Shihni burimin për Ali Podrimja

{{Infobox writer
| name = Ali Podrimja
| image = [[Skeda:Ali Podrimja à Sète en 2011.jpg|250 px]]
| caption = 
| name i lindjës = Ali Podrimja
| birth_date =  [[28 gusht]] [[1942]]
| birth_place = [[Gjakova|Gjakovë]], [[Kosova|Kosovë]] {{flagicon|Kosovo}}
| death_date = [[21 korrik]] [[2012]] (69 vjeç)
| death_place = [[Franca|Francë]]
| pseudonym = 
| nationality = Shqiptar
| genre = Poezi
| website = 
}}
'''Ali Podrimja''' ([[Gjakova|Gjakovë]], [[28 Gusht|28 gusht]] [[1942]] - Lodève, [[21 Korrik|21 korrik]] [[2012]]) ka qenë shkrimtar shqiptar nga [[Kosova]]. Autor i më shumë se dhjetë vëllimeve me poezi dhe mbahet sot nga kritika si përfaqësuesi më tipik i poezisë së sotme shqiptare dhe si një poet me emër dhe në shkallë ndërkombëtare.

== Biografia ==
Ali Podrimja lindi më 28 Gusht 1942 në Gjakovë ku edhe kaloi rininë. Studioi gjuhë dhe letërsi shqiptare në Universitetin e Prishtinës, ku dhe jetoi deri në fund të jetës. Periudha vendimtare për formimin shpirtëror dhe intelektual të poetit janë vitet pesëdhjetë. Më 1957 botoi poezinë e parë në revistën "Jeta e Re". Ishin vitet kur shqiptarët në Kosovë përjetonin njërin nga terroret me të egra të pushtuesit serb, kohën e aksionit famëkeq për mbledhjen e armëve dhe të shpërnguljeve më dramatike të përmasave tragjike për Kosovën dhe shqiptarët (rreth treqindmijë të shpërngulur dhunshëm në Turqi). Poeti rritej dhe piqej në këto kushte, në këtë atmosfere agonie, që e kishte mbërthyer Kosovën. Qyteti i Gjakovës, ku kishte lindur dhe shkollohej, qytet me traditë të pasur patriotike, ishte më i godituri nga kjo vërshimë policore e UDB-së serbe. Poeti i përfshirë në këtë përditshmëri ndjeu nevojë të rezistojë, të kundërvihet dhe ta stigmatizojë tërthorazi synimin e pushtuesit:
:Qaj rrafshi im i dashur, qaj!
:Diellin tënd verbuar e kanë tytat.
:E vatrat shkimbur deri më një...

Vargjet janë shkëputur nga poemthi lirik ''Hija e tokës'', të cilin Ali Podrimja e shkroi në vitin 1960, kur ishte gjimnazist. Një vit më pas, më 1961, Ali Podrimja botoi përmbledhjen e parë me vargje elegjiake ''Thirrje''. Më pas vijnë përmbledhjet ''Shamijat e përshëndetjeve'' (1963), ''Dhimbë e bukur'' (1967), ''Sampo'' (1969), ''Torzo'' (1971) etj., deri në veprën e tij mjeshtërore ''Lum, Lumi'', (1982), që shënoi një kthesë në poezinë bashkëkohore kosovare.

Në vitet '80 e '90 ai do të vazhdojë të botojë libra poetikë si ''Zari'', ''Buzëqeshje në kafaz'' etj., deri te dy librat në prozë: ''Burgu i hapur'' (1998) dhe ''Harakiri'' (1999).

Kur për një poet themi se nuk është konvencional, pra është modern, këtë duhet ta kuptojmë kështu: Ali Podrimja e çliron poezinë shqipe nga disa rregulla metrike, siç është: vargu i thurur, apo nga përmbajtjet si fryma apologjike, brohoritëse e poezisë së pasluftës etj. Por, ai vendos parime të tjera krijuese, siç është vargu i lirë, shqiptimi metaforik, gjuha e ironisë, efikase për të shprehur zona më të errëta apo më të fshehta të natyrës së njeriut. Synimi i poetit për t'u fshehur përmes reflekseve ezopike dhe për t'i përcjellë ato, duke shmangur ndalesat e jashtme, e nxjerrin në plan të parë mesazhin dhe në plan të dytë atë pjesë të vlerës artistike që arrihet përmes ritmit dhe euforisë. Me rëndësi është të kuptohet, nëse këto parime poetike të Ali Podrimjes janë parime të një brezi dhe të një kohe dhe duhet të njihen si përvojë. Pa to nuk mund të kuptohet dhe të zbulohet arti poetik nëpër kohë, sidomos për krijuesit e rinj, poetët e mëdhenj janë shkollë, nga e cila mund të mësojnë; janë përvojat, nga të cilat do të nisin ata të krijojnë parimet e tyre poetike. Poezia e Ali Podrimjës, e përkthyer në shumë gjuhë të huaja, është pranuar e vlerësuar pikërisht për arsye se në thesarin universal të vlerave, hyn bindshëm përmes koloritit të veçantë, përmes botës shpirtërore me individualitetin e vet të formuar, të ndryshëm nga të tjerët.

