Logaldallan
Logaldallan dahje logaldat lea njálmmálaš ovdanbuktojupmi juogaman ášši birra. Logaldallama váldoulbmil lea diehtojuohkin, ja dainna lágiin earrána omd. politihkara ságas, báhpa sártnis ja gávppálačča vuovdaleamis. Logaldallamat dábálaččat dollojuvvojit universitehtas, allaskuvllas dahje eará rávesolbmuidskuvlemis.
Dat gii doallá logaldallama gohčoduvvo logadallin.
Oahpanvuohkin logaldallamat leat kritiserejuvvon, muhto universitehtat eai leat velá gávdnan buoret oahpahanvuogi. Kritihkarat čujuhit dasa ahte logaldallan lea ovttabeallásaš gulahallan, mii ii váldde guldaleaddjiid fárrui ságastallamii. Logaldallama vuođđu lea passiiva oahppu, dan sadjái go aktiiva oahppu. Buorre logaldallan maiddái gáibida olbmu gii lea čeahppi sárdnut.