodosse, ha state ricavate a 'u ìnderne de 'na grotte. Tène pure le celle destinate a le monace, comungue jndr'à 'u tiembe ave avute 'nu sacche de cangiaminde. Accumme tutte le chiesere scavate lunghe l'urteme tratte d'a vie Francigena, 'u sanduarie de San Biagge tène jndre affresche votive dedicate a sande tipece dìu culte oriendale cumme San Biagge, San Necole e sand'Andrèe ma pure de le sande latine, cumme san Giorge, san Giacome e san Giuanne. Le 'scriziune mise sus a le iconografje, so tutte jndr'à 'u greche mene ca une: quedde de San Necole, ca ave pure 'a scrizione jndr'à 'u latine in segne de aunità releggiose 'mbrà 'a chiesere ortodosse e quedde latine.

Otre 'nzediamiende

Cripte de San Necole

San Necole, jndr'à contrade San Necole-Malpasse, se iacchie a metà 'mbrà San Vito e Serranove. 'A cripte e le quattre grotte 'nzieme stonne jndr'à 'na vallate piccele, pe 'na vanne scavate jndr'à rocce, e pe 'na vanne fatte de tufe. A 'u 'nderne se iacchie l'immaggine de San Necole e sus a le parete de tufe stonne tracce de affresche.

Cripte de San Giuanne

San Giuanne jè 'nu 'nzediamende rupestre fatte da diverse grotte, de le quale quacchedune scuffulate, addò onne state acchiate doje celle piccele cu tracce de graffite. 'N'otre, quase, combletamende sotte terre, jè divise jndr'à sette vrazze laterale ca confluiscene jndr'à 'nu corridoie cendrale. 'A cripte presende, pò, 'nu pilastre cendrale addò stonne ttre arche a tutte seste. 'A vanne affrescate, resale probbabbilmende a 'u XIII sechele, se iacchie jndr'à l'abside cendrale.

Cripte de Sanda Marije de San Giacome a 'u casale

Sanda Marije se iacchie jndr'à l'nadiche casale cu 'u stesse nome , ca avenìe abbandunate ggià jndr'à 'u XV sechele. Scuperte apprisse a 'u repopolamende de le urteme tiembe d'u casale sotte a l'andiche chiesere, a 'u 'nderne tène 'nu affresche d'a Vergine cu 'u Piccinne.

Architetture civile

Reperte archeologgece

Pe approfondimende, 'ndruche 'a vôsce Castelle d'Alceste.

Jndr'à le anne novande, appene appene fore da 'u cendre javetate, satte satte jndr'à contrade Castelle d'Alceste, onne state acchiate tracce de costruziune ca resalene a l'età d'u firre e, cchiù nnande a' terze cambagne de scave, 'nu 'nzediamende larje messapeche ca pare resalì a 'u periode 'mbrà 'u VII e IV sechele n.C..

'A zone archeologgeche ha state oggette de quacche cambagne de scave fatte da l'Amministrazione Comunale de San Vito de el Normanne, 'a Soprindendenze Archeologgeche de Tarde e 'u Dipartimende de Bene culturale de l'Università d'u Salende.

Architetture militare

Castelle

Pe approfondimende, 'ndruche 'a vôsce Castelle Dentice de Frasso de San Vito de le Normanne.

'A torre quadrate d'u Castelle de San Vito

'U Castelle Dentice de Frasso, medievale, cu 'a torre quadrate, se affacce sus 'a chiazze prengepàle d'u paese, probbie 'mbacce a 'u Municipie.

Origgenariamende se traseve cu 'nu ponde levatoie ca se avasciave da 'a fenestre ca stave sus 'a porte d'a cappelle. 'A prime costruzione ha state 'a torre, pare de età normanne e resale a 'u XII sechele. Costruite da Boemonde d'Altaville jndr'à l'XI sechele, se acchiave jndr'à 'na pèosizione strateggeche sus 'a vie consolare ca da Carovigne passave pu casale de San Vito e arrevave pa vie Vecchie pe Orie. Osce a die, jè, sana sane e somine 'u territorie de San Vito. 'A torre tène le merle de tipe guelfe e aperture stritte ca illuminane le ttre ambiende a 'u 'nderne ca stonne une sus a l'otre.

Atturne a' torre ste 'nu cortile larje addò se affacce 'a costruzione cinghecendesche d'a residenze, caratterizzatre da 'na serie de beccatidde e fenestre elegande e rettangolare. 'U castelle avenìe costruite, probbabbilmende, cumme residenze de cacce, essenne 'na vote 'u territorie d'u paese combletamende boscose. 'U 'ngresse a 'u palazze jè fatte da 'nuarche a seste acute, e sus ste 'u stemme d'a famigghie Dentice. 'Mbortande 'a scalinate de petre ca carresce a 'na verande colonnate, addò stonne tre arche a tutte seste.

