Нагасаки

Основный город в Японии Нагасаки яп. 長崎市 Застава Герб Держава ЯпонияЯпония Остров КюшюКюшю Префектура Нагасаки Мер Томихиса Тауе Координаты 32.783333, 129.86666732°47′00″ с. ш. 129°52′00″ в. д.32.783333° с. ш. 129.866667° в. д.    Розлога 406,46 км² Обывательство 434 065 особ (2014) Часова зона UTC+9 Телефонный код +81 958 Поштовый индекс 850-8685 Официалный сайт [1] яп.англ. Нагасаки

Нагасаки (яп. 長崎市) — основный город в Японии, на западѣ острова Кюшю.

Полога

Морскый пристав в заливѣ Нагасаки при устю рѣкы Ураками. Город розложеный во формѣ амфитеатра на грунках около залива. Невелику ровнинну плоху творить мелиорована долина рѣкы и земля около залива.

История

Город екзистуе од XII. стороча. Европанами, котры принесли ту католицтво и стрѣлны оружия, познатый од XVI. стороча. Понад 200 рокы (1639–1859), коли христианство было гонене, Нагасаки зоставав едным з двох приставох, отвореных про торговлю з чужоземцями: то причина, же доднесь ся ту захранили выразны слѣды заграничных култур и конфесий.

В резултатѣ америцкого атомового бомбардованя 9. августа 1945 силно спустошеный, быв позднѣйше обновленый. Историю города указуе Парк Мира и монумент Мира (1955). Рельеф територии быв причинов того, понад 50% города пережило бомбовый удар и захранили ся памятникы XVI. – XIX. стороча.

Днешность

Нагасаки — великый центер лодярства и рыболовна база. Иншы промысловы конарѣ суть машинарство, металургия, потравинарство (переважно рыбны конзервы). Город мать универзиту и розличны музеи: стародавного умѣня, торгово-промысловый, ужиткового умѣня, военно-морскый арзенал и др.

Жерела и одказы

• Трёшников А.Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с. ISBN 5-85270-057-6русс.
• Nagasaki. Encyclopædia Britannica. August 05, 2020. https://www.britannica.com/place/Nagasaki-Japan. [перевірено 2020-08-10]. англ.

Референции

• 
  Канал
• 
  Колаж
• 
  Гавань
• 
  Выгляд з горы Инаса