Giuanna de Arcu
Artìculu in LSC
Giuanna de Arcu (in frantzesu Jeanne de Arc, in frantzesu mèdiu Jehanne Darc; Domrémy, 6 de ghennàrgiu 1412 – Rouen, 30 de maju 1431) est un'eroina natzionale frantzesa, venerada che santa de sa Crèsia catòlica, oe connota fintzas che "sa puntzella de Orléans" (in frantzesu "la pucelle de Orléans").
Aiat torradu a unire, in su Paisu suo, parte de su territòriu rùidu in manu a sos inglesos, contribuende a torrare a pesare sas sortes durante sa gherra de sos chent'annos, ghiende vitoriosamente sas armadas frantzesas contra cussas inglesas. Cassada dae sos Burgugnones a curtzu de Compiègne, Giuanna fiat istada bèndida a sos inglesos. Custos l'aiant sutaposta a unu protzessu pro eresia, a s'acabu de su cale, su 30 de maju 1431, fiat istada cundennada a sa foghera e brusiada biva.
In su 1456 paba Callistu III, a s'acabu de una segunda cherta, aiat decraradu sa nullidade de tales protzessu.
Beatificada in su 1909 de Piu X e fata santa in su 1920 de Beneitu XV, Giuanna est istada proclamada patrona de Frantza.