رامچندر گوہا

رامچندر گوہا
(ہندی میں: रामचंद्र गुहा)
2017ء کی ایک تصویر
معلومات شخصیت
پیدائش	(1958-04-29) 29 اپریل 1958 دہرہ دون، اتر پردیش، بھارت (اب اتراکھنڈ، بھارت)
رہائش	بنگلور، کرناٹک
شہریت	بھارت
زوجہ	سوجاتا
عملی زندگی
مادر علمی	دہلی یونیورسٹی انڈین انسٹیوٹ آف مینجمنٹ کلکتہ
پیشہ	مورخ ،  معلم ،  صحافی ،  مصنف ،  ماہر ماحولیات
پیشہ ورانہ زبان	انگریزی
ملازمت	لندن اسکول آف اکنامکس اینڈ پولیٹیکل سائنس ،  آئی آئی ایس سی
کارہائے نمایاں	انڈیا آفٹر گاندھی
اعزازات
فوکوکا ایشیائی ثقافت انعام   (2015) ساہتیہ اکادمی ایوارڈ   (برائے:India after Gandhi ) (2011)  پدم بھوشن
دستخط
ویب سائٹ
ویب سائٹ	باضابطہ ویب سائٹ

رامچندر گوہا (انگریزی: Ramachandra Guha) (ولادت: 29 اپریل 1958ء) بھارت کے مصنف ہیں جو عموما ماحولیاتی، سماجی، معاشیات، سیاسی، عبوری اور کرکٹ تاریخ جیسے موضوعات پر قلم اٹھاتے ہیں۔ وہ دی ٹیلیگراف اور ہندوستان ٹائمز میں کالم نگار بھی ہیں۔ کئی مجلوں میں لکھنے کے ساتھ ساتھ وہ آؤٹ لک میں بھی لکھتے ہیں۔ سال 2011ء-12ء کے لیے انھیں انڈین اسکول آف اکنامکس میں تاریخ اور بین الاقوامی معاملات میں فلپ رومن چیئر بنایا گیا تھا۔ ان کی جلدوں میں کتاب گادھی: دی ایئرس ڈیٹ چینجڈ دی ورلڈ (2018ء) موہن داس گاندھی کی سوانح حیات کا دوسرا حصہ ہے۔ اس سے قبل گاندھی بیفور انڈیا (2013ء) میں شائع ہو چکی ہے۔

انھیں بھارتی عدالت عظمیٰ نے 30 جنوری 2017ء کو بھارتی کرکٹ کنٹرول بورڈ کے انتظامی پینل میں شامل کیا تھا مگر انھوں نے اسی سال جولائی میں استعفی دے دیا۔

ابتدائی زندگی

ان کی ولادت 29 اپریل 1958ء کو دہرہ دون، اتر پردیش (اب اتراکھنڈ) میں ہوئی۔ وہ تمل براہمن خاندان سے تعلق رکھتے ہیں۔ ان کی نشو و نما دہرہ دون میں ہی ہوئی۔ ان کے والد فوریسٹ ریسرچ انسٹی ٹیوٹ میں کام کرتے تھے۔ اور والدہ اسکول میں معلمہ تھیں۔ ان کا پیدائشی نام سبرامنیم رانچندر گوہا رکھا گیا تاکہ تمل کا اثر باقی رہے مگر اسکول میں رامچدر گوہا ہی لکھا گیا اور وہ اسی نام سے مشہور ہوئے۔

کیرئر

1985ء تا 2000ء انھوں نے بھارت، یورپ اور شمالی امریکا کے کئی تعلیمی اداروں میں تدریسی خدمات انجام دیں بشمول جامعہ کیلیفورنیا، برکلی, ییل یونیورسٹی, جامعہ سٹنفورڈ اور اوسلو یونیورسٹی اور جامعہ سٹنفورڈ وغیرہ۔ بعد میں انھوں نے انڈیا اسنٹی ٹیوٹ آف سائنس میں پڑھایا۔

گوہا بنگلور چلے گئے اور لکھنا شروع کر دیا۔ وہ انڈیا اسنٹی ٹیوٹ آف سائنس میں ہیومنٹیز کے وزیٹنگ پروفیسر بن گئے۔ وہ ایک غیر منافع بخش ادارہ، نیو انڈیا فاؤنڈیشن کے منیجینگ ٹرسٹی ہیں۔ یہ تنظیم جدید ہندوستانی تاریخ پر ریسرچ کرنے والوں کو اسکالرشپ دیتی ہے۔