iPhone ရှိ Health တွင် သင့် Medical ID တစ်ခုဖန်တီး၍ မျှဝေပါ

Health အက်ပ် တွင် သင့်ကျန်းမာရေးအခြေအနေများ၊ ဓာတ်မတည့်မှုများ၊ သောက်သုံးနေသော ဆေးဝါးများနှင့် အခြားအချက်များနှင့်ပတ်သက်သည့် သတင်းအချက်အလက်များပါဝင်သည့် အရေးပေါ် Medical ID တစ်ခုကို ဖန်တီးထားနိုင်သည်။ ပထမဆုံးရှေးဦးပြုစုမည့်သူများနှင့် အခြားသူများသည် သင့် iPhone သော့ပိတ်ထားလျှင်တောင်မှအဆိုပါအရေးကြီးသည့် သတင်းအချက်အလက်များကို တိုက်ရိုက်ကြည့်ရှုနိုင်သည်။

မွေးနေ့၊ ကျန်းမာရေးအခြေအနေများ၊ ဆေးဝါးများနှင့် အရေးပေါ်ဆက်သွယ်မှု အချက်အလက်များ ပါနေသည့် Medical ID ဖန်သားပြင်တစ်ခု။

သင့် Medical ID တွင့် အရေးပေါ်အဆက်အသွယ်များကို ထည့်ထားလျှင် သင့် iPhone မှနေပြီး သို့မဟုတ် သင့် Apple Watch မှနေပြီး Emergency SOS ကို သင့်အသုံးပြုသည့်အခါ ၎င်းတို့သည် အလိုအလျောက်သတိပေးသွားမည် ဖြစ်သည်။

သင်သည် 911 ကို ဖုန်းခေါ်ဆိုခြင်း သို့မဟုတ် စာသားမက်ဆေ့ချ်ပို့ခြင်း သို့မဟုတ် သင့် iPhone သို့မဟုတ် Apple Watch (U.S သီးသန့်၊ iOS 13.5 သို့မဟုတ် နောက်ပိုင်း၊ watchOS 6.2.5 သို့မဟုတ် နောက်ပိုင်းထွက်တွင် အကယ်၍ Apple Watch သည် သင့် iPhone အနားတွင်မရှိသော်လည်း Wi-Fi သို့မဟုတ် ဆယ်လူလာကွန်ရက်တစ်ခုဖြင့် ချိတ်ဆက်ထားရမည်၊ 911 သို့ စာသားမက်ဆေ့ချ်ပို့ခြင်းသည် နေရာအားလုံးတွင် မရနိုင်ပါ) မှနေ၍ Emergency SOS ကိုအသုံးပြုသည့်အခါ စိတ်ချရသည့် တတိယဝန်ဆောင်မှုတစ်ခုမှတစ်ဆင့် အရေးပေါ်ဝန်ဆောင်မှုများဆီသို့ သင့် Medical ID သတင်းအချက်အလက်များကို အလိုအလျောက်ပေးပို့နိုင်စေရန် ခွင့်ပြုထားနိုင်သည်။

သင့် Medical ID ကိုဖန်တီးပါ သို့မဟုတ် အပြောင်းအလဲများ ပြုလုပ်ပါ

ညာဘက်ထိပ်ရှိ သင့်ပရိုဖိုင်ဓာတ်ပုံ သို့မဟုတ် နာမည်အစများကို နှိပ်ပါ။
သင့်ပရိုဖိုင်ပုံ သို့မဟုတ် သင့်နာမည်အစများကို မတွေ့ပါက ဖန်သားပြင်အောက်ခြေရှိ Summary သို့မဟုတ် Browse ကိုနှိပ်၍ ဖန်သားပြင်ထိပ်ဆုံးသို့ ရွှေ့ဆွဲပါ။
Medical ID ကို နှိပ်ပါ၊ ထို့နောက် အောက်ပါတို့မှ တစ်ခုကိုလုပ်ပါ၊
- Medical ID တစ်ခုဖန်တီးခြင်း၊ Get Started ကိုနှိပ်ပါ။
- သင်၏ Medical ID ကိုပြောင်းလဲခြင်း၊ Edit ကိုနှိပ်ပါ။

