Kiribati
L'arcipèlacu di l' ìsuli Kiribati custituisci nu statu chi s'attrova n menzu all'Ocèanu Pacìficu, a cavaddu di la lìnia di canciamentu di data. Hannu na pupulazzioni di circa 110.000 abbitanti e na supirfici di circa 811 km quatrati spartuta tra tri arcipèlachi.
Giografìa
Lu statu dî Kiribati si cumponi di tri arcipèlachi: l' ìsuli Gilbert, l' ìsuli Phoenix e l' ìsuli dâ Linia o ìsuli Christmas, ognunu ntî tri diversi fusi orari. L?ìsuli dâ Linia sunnu lu sulu tirritoriu dû munnu a aviri nu fusu orariu di 14 uri superchiu rispettu a Greenwich.
Storia
Abbitati di circa 2000 anni di nu pòpulu dâ micronesia ca parra na lingua propria, lu gilbertinu, li Kiribati foru scuperti dî navigatura uccidintali â ccuminzatina dû XIX sèculu. Lu paisi fu nu prutitturatu britannicu e addivintau nnipinnenti ntô 1979.
Pulitica
Li Kiribati si junceru all'ONU ntô 1999. Lu prisidenti dâ ripubbrica è eliggiutu dimocraticamenti. Sennu ca lu tirritoriu abbitatu è quasi tuttu vicinu ô mari, e ca l'ìsuli si cumpòninu di atolli senza na granni altitùddini, li Kiribati sunu unu tra li tirritoria dû pianeta ca rischia cchiossai n casu di aumentu dû liveddu dû mari. L'appelli dû prisidenti all'ONU e â sò populazzioni dî rischi ca crurri lu sò Paisi n sèquitu ô scaudamentu climàticu, cunvinceru ggià na parti dâ pupulazzioni a emigrari n Australia ca accittau di pigghiarisi na parti dâ populazzioni pi ntigralla ntô Paisi.
| Paisi dû Munnu | Oceania | |
 Australia |  Figgi | Kiribati |  Ìsuli Marshall |  Ìsuli Salamuni |  Nauru |  Nova Zilanna |  Palau |  Papua Nova Guinea |  Samoa |  Stati Fidirati di Micronesia |  Tonga |  Tuvalu |  Vanuatu
| |
| Tirritori di Autri Nazzioni | |
| Atollu di Midway | Guam | Hawaii | Ìsuli Cook | Ìsula di Pasqua | Ìsula Marianni Sittintriunali | Ìsula Norfolk | Ìsuli Pitcairn | Ìsula di Wake | Molucche | Nova Calidonia | Niui | Papua (pruvincia Indunesia) | Pulinesia francisa | Samoa Miricana | Tokelau | Wallis e Futuna | |
