Jump to content

Siya kolisi

From Wikipedia

Siyamthanda "Siya" Kolisi , (watalwa ti-16 Inhlaba 1991)[1] ngumdlali welibhola lembhoco (i-rugby) waseNingizimu Afrika. Esikhatsini lesengcile wadlalela emaStormers kanye nemaSharks eNingizimu Afrika, kwanyalo udlalela iRacing 92 eFrench Top 14. Uvame kudlala njengemdlali lodla eceleni kanye nemdlali lodlala embili. Nga-2018, Kolisi wakhetfwa waba ngukapteni weMabhokobhoko (Springboks), waba ngumuntfu lomnyama wekucala ngca kuba kulesikhundla. Wagcina aholele licembu laseNingizimu Afrika le-Rugby ekuncobeni emdlalweni wekugcina weNdzebe Yemhlaba Ye-Rugby Yekugcina yanga- 2019 (Rugby World Cup Final) lebeyibanjelwe eNgilandi.[2]

Ngenyanga yeNgongoni emnyakeni wa-2019, Kolisi wabitwa eluhlwini lwe-New African magazine lwebantfu laba-100 base-Afrika labanemtselela lomkhulu. Ngenyanga yaMabasa nga-2023, Kolisi waniketwa i-National Order of Ikhamanga nguHulumende waseNingizimu Afrika ngekusekela kwakhe i-rugby. NgeMphala 2023, Siya Kolisi wahola iNingizimu Afrika emdlalweni wesine wendzebe yemhlaba ye-rugby eParis, eFrance, waba ngukaputeni wesibili kunayo yonkhe leyayiwina ngekulandzelana. Kolisi ungulomunye webadlali labange-44 labake bancoba i-Rugby World Cup emahlandla lamanengi kantsi futsi ungulomunye webadlali labange-25 baseNingizimu Afrika labake bancoba[3]

Imphilo yakhe yasekucaleni

[hlela | edit source]

Kolisi wakhulela eZwide, lesedobheni eBhayi (ePort Elizabeth). Make waKolisi, Phakama, bekaneminyaka le-16 budzala ngesikhatsi kutalwa Siya kantsi babe wakhe Fezakele bekasemnyakeni wekugcina esikolweni. Make waKolisi washona ngesikhatsi Kolisi aneminyaka lelishumi nesihlanu budzala,[4] washiya gogo wakhe, Nolulamile, kutsi amkhulise.[ Ngesikhatsi aneminyaka lelishumi nakubili budzala, wajabulisa emavulandlela emncintiswaneni webantfu labasha eMossel Bay waphindze wanikwa litfuba lekufundza esikolweni iGrey Junior ePort Elizabeth. Ngekuhamba kwesikhatsi wafundziswa sifundvo se-rugby eGrey High School, lapho khona Graeme Pollock waseNingizimu Afrika kanye naMike Catt waseNgilandi. Kolisi abelilunga lelicembu le-rugby lelisesikolweni lesiphakeme. Bekaphindze abe yincenye ye-Eastern Province Kings emkhatsini wa-2007 na-2009, adlala ku-Under-16 Grant Khomo kanye naku-Under-18 Craven ngembi kwekutsi asuke aye eSifundzeni eNshonalanga Kapa. [5] Waphindze wamelela licembu lesive laseNingizimu Afrika lalabangaphasi kweminyaka lelishumi nesiphohlongo (licembu l-eSA Schools esifundzeni) iminyaka lemibili lelandzelanako.[6]

Umsebenti welicembu

[hlela | edit source]

Kolisi wacala kudlala eSifyndzeni eNshonalanga Kapa ngesikhatsi adlala neGolden Lions emdlalweni we-Vodacom Cup nga-2011 kwatsi muva kuleyo minyaka limala lokunyenti lokwamenta wacala kudlala emdlalweni we-Currie Cup. Wadlala imidlalo le-13 waphindze wafaka emagoli la-4ngesikhatsi semkhankhaso kufaka ekhatsi ligoli lelimcoka ngesikhatsi ahlangana neBlue Bulls. [7]