A 'u 'nderne sue stipe sale decorate, tele, trofèe de cacce e l'Archivije Storeche, restaurate urtemamende. Angore osce a die 'u castelle jè de probbietà private e javetate da le discendende d'a famigghie Dentice de Frasso.

Otre

Chiazze prengepàle

'U palzze d'u Municipie

Scorce d'a Ville Comunale

'Na 'ndrucate d'u Corse Leonarde Leo

Inizie de le stratodde - Cendre storeche

'Na spiagge de Specchiolle, frazione d'u comune de Carovigne

Cambagne de San Vito de le Normanne, contrade Ammazzaciucce

Chiazze Leonarde Leo

Chiazze jndr'à 'u cendre storeche

• chiazze Papa Giuanne Paole II;
• chiazze Leonarde Leo;
• chiazze Giosuè Carducci.

Chiazze d'a vanna moderne

• chiazze J. e R. Kennedy;
• chiazze Lanza d'u Vaste;
• chiazze Sandre Pertini;
• chiazze Alde Moro;
• chiazze Arture Toscanini.

Luèche naturale

'A Ville comunale

L'uneche polmone verde d'a cetate jè 'a Ville Comunale, chiamate da le Sanvetise 'a Pinete purcé stonne granne pine marine, stonne pure 'nu sbuènne de palme. 'U parche jè a 'u cendre d'a cetate e cerconne 'a scole primarie I circole.

Nature e ambiende atturne

A quacche chilometre d'a cetate se iacchie Torre Guaceto, d'u comune de Carovigne, 'na reserve naturale d'u WWF d'u State ca jè granne cchiù o mene 1200  e 'nu fronde marine ca se sveluppe pe cchiù o mene 8 000 m. L'arée marine jè rappresendate da 'nu rettangole ideale, cu 'na profonnetà medie de 3 000 metre, attraversate e divise da 'a Strade statale 379.

Suggettate

Evoluzione demografeche

Crestiane censite

Pe dà idèe d'a combosizione d'a popolazzione, jndr'à 'u belange demografeche d'u 1 scennare 2009, 'u comune conde 19 947 crestiàne accussì divise: 10.417 femmene e 9.530 maschele. Le famigghie sò 7.274, le convivenze reggistrate 4 e 'a medie de combonende pe famigghie jè 2,7 (superiore a 'a medie nazionale ca jè de 2,5, ma 'nferiore a 'u valore d'a reggione ca jè de 2,8).

'U comune, ste ave 'na decrescite d'a popolazzione da 'na vanne purcé no se fanne cchiù figghie e da l'otre a 'u fatte ca le uagnune se ne vonne fore pe le studie universitarie jndr'à le cetate d'u cendre-nord, cumme Melane, Bologne e Rome.

Etnie e minoranze furastiere

Seconde le date ISTAT a 'u 31 decemmre 2014, le cetadine furastiere residende erane 397, pare a 'u 2,04% d'a popolazzione totale residende. Aqquà stonne le nazionalità cchiù rappresendate:

• Romanie, 108
• Regne Aunìte, 66
• Marocche, 66
• Albanie, 40

L'immigrazione da 'u Nord Europe

'Nu fenomene ca, da ninde ninde 'nu decennie a sta vanne, pare ca se ste conzolide jndr'à 'u territorie jè quidde de 'n'immigrazione da vanne de famigghie d'u Nord Europe, soprattutte brittannece e irlandise. Stu fenomene, jè canusciute cumme "Salentoshire", neologgisme scherzose ca arrecorde 'u "Chiantishire", relative a 'u turisme brittanneche jndr'à Toscane.

Dialette

Pe approfondimende, 'ndruche le vôsce dialette brinnesine e dialette salendine.

'U Sanvitese jè 'u dialette brinnesine ca appartene a' famigghie salentine, e quinde a 'u meridionale estreme. 'A particolaritate jè ca San Vito se iacchie vecine a le comune addò 'u dialette jè 'nfluenzate da 'u barese o tarandine (ostunese e cegliese).

Tradiziune e folclore

Feste e sagre

• Sagre de Ferraguste: assagge e esposizione de prodotte locale e congerte e danze jndr'à chiazze cu 'a pizzeche;
• Feste patronale (civile e releggiose): 'u seconde fine sumàne de luglie, totte 'a cetate festegge le Sande Patrune Vito Martire e Vecinze Ferreri. Jndr'à 'u cendre storeche avènen organizzate congerte, luminarie, sfilate de le banne musecale, fuèche d'artificie, sagre; jndr'à zone d'u cambe sportive stonne giostre e stand;
• 'A "Sagre d'u Puèrche": se face, normalmende, jndr'à terze dumeneche de ottommre quanne, pe tradizione, se festegge 'u patrocinie de San Vecinze sus 'a cetate. In onore de stu sande, se accedeve 'u puèrche allevate jndr'à le mise d'a staggione, turnanne a' cambagne. 'A feste de San Vecinze segnave, 'nfatte, 'a fine ufficiale d'a staggione e 'u returne a' vite cetadine.

