Akuariumi
Akuariumi (lat. Aquarium në kuptimin mbajtës i ujit) është një objekt mbajtës i ujit, me qëllim mbajtjen dhe kultivimin e peshqve, kafshëve dhe bimëve ujore. Ata që e kanë hobi të kenë akuariume, mbajnë peshq, jorruazorë, amfibë, breshka e bimë ujore. Akuariumet zakonisht ndërtohen me qelq ose me plastikë akrilike. Ka dhe akuariume gjigante publike, ku mbahen dhe gjitarë ujorë si delfinë, foka apo balena të vogla.
Historia
[Redakto | Redakto nëpërmjet kodit]Në Perandorinë Romake, akuariumet e para zakonisht ishin vaska prej mermeri, të cilave iu zëvendësua një anë e tyre me xham, pas vitit 50. Perandorët kinezë gjithashtu mbanin peshq të kuq në vaska prej mermeri.