Ngemnyaka wa-2012 Kolisi wabhalisela i-Stormers, wavele wafaka ligalelo ngekushesha ngekudlala imidlalo lelishumi nesitfupha ngesizini, wafaka ligoli linye. Incenye yesibili yemnyaka ayizange imjabulise njengoba kulimala umunwe kwamenta wadlala umdlalo munye kuCurrie Cup nga-2012 futsi bekumele abuke eceleni njengoba leSifundza siphakamise indzebe yesigaba sabo semashumi lamatsatfu nakutsatfu seCurrie Cup. [8]

Kolisi wabuyela emuva ngemnyaka lolandzelako waphindze wabamba indzawo yakhe eluhlangotsini lweStormers nanobe bekunemncintiswano lomkhulu emkhatsini webahlaseli. Kuba yincenye yelicembu leSpringbok ku-2013 Rugby Championship kwakusho kutsi wadlala kuphela imidlalo le-yekugcina yeSifundza aseNshonalanga Kapa nga2013 Currie Cup futsi bekangakhoni kubavimbela kutsi bangehluleki kuncoba iSharks ngemalengiso nge-33 - 19 emdlalweni wekugcina walomncintiswano. [8]

Kolisi wakhetfwa waba ngukaputeni lomusha weStormers mhla tinge- 20 Indlovana 2017. [1]Wakhetfwa waba ngukapteni lomusha weMabhokobhoko mhla tinge-28 Inkhwenkhweti 2018, waba ngukapteni wekucala lomnyama kulelicembu leminyaka lelikhulu nemashumi lamabili nesitfupha. [9] Bryan Habana, lobekadze angulomunye weMabhokobhko kanye nemhlanga lohlanganisiwe, wadvumisa kubekwa kwaKolisi: "Sikhatsi lesihle kakhulu emdlalweni we-rugby eNingizimu Afrika, kanye nesikhatsi emlandvweni waseNingizimu Afrika".[10]

Kolisi bekasebhodini lebacondzisi be-MyPlayers Rugby, lokuyinhlangano yebadlali babo bonkhe badlali be-rugby eNingizimu Afrika[11].

Imitfombo yelwati

[hlela | edit source]
  1. ↑ 1.0 1.1 "SA Rugby Match Centre – South Africa 30–17 Scotland". South African Rugby Union. 15 June 2013. Retrieved 2 December 2016.
  2. ↑ Mjikeliso, Sibusiso. "Siya Kolisi reveals Dan Carter's influence in decision to join Racing 92". News24 Sport. Retrieved 9 September 2023.
  3. ↑ Shine, Ossian (2 November 2019). "A Rainbow Nation turns golden as Siya Kolisi lifts the World Cup". Brisbane Times. Retrieved 2 November 2019
  4. ↑ Ray, Craig (6 June 2018). "Siya Kolisi: 'We represent something much bigger than we can imagine'". The Guardian
  5. ↑ "Kolisi's living the dream". SA Rugby Mag. 13 June 2013. Retrieved 10 December 2013.
  6. ↑ "Kolisi – a Green & Gold, father & son reunion". Supersport. 12 June 2013. Retrieved 10 December 2013.
  7. ↑ Siya Kolisi itsrugby.co.uk Player Statistics". itsrugby.co.uk. Retrieved 10 December 2013.
  8. ↑ 8.0 8.1 "WP's Kolisi out for the season". Sport 24. 26 August 2012. Retrieved 10 December 2013.
  9. ↑ Siya Kolisi: South Africa name first black Test captain for England series". BBC Sport. 28 May 2018. Retrieved 6 October 2018.
  10. ↑ Jones, Chris (9 June 2018). "South Africa v England: Siya Kolisi - the Springboks captain uniting a country". BBC Sport/BBC Radio 5 Live. Retrieved 9 June 201
  11. ↑ SIYA KOLISI IS OFFICIALLY A SHARK". The Sharks. 17 February 2021. Retrieved 14 April 2021
Kutsatfwe ku "https://ss.wikipedia.org/w/index.php?title=Siya_kolisi&oldid=40854"