Realtà culturale

Assaije 'mbortande jè jndr'à cetate 'u circole mandullinisteche ca 'nzegne 'a tecniche sanvitese de sunà 'a pizziche "a' varviere".

Le rezze

La tipica rezza sanvitese

Le Rezze (da Rètia jndr'à 'u latine, rete jndr'à 'u tagliàne) sò 'na specie de tende mise nnande a l'usce de quase tutte le case pe proteggere da le ragge d'u sole, ma pure da le tiembe brutte d'a vernate. 'A "rezze" jè fatte da targhette sottile de legne mise orizzondalmende e parallele l'une a l'otre, lassanne sule picche millimetre de spazie.

Le rezze, ponne essere de cukure diverse: viole, verde, gialle, marrone e beige.

'A tradizione sanvitese ause l'espressione "Vecchia cretu la rezza" (femmena vecchie rrete 'a rezze) pe esprimere 'a vulundà de 'ndrucà, senze essere 'ndrucate.

'A 'nciuria

'A 'nciuria jè quidde soprannome ca ave ìnu valore de pigghiate pu cule e ca avène date a le crestiàne de 'na qualsiasi cetadine salendine da le crestiàne de le comune 'nzeccate.

'U soprannome de le sanvetise jè "mulacchiuni", ca segnifeche "granne mule". 'U mutive d'a 'nciuria depenne da 'u fatte ca le sanvestise onne 'n'atteggiamende assaije achiuse a le differenze, a le novità e a le idee d'u prossime.

Scorce d'u cendre storeche, le stratodde

Le granne pine marine d'a ville comunale

Culture

'Struzione

Bibblioteche

'A Bibblioteche Comunale

Bibblioteche Comunale "Giuanne XXIII"

queste jè 'a prime bibblioteche cetadine, funnate da le frate Duminecane jndr'à 'u convende lore. Lore tenèvane 'nu patirmonie de migliaie de libbre rilegate cu 'a pelle e ordenate jndr'à nove armadie granne.

Da 'u 1809 le frate abbandunarene 'u convende e assaije opere avenèrene perdute. Jndr'à 'u 1946, 'u sinnache, Vecinze Trizza, nominò 'na commissione de 'ndellettuale pe ccrejà 'na bibblioteca nove. Chiste rialarene 750 colume e avenìe ordenate de accattà 450 libbre de classece, doje 'ngiclopedije e raccolte de libbre de auture conterranèe. Jndr'à 'u 1962 avenìe costituite 'a bibblioteche de osce a die pe volondà de Jangele Pagliara, ca mannò lettere a le cchiù ierte careche d'u State e d'a Chiesere pe cercà materiale libbrare. Pape Giuanne XXIII rialò ttre volume de le descurse sue cu firme autografe e, allore, 'a bibblioteche pigghiò 'u nome sue. Da 'u 2001 'a Bibblioteche Comunale ave 'na sede definitive: l'ex Convende de le Duminecane, edificie d'u Seiciende.

Bibblioteche Pubbleche "San Benedette"

funnate jndr'à 'u 1940, se iacchie jndr'à 'u convende de le Oblate benedettine de Sanda Scolastiche ma jè aperte a 'u pubbleche. Presende cchiù o mene 26 000 volume e opuscole e jè specializzate jndr'à Bibbie, Teologgije, Patristiche, Ecumenisme jndr'à sotrie d'a Chiesere.

Scole

Stonne quattre scole primarie, doje secondarie de I grade e 'u Licèe Scientifeche Leonarde Leo e, da l'anne scolasteche 2008/2009, l'Istitute Professionale Femminile.

Musée d'a Civiltà Rurale

'U Musée d'a Civiltà Rurale, realizzate da 'u gruppe de azione locale Altosalento, ha state inaugurate 'u 21 luglio 2001 e osce a die jè gestite da l'associazione culturale “AXAS Onlus”. 'U musée, cumme 'a bibblioteche comunale, se iacchie jndr'à 'u Chiostre de le Duminecane. 'U Musée ospite 'na raccolte de oggette d'ause quotidiane e struminde ca testimoniane 'a vite rurale 'mbrà 'u XVIII sechele e le prime anne cinguande d'u XX sechele.

Le struminde reguardane tutte le classe lavoratrice: artiggiane, fabbre, falegname, sellai, arrotine, scarpare, e, naturalmende, contadine.

Musée diffuse Castelle d'Alceste

Jndr'à contrade Castelle d'Alceste onne state acchiate tracce de 'nu villagge a capanne d'a seconde metà de l'VIII sechele n.C. e javetaziune a chiande ovale cu coperture de materiale deperibbele. Sus a lore se onne sovrapposte jndr'à 'u VI sechele n.C. costruziune cu 'nu 'mbiande combletamende diverse, ca riflettone l'arrive de tecniche costruttive nove e de 'nu mode nuève de congepì 'u spazie javetative. Le case de stu periode sò fatte da cchiù stanze e presendane comblesse sisteme de coperture ca ausane le tegole.

