Vorarlberg

Artìculu in LSC

Posidura in Austria

Bandera

Su Vorarlberg est unu istadu federadu de s'Àustria chi s'agatat in s'isteremu ovest de s'istadu. Sa capitale est Bregenz. Fintzas naradu Ländle in dialetu locale, est su segundu minore Bundesland austrìacu in tremenes de populatzione.

Medas aspetos culturales de su Voralberg si sèberant dae su restu de s'Àustria. Su dialetu est pro esempru una variedade de s'alemannu chi, foras pro una ìsula linguìstica minore de su Tirolu, no agatat àteros faeddadores in totu sa natzione. Su Voralberg s'agatat pois in su lutone de su frùmene Rinu, contrasemper a su restu de s'Àustria, chi est in su de su Danùbiu.

Su nùmene de Voralberg dependet dae su Passu de Arlberg, chi unu tempus fiat logu meda importante in sos traficos de sa zona: segundu sa bisura de s'antigu impèriu habsbùrgicu, beniat a èssere su territòriu antis (in tedescu vor) de su Arlberg. S'impitu de custu nùmene remontat a sa metade de su de 18 sèculos, cun sa fundidura impare de territòrios vàrios.