Kerung puyaq
Kerung puyaq/ Ciyak krung/ Krung sulay(隼人瓜)
[smmalu patas | ida npatas sspgan ka smmalu patas]
Malu phmaun ka kerung puyaq, ini beyo gmarang ka ludux na. Kika phmaun daha siyo sapah ma ssiyo yayung dheran mhhuriq hari.
Kari ta ita Tgdaya nii ge “ kerung puyak” kesun ta. Niqan so hari kerung rako ga toma na, qqtaan hnyegan na ge, so hari bale puyak mkkerung, kiya asi daha kesi “ kerung puyaq”.
Puqun rudan ta cbeyo peni na, spuun daha pure bungan, skruwa daha mekan bungan ma, mtengi mnekan duri mesa, duma naq ge, prayun daha begu ka mimah duri. Netun mnekan pnure hei na kerung puyaq nii, ani naq mosa mkkesa theya, ini skkadi qsiya dhenu mesa rudan.
Pnhmaan su bubu na kerung puyak nii ge, ini beyo gmarang ludux na, leexan kmetuy ka ludux na duri. Kika ani naq kteyun baga ka lmamu, saan smino qsiya ma, hprayu tmsiyus ka uuqun denu.