'U 29 luglie 2009, durande 'a Sciurnate d'u Paesagge, ha state inaugurate jndr'à zone 'u Musée diffuse Castelle d'Alceste. 'U Musée diffuse, seconde ecomusée d'u territorie pugghiese, aprrisse a quidde de Cavalline ha state fatte pure grazie a 'u supporte d'a Fondazione Cariplo-Acri Sviluppo Sud.

Media

• Radio: l'uneche emittende storeche a San Vito de le Normanne ere Teleradio Sanvito, achiuse jndr'à 'u 2017, ma jndr'à 'u 2018 addevende 'na web radio cangianne 'u nome jndr'à Teleradio Classics, proponenne pe totte 'a sciurante, museche da le anne '70 a le anne 2000. Jndr'à 'u stesse anne ave achiuse, pe turnà a 'u vecchie nome, 'u 21 settemmre 2018, Teleradio Sanvito;
• Stambe
  • Il Punto (mensile),
  • L'arcobaleno (bimestrale).
• Cinematografe: 'u Cinetiatre Melacca ave nate cumme cinematografe, in congorrenze a 'u storeche Cinamatrografe Pignatelli (scettate 'nderre jndr'à le anne novande), ha state adattate a le inizie d'u 2000 pure a tiatre.

Certe film onne pe sfunne e ambiendazione San Vito de le Normanne:

• L'uomo nero de Serge Rubini, 2009. Bona parte d'u film jè ambiendate a San Vito;
• La terra de Serge Rubini, 2006. 'U film jè ambiendate a Mesagne, ma de le scene onne state fatte a San Vito, cumme l'arrive a' stazione;
• Jndr'à 'u 2001, apprime ca arrevave 'a monete uneche, avenèrene reggistrate de le spot televisive pe stu fatte, pe rappresendà tutte le pajesere europèe. A San Vito se gerò 'u spot pa Spagne;
• Il grande botto de Leone Pompucci, 2000. 'U film jè ambiendate a Ostune, ma 'a chiazze d'u paese e 'u bar addò se spostane le protagoniste stonne a 'u cendre de San Vito;
• Latin Lover (film) de Cristina Comencini, 2014. 'U film conde, jndr'à 'nu mode traggicomeche, de le rapporte comblicatisseme 'mbrà le diverse figghie (une frangese, une tagliàne, une spagnole, une svedese e une americane) ca 'nu granne attore tagliàne ('a star d'u cinematografe mundiale Saverie Crispo, de San Vito) ave avute da diverse mugghiere e amande. 'A storie, se svolge a San Vito addò a parte a le figghie, onne 'ndervenute pe le celebbrazziune d'u decennale d'a morte de l'attore famose pure doje de le ex mugghiere.

Museche

'U tarandisme a San Vito

Pe approfondimende, 'ndruche 'a vôsce Tarandisme.

Mandulline

'U culte d'u tarandisme mescke tradiziune pagane e cristiane, jndr'à 'u passate se credeve, 'nfatte, ca le femmene ca avèrene forme de isterie, avèrene state condaminate da le pundure de tarandole. L'uneche rimedie canusciute ere quidde de ballà pe sciurne, accussì 'u velène non ge faceve effette.

Cu 'a museche e 'a danze se puteve dà 'a guariggione a le tarandate, realizzanne 'nu vere e probbie esorcisme a carattere musecale. Ogne vote ca 'nu tarandate tenève le sindome associate a 'u tarandisme, le sonature de tamburrelle, violine, mandulline, chitarre e organette scevene jndr'à case d'u tarandate e accumenzavene a sunà 'a pizzeche, museche da 'u ritme sfrenate. A stu punde 'u tarandate accumenzave a ballà e candà pe longhe ore 'nzgine a 'u sfinimende. 'A credenze vole, ca mendre se cunzumavane le energie ballanne, pure 'a tarande se cunzumave e suffrive 'nzigne ca mureve. 'A particolaritate sanvitese jè ca se credeve ca 'u tarandate o 'a tarandate riuscive a guarì da 'a crise ce 'u balle se puteve fà jndr'à l'acque (tarande d'acque).

A' leggende popolare pò essere legate pure 'na spiegazione strattemende sciendifeche: 'u balle convulse, accelleranne 'u battite cardiache, aijute l'eliminazione d'u velene e condrebbuisce a fa diminuì 'u dulore d'u muèzzeche d'u regne e de 'nzette simile. Non ge se pò escludere ca 'u balle avenesse ausate origgenariamende cumme vere e probbie rimedie medeche, e sulamede apprisse onne state aggiunde le connotate releggiose e esoterece.