အရေးကြီးသော သင်သည် 911 သို့ ဖုန်းခေါ်ဆိုသည့်အခါ သို့မဟုတ် စာသားမက်ဆေ့ချ်ပေးပို့သည့်အခါ သို့မဟုတ် Emergency SOS ကိုအသုံးပြုသည့်အခါများတွင် သင့် Medical ID သတင်းအချက်အလက်များကို အရေးပေါ်ဝန်ဆောင်မှုများထံ အလိုအလျောက်ပေးပို့နိုင်ရန် Share During Emergency Call ကို ဖွင့်ပါ (U.S သီးသန့်၊ iOS 13.5 သို့မဟုတ် နောက်ပိုင်းလိုအပ်သည်၊ 911 သို့ စာသားမက်ဆေ့ချ်ပေးပို့ခြင်းသည် နေရာအားလုံးတွင် မရနိုင်ပါ)။ သင့်ရဲ့သီးသန့်တည်ရှိမှုကို Apple ကာကွယ်ပုံနှင့်ပတ်သက်ပြီး ပိုမိုသိရှိလိုပါက Learn More ကို နှိပ်ပါ။

သော့ပိတ်ထားသည့် သင့် iPhone ထဲရှိ သင့် Medical ID ကို ပထမဆုံး ရှေးဦးပြုစုမယ့်သူများနှင့် အခြားသူများ ကြည့်ရှုခွင့်ရနိုင်စေရန် Show When Locked ကို ပုံသေ ဖွင့်ထားပါ။ သင့် Medical ID ကို ပထမဆုံးရှေးဦးပြုစုမည့်သူများ မမြင်စေချင်သည်မှအပ အထက်ပါနည်းလမ်းကို ပိတ်မထားပါနှင့်။

Medical ID ဖန်သားပြင်။ အောက်ခြေတွင် iPhone သော့ပိတ်ထားသည့်အချိန်နှင့် သင်အရေးပေါ်ဖုန်းတစ်ခုခေါ်ဆိုသည့်အချိန်တွင် သင့် Medical ID သတင်းအချက်အလက်များကို ဖော်ပြမည့်နည်းလမ်းများဖြစ်ပါတယ်။

ပထမဆုံးရှေးဦးပြုစုမည့်သူသည် သော့ပိတ်ထားသည့်ဖန်သားပြင်ပေါ်ရှိ သင့် Medical ID ကို Home ခလုတ် (သင့် iPhone အမျိုးအစားပေါ်မူတည်သည်) ကို အပေါ်သို့ဆွဲတင်ခြင်း သို့မဟုတ် ဖိထားခြင်းများပြုလုပ်၍ Passcode ဖန်သားပြင်၏ ဘယ်ဘက်အောက်ခြေရှိ Emergency ကို နှိပ်ပြီးနောက် Medical ID ကို နှိပ်ကာ ကြည့်ရှုမည်ဖြစ်သည်။

အကြံပြုချက် Home ဖန်သားပြင်မှနေ၍ Health အက်ပ်ပုံလေးကို ထိပြီးထိန်းထားကာ Medical ID ကိုရွေးပြီးနောက် သင့် Medical ID ကို အလျင်အမြန် ကြည့်ရှုနိုင်မည်ဖြစ်ပါတယ်။

အထောက်အကူဖြစ်ပါသလား။

iPhone သုံးစွဲသူလမ်းညွှန်

iPhone ရှိ Health တွင် သင့် Medical ID တစ်ခုဖန်တီး၍ မျှဝေပါ

သင့် Medical ID ကိုဖန်တီးပါ သို့မဟုတ် အပြောင်းအလဲများ ပြုလုပ်ပါ