Publikimin e parë e bëri në vitin [[1957]] në revistën letrare [[Jeta e Re]] kur ishte në gjimnaz, gjë që e intrigoi përkrahësin e talenteve të reja, Esad Mekulin,të merrej me të dhe të ndihmonte formimin e tij si poet.

Rrethanat e vështira politike gjatë viteve ´60 dhe ato familjare më pas, kanë lënë gjurmë të pashlyeshme në poezitë e tij. Vdekja e të birit, Lumit, rezultoi me veprën më të bukur të tij gjer më sot, ''Lum Lumi''.

Poezia e tij ka bërë që poezia shqiptare në tërësi të respektohet në të gjithë trojet shqiptare, si dhe të përkthehet në shumë gjuhë të huaja. Vargu i Podrimjës karakterizohet nga thjeshtësia, rima e padukshme, dhe simbolet e papritura.

Ali Podrimja ishte Anëtar i Qendrës Europiane të Artit (EUARCE) të Greqisë.  <nowiki>https://anatakti.wordpress.com/2011/03/24/paiania-poems/</nowiki>

Më 18 korrik 2012, Ali Podrimja ishte zhdukur pas një festivali të poezisë në [[Franca|Francë]]. Pas kërkimeve të pareshtura të autoriteteve franceze, më 21 korrik 2012, u gjet trupi i pa jetë i shkrimtarit. Ai vdiq në rrethana të pasqaruara.

== Veprat ==
Botën e vet poetike poeti e artikulon përmes një sistemi figurativ të konsoliduar (veçanërisht me simbolin dhe metaforën) dhe me një shkallë mjaft të lartë ndjeshmërie. Poezia e tij është epitomë e hermetizmit ku metaforat përbëhen nga disa nivele dhe nën-nivele kuptimore.  Manifestimi i kësaj forme poetike u bë i domosdoshëm për poetin, sepse i shërbeu si mburojë kundër sulmeve ndaj ish-pushtetit serb në Kosovë. Pas pavarësisë së Kosovës, poezia e tij rifitoi lirizmin dhe ndjenjën poetike, por pa mundur të dalë krejtësisht nga stili i ngjeshur tradicional shqiptar.

Ndër veprat më të njohura të tij janë : 

* "Thirrje" 1961, 
* "Dhimbë e bukur" 1967, 
* "Sampo" 1969 , 
* "Torzo" 1971, 
* "Folja" 1973, 
* "Credo" 1976,
* "Sampo 2" 1980, 
* "Drejtpeshimi" 1981,  
* "Lum Lumi" 1982,
* "Fundi i Gëzuar" 1988, 
* "Zari" 1990, 
* "Në bisht të sorrës" 1994, 
* "Buzëqeshje në kafaz" 1995,
* "Ishulli Albania", 
* "Pikë e zezë në blu" 2005.

== Lidhje të jashtme ==
{{Wikisource1|Ali Podrimja}}

* [https://web.archive.org/web/20050305200002/http://www.prishtinanet.com/Letersi/alipodrimja.htm Biografi e Ali Podrimës]
* [https://web.archive.org/web/20090603093929/http://wikisource.org/wiki/Author:Ali_Podrimja Ali Podrimja në Wikiburime]
* [https://web.archive.org/web/20120628023516/http://www.portashqipe.com/letersi/klasike/shkrimtari.php?mbiemri=Podrimja Porta Shqipe | Shkrime nga Ali Podrimja]
* [https://web.archive.org/web/20200123054422/http://xhemal-ahmeti.com/2012/06/23/ali-podrimja-ose-ura-e-gjalle-e-letersise/ Ahmeti, Xhemal:Ali Podrimja si urë kulture]

{{Autorë shqiptarë|state=autocollapse}}
{{Authority control}}

{{DEFAULTSORT:Podrimja, Ali}}
[[Kategoria:Akademikë shqiptarë]]
[[Kategoria:Lindje 1947]]
[[Kategoria:Vdekje 2012]]
[[Kategoria:Njerëz nga Gjakova]]
[[Kategoria:Poetë shqiptarë të shekullit 20]]
[[Kategoria:Poetë shqiptarë të shekullit 21]]
[[Kategoria:Eseistë shqiptarë]]
[[Kategoria:Tregimtarë shqiptarë]]
[[Kategoria:Anëtarë të Akademisë së Shkencave dhe Arteve të Kosovës]]