San Vito stipe 'na certa tradizione de pizzeche ca, a differenze de quedda leccese, se presenta senze referemiende cristiane e cu 'nu repertorie terapeuteche-musecale ca se iacchie sulamende jndr'à stu comune. Se pienze ca jndr'à le anne cinguande se putevene cundà niende niende 'na trendine de sunature ca curavane, e 'na decine de chiste sembre coinvolte jndr'à 'u periode "endemeche", mendre l'otre se aggiungevane jndr'à case particolare, ce 'u numere de tarandate addevendave ierte.

Cucine

Pe approfondimende, 'ndruche le vôsce Cucine pugghiese, Cucine salendine e Vine d'a Pugghie.

Recette tipeche: Li maranciani chini (Le marangiane chiene)

'Ngrediende: 4 marangiane, 2 ove, 2 cucchiare de furmagge pecorine grattuggiate, 20  de chiapparine, alìe snocciolate, pane grattuggiate, uegghie extravergine de alìe, suge de pummedore. Dividere le marangiane a doje in sienze longitudinale, luà 'a polpe e ffà friscere le coppe. Preparazione d'u ripiene: tagghià a dadine 'a polpe, aunirle 'a cepodde e friscerle jndr'à l'uegghie extravergine d'alìe. A metà cotture, aggiungere le alìe tagghiate e le chiapparine, e farle 'nzaporì. Aggiungere 'u sughe de pummedore, uegghie e fà cocere bbuène. Quanne spicce 'a cotture mettere 'u furmagge, 'u pane grattate, le ove e fatià 'u 'mbaste. Anghiè le coppe, cu 'u comboste, cuprirle cu sughe e mettere jndr'à 'u furne ggià cavede 'nzigne a quanne sus a le marangiane non ge se face 'na leggere croste dorate.

Le dolcette tipece sanvitese: li mustazzueli

Forme de caserecotte

Le comune membre de l'Appie de le vine

'A cucine sanvitese tène le marangiane anghiute (ditte maranciani chini) e fave cu le verdure (ditte pure fave e fogghie - favi e fogghi).

Stonne pure le frisedde cu le pummedore piccele locale, uegghie e origane, tipeche piatte d'a staggione. Da no scurdà pure "li gnummarieddi" o "turcinieddi", spiedine de carne.

'Mbrà le doce se ponne arrecurdà le mustazzueli, dolcette cu 'a ciucculate, le Carteddàte dolce natalizie a forme de roselline de pasta sfogghie sottile frisciute jndr'à l'uegghie bollende, 'a cupete doce cu le amennele, le pettole pallottole de paste lievitate morbide assaije e pò frisciute jndr'à l'uegghie bollende.

'U vine e l'uegghie: 'u comune jè membre d'a Strade de l'uegghie Colline de Brinnese e d'a Strade d'u vine nnomenate Appie de le vine, ca fanne parte pure Brinnese, Ostune, Latiane e Mesagne.

Alcol, distillate, liquore

Latte de amennele

fatte mettenne in infusione jndr'à l'acque le amennele sprechelate fine fine e spremennele pò pe fà assè tutte 'u sucche. 'A Reggione Pugghie ave mise 'u latte de amennele jndr'à l'elenghe de le prodotte agroalimendare tradiziunale tagliàne;

Limongelle

jè 'nu liquore doce fatte da 'a bucce d'u limone e arricchite da acque, zucchere e alcol.

Furmagge

Burrate, caserecotte salendine, caciocavalle, giungate, mandeche, muzzarelle o fiordelatte, pecorine, recotte, recotta asckuande, scamorze, vaccine, recotte salate o recotte marzoteche.

Prodotte veggetale a 'u state naturale o trasformate

Le deverse tipe de verdure e ortagge se ponne fa sicche a 'u sole, cumme, le funge spondanèe, le marangiane, le peperusse, le pummedore, pummedore virde e mature, cucuzze o sotte uegghie, cumme le asparage, le scarcioppole, le funge spondanèe, le lambasciune, le marangiane, le peperusse, le cucuzze eppure sotte acete, cumme, chiapparine.

E pa frutte se fanne le cutugnate, 'u cotte de fiche, le fiche sicche, le marmellate de marange, de limone, de fiche

Pe ffà le alìe stonne diverse recette cumme chidde cazzate, jndr'à salamoie, virde.

Se face pure 'u vincotte.

Paste fresche e prodotte d'a panetterie, pasticcerie, confetterie

Carteddate, Cavatelle, Doce de paste de amennele (pasta reale), lagane, chianghiaredde, pane de grane dure, raviole cu 'a recotte, taradde, pucce, uliate, pane de semole, pane de orze.

Vine

Jndr'à 'u territorie de San Vito jè possibbele producere Aleatico di Puglia Doc, Ostuni Doc, Puglia Igt.

Lunghe 'a Strade Appia de le vine, addò San Vito face parte, esistone varietà indiggene de vitigne: le coltivaziune robbuste a frutte gnure ca fanne preparà 'u Negramare, Primitive e Malvasie, a le quale se onne affiangate, durande le anne, le coltivaziune de le vitigne a uve vianghe.

Malvasie gnore de Brinnese

jè 'nu vitigne d'origgene greche e de le isole egèe, presende, osce a die, jndr'à maggiore parte de le pajesere mediterranée. 'U vine sue, nnomenate, jndr'à 'u 'nglese, Malmsey, jè doce. Jndr'à l'Itaglie 'a coltivaziona soje jè diffuse da 'u Piemonde 'a Pugghie. Vinificate opportunamende, pò pure dà 'nu vine vianghe secce e, affiangate cu l'uvagge a otre vitigne, condrebbuisce a arrotondà le caretteristeche d'u vine aggiunstanne 'a spigolosità.

Sangiovese

vitigne a frutte russe, 'mbrà le cchiù diffuse jndr'à l'Itaglie, addò avène ausate, da sule o cu l'uvagge, a determinà qualitate e caratteristeche de decine de vine DOC.

Negramare

vitigne ca a Novoli avenève chiamate pure lacrime, ave 'n'attitudine particolare a producere rosate pe le caratteristeche chimeche sue oltre ca pa bucce fragile e pa polpe succose ca facilmende lasse gemere 'u moste fiore.

Ottavianelle

vitigne cu 'na vigorìe vegetative discrete e 'na produttività bbone. 'A fogghie jè 'a forme de pentagone, quienquielobate, cu 'a pàgene superiore verde buttigghie, senza pile, opache e 'a pàgene 'nferiore verde chiare.

Sciugrafije andropeche

Urbanisteche

'U comune se sveluppe origgenariamende atturne a 'u Castelle Dentice de Frasso, 'u cendre storeche ca angore osce a die mandène 'a strutture urbanisteche andiche: case vasce assaije e vie assaije piccele.

Durande le anne settande, 'u paese ave canusciute 'nu seconde 'mbortande sveluppe urbanisteche cu 'a ccrejazione d'a Zone 167 jndr'à vanna nord d'a cetate. Stu quartiere ospite 'nu sbuènne de condominie popolare, ma pure residence e villette.

Quartiere

• Cendre/Li stratoddi
• Chiandate/Chiantata
• Jadde/Iaddu
• San Frangische/San Franciscu
• Palombare/Palummaru
• Giardine/Sciardinu
• Casolare/Casieri
• Furchi
• 'A Bella Napule
• Sanda Rite
• Zone San Vecinze Ferreri (ggià 167)
• Zone P.I.P.
• Zone Castelle

Economije

Pe approfondimende, 'ndruche 'a vôsce Economije d'a Pugghie.

San Vito jè prengepàlmende 'nu cendre agricole e commerciale. 'U levèlle de l'occupazione jè sus a quidde d'a medie provingiale.

'U valore aggiunde d'u comune avène pu 4,56% da l'agricolture, 'u 9,36% da l'industrie in sienze stritte, 'u 12,29% da le costruziune e 'u 73,76 da le servizie.

Agricolture

Amennele

Pe quanne arreguarde 'u settore primarie, 'a zootecniche non g'è assaije sveluppate e opere cu allevamiende de bovine e ovine, l'agricolture 'nvece conde sus a 'nu migliaie de piccele e medie 'mbrenditure ca fanne coltivaziune 'ndenzive de frutte, verdure, amennele e soprattutte de ulive ca ste sus a 'u territorie cu diverse coltivaziune da uegghie.

Artiggianate e 'ndustrie

Pure 'u settore secondarie jè 'mbortande assaije: 'a 'ndustrie jndr'à 'u territorie stè cu 250 attivitate 'ndustriale 2 725 crestiàne ca fatiane pare a 'u 17,96% d'a forze de fatìe occuptae. Le setture manifatturiere cchiù 'mbortande sò 'a trasformazione de le prodotte agricole (cumme le scarcioppole), ma pure 'a meccaneche, 'u tessile (lavanderije 'ndustriale), confezionamende e lavorazione d'u legne, eppò stonne le costruziune ca condane 50 'mbrese.

L'artiggianate conde 300 labboratorie e puteje addò fatiane quase 700 crestiàne.

Servizie e turisme

Scorce d'u Castelle Dentice de Frasso de notte

'U corse Leonarde Leo durande 'a staggione

'Nderessande, jndr'à l'urteme anne, l'aumende d'u settoe terziarie: 'u commerce jè presende cu 'nu sbuènne de aziende, cchiù o mene 550, e condane quase 1 000 fatiature.

L'attivitate de le servizie, quedde ca cresce cchiù veloce, cu 'na forze lavore destrebbuite sus a ste attivitate: 419 attivitate e 695 crestiàne (17,22%), otre 350 attivitate de servizie cu 965 crestiàne (23,91%) e 61 attivitate amministrative cu 1 651 crestiàne (40,91%). Jndr'à 'u terziarie acchiame soprattutte aziende de carresciamiende e stipamiende, eppure aggenzie 'mmobbiliare.

L'occupazione jndr'à pubbleche amministrazione, forte jndr'à 'u passate pa base militare americane, ave diminuite osce a die a quacche cendinaie de aunità.

'Nfrastrutture e carresciamiende

Strade

'U cendre d'a cetate jè attraversate da 'a strade statale 16 Adriateche, ca soddisfe pure 'u traffeche locale, siccome ha state soppiandate, pe totte 'a tratte a nord de Brinnese, da 'a cchiù moderne strada statale 379. 'A SS 16, in particolare, colleghe San Vito cu Carovigne, a nord-ovest, e 'u capeluèche provngiale, a sud-est. Da 'u comune se devide pure l'ex strade statale 605 de Mesagne, osce a die classifecate cumme SP 98 jndr'à 'u tratte ca 'nderesse 'u comune.

'A cetate jè servite pure da le strade provingiale SP 30 pe San Mechele Salendine, SP 46 pe Latiane, SP 48 pe Frangaville Fundane, SP 35 e 35 pe le località de mare de Specchiolle e Torre Guaceto. 'A SP 31 colleghe 'u cendre cetadine 'a SP 29 Ostune - San Mechele Salendine.

Ferrovie

'A stazione de San Vito de le Normanne, lunghe 'u tratte Bare-Brinnese-Lecce d'a linèe adriateche, nasce a 10 km da 'u cendre javetate, in direzione sud-est, e osce a die non g'è attive.

Amministrazione

Aqquà sotte ste 'na tabbelle de le amministraziune ca onne state jndr'à stu comune:

Periode		Prime cetadine	Partite	Careche	Note
14 abbrile 1946	23 settemmre 1949	Vecinze Trizza		Sinnache
24 settemmre 1949	21 novemmre 1950	Gesèppe Labbruzzo		Sinnache
22 novemmre 1950	27 sciugne 1951	Vecinze Refolo		Comm. pref.
27 sciugne 1951	12 sciugne 1956	Vecinze Trizza		Sinnache
13 sciugne 1956	27 decemmre 1957	Vito Leo		Sinnache
1º marze 1958	2 settemmre 1968	Necole Di Gregorio		Sinnache
3 settemmre 1968	25 luglie 1970	Jangele Cavaliere		Sinnache
26 luglie 1970	30 ottommre 1974	Andonije Leo		Sinnache
3 novemmre 1974	3 settemmre 1975	Dante Paladino		Comm. pref.
4 settemmre 1975	21 settemmre 1984	Vecinze Carella		Sinnache
26 scennare 1984	17 settemmre 1984	Gesèppe Cisternino		Comm. pref.
18 settemmre 1984	24 marze 1986	Lorenze Caiolo		Sinnache
25 marze 1986	22 ottommre 1987	Vecinze Carella		Sinnache
6 novemmre 1987	24 luglie 1988	Archimede De Bonis		Comm. pref.
28 luglie 1988	12 abbrile 1991	Lorenze Caiolo	Partito Comunista Italiano	Sinnache
12 abbrile 1991	5 decemmre 1991	Vecinze Iaia	Democrazia Cristiana	Sinnache
5 decemmre 1991	26 sciugne 1993	Rose Stanisci	Partito Democratico della Sinistra	Sinnache
26 sciugne 1993	28 abbrile 1997	Andonije Mechele Trizza	-	Sinnache
28 abbrile 1997	28 masce 2001	Andonije Mechele Trizza	Alleanza Nazionale	Sinnache
28 masce 2001	14 scennare 2005	Vito Masiello	Democratici di Sinistra, Partito Popolare Italiano, lista civica di centrosinistra	Sinnache
14 scennare 2005	5 abbrile 2005	Mechele Lastella		Comm. pref.
5 abbrile 2005	30 marze 2010	Andonije Michele Trizza	Forza Italia, Alleanza Nazionale, Unione di Centro, Nuova Democrazia, Liste Civiche di centrodestra	Sinnache
13 abbrile 2010	17 sciugne 2015	Alberte Magli	Il Popolo delle Libertà, La Puglia Prima di Tutto, Libertas Democrazia Cristiana, Alleanza per Magli, Alleanza di Centro	Sinnache
17 sciugne 2015	settemmre 2020	Dumineche Conte	Partito Democratico, Lista Civica - CON TE, Sinistra - NOI a sinistra per la puglia, Lista Civica - San Vito cambia verso	Sinnache
22 settemmre 2020	in cariche	Silvane Errico	centro-destra	Sinnache	Prima femmene d'a storie d'a cetate a essere elette sinnache.

Gemellagge

• Salzwedel, da 'u 1992
• Louviers, da 'u 2006

Sport

• 'A pallavvole jè 'u sport cetadine cchiù pratecate. 'a Volley San Vito, funnate jndr'à 'u 1989 da quidde ca osce a die jè 'u Presidende d'a squadre, Luigge Sabatelli, ave sciucate jndr'à serie A2 d'u Cambionate tagliàne de pallavvole femminile. 'A Cogeir scioche invece jndr'à serie C d'u Cambionate Reggionale de pallavvole maschile. L'Idea Sposa scioche invece jndr'à 'u cambionate Reggionale de Serie D femminile;
• 'A squadre de basket ave sciucate jndr'à Serie C reggionale è jè 'a Polisportiva San Vito. A levèlle reggionale sciuvanile ste pure 'a suggettate "Pallacanestro San Vito";
• Pu ballone 'a squadre prengepàle ha state funnate jndr'à 'u 1923, Unione Sportiva San Vito e scioche jndr'à 'u cambionate reggionale de Prime Categorije;
• L'atletiche leggere jè rappresendate da l'associazione dilettandisteche Atalas ca ave avute resultate bbuène jndr'à le gare reggionale e nazionale;
• 'U nuote avène rappresendate da 'a suggettate Polisportiva Delfinia ca, cu le atlete sue, ave avute belle resultate a levèlle nazionale;
• A levèlle de jūdō sò bene sveluppate a levèlle sciuvanile 'a suggettate A.S.Judo San Vito;
• A levèlle de gennasteche l'ASD Maran Sport de ginnasteche ste da cchiù de 25 anne sus a 'u territorie cu attivitate de base e agonisteche, 'a suggettate A.S.D. Ginnastica Normanna;
• Jndr'à 'u 2006 ave avute sede jndr'à cetate 'a squadre de futboll americane de le Dragons San Vito, ca apprime stave a Brinnese e pò spustate l'anne apprisse a Lecce pa fusione cu le Spiders Salento.

'Mbiande sportive

• Palazzette d'u Sport "F. Macchitella" tène a l'esterne 'nu cambe de calcette, 'nu cambe de pallacanestre e doje cambe da tennis apirte a 'u pubbleche; 'nvece a 'u 'nderne tène 'nu cambe da basket e de pallavvole. Fatte jndr'à le anne settande, ha state oggett de 'nu allariamende duvute 'a crescite de le realtà sportive, soprattutte jndr'à 'u case d'a pallavvole;
• Cambe sportive "E.M. Citiolo", presende doje tribbune, une de quale cuperte;
• Cambe sportive "A. Vasta". Fatte jndr'à le anne novande jndr'à 'u quartiere 167;
• Circole Tennis ca ste fore 'a cetate, tène doje cambe da tennis;
• Karting club de le Saracine SS 605 San Vito-Mesagne.

Gallerie de l'immaggine

• 
  Scorce d'a cambagne sanvitese
• 
  Chiazze Leonarde Leo de sere
• 
  Parte iniziale de Corse Leonarde Leo
• 
  Cambagne jndr'à le presse de le grotte de San Biagge
• 
  'Na vie residenziale de San Vito, cu le tipeche rezze sus a l'usce
• 
  'A Basiliche Sanda Marije d'a Vittorie (Chiesere madre)
• 
  'A strade ca colleghe San Vito 'a Torre Guaceto
• 
  Tipeche ulive secolare

Bibliografije

• G. Arditi, Corografia fisica e storica della Provincia di terra d'Otranto, Bologne, Arnalde Forni, 1979.
• V. Cazzato e S. Politano, Topografia di Puglia: Atlante dei “monumenti“ trigonometrici; chiese, castelli, torri, fari, architetture rurali, Galatine, Congedo editore, 2001.
• AA. VV., Città e Paesi di Puglia e Basilicata, Gazzetta Del Mezzogiorno.
• A. Chionna, Beni Culturali di San Vito dei Normanni, Fasane, 1988.
• F. Dell'Aquila e A. Messine, Le chiese rupestri di Puglia e Basilicata, Bare, 1998.
• R. De Vita (a cure de), Castelli, torri ed opere fortificate di Puglia, Bari, Editoriale Adda, 1974.
• A. Marinazzo, Viaggio in Terra di Brindisi.
• L.A. Montefusco, Le successioni feudali in Terra d'Otranto, Lecce, Istituto Araldico salentino, 1994.
• M.R. Muratore, Guida del Salento 2, Galatine, Congedo Editore, 1997.
• C.D. Poso, Il Salento normanno. Territorio, istituzioni, società, Galatine, Itinerari di ricerca storica, 1988.
• A. Sanasi, Antiche vie del Salento, Galatine, Congedo editore, 1971.
• A. Spagnolo, Nuovo annuario di terra d'Otranto, Galatine, Congedo editore, 1957.

Otre pruggette

Altri progetti

• Uicchisorggende
• Uicchinotizie
• Uicchimedie Commons

• Uicchisorggende tène 'na pàgene dedicata a San Vito dei Normanni
• Uicchinotizie tène notizie di attualità sus San Vito dei Normanni
• Uicchimedie Commons tène files multimediale sus San Vito dei Normanni

Collegaminde fore a Uicchipèdie

• Site d'u Comune de San Vito de le Normanne, su comune.sanvitodeinormanni.br.it.
• 'U dizionarie d'u dialette sanvitese, a cure de Tummase Calvelli, su digilander.libero.it.