مارک ٹوین

مارک ٹوین
(انگریزی میں: Mark Twain)
معلومات شخصیت
پیدائشی نام	(انگریزی میں: Samuel Langhorne Clemens)
پیدائش	30 نومبر 1835ء
وفات	21 اپریل 1910ء (75 سال)  ریڈنگ
وجہ وفات	دورۂ قلب
طرز وفات	طبعی موت
شہریت	ریاستہائے متحدہ امریکا
عملی زندگی
پیشہ	صحافی ،  ناول نگار ،  آپ بیتی نگار ،  معلم ،  مزاح نگار ،  بچوں کے مصنف ،  سفرنامہ نگار ،  سائنس فکشن مصنف ،  مصنف ،  نثر نگار ،  عوامی صحافی
پیشہ ورانہ زبان	انگریزی ،  جرمن
کارہائے نمایاں	ہکلبری فن کی مہمات
دستخط
	IMDB پر صفحات
باب ادب

سیموئل لینگ ہورن کلیمنز (30 نومبر 1835ء – 21 اپریل 1910ء) جو اپنے قلمی نام مارک ٹوین (انگریزی: Mark Twain) سے زیادہ معروف ہیں، ایک امریکی مزاح نگار، طنز نگار، مصنف اور مدرس تھے۔ ٹوین اپنے ناولوں ہکل بیری فن کی مہمات (ًAdventures of Huckleberry Finn) اور ٹام سایر کی مہمات (The Adventures of Tom Sawyer) اور بیشتر اقوال کے باعث معروف ہیں۔

آپ کے اقوال بہت زیادہ معروف ہیں اور اکثر ان کے اقتباسات پیش کیے جاتے ہیں۔ اپنی زندگی میں آپ کی دوستیاں صدور، فن کاروں، صنعت کاروں اور یورپ کے شاہی خاندانوں تک سے استوار ہو گئی تھی۔

اپنی بزلہ سنجی اور حاضر جوابی کے باعث آپ کو ناقدین اور ساتھی مصنفین کی جانب سے زبردست انداز میں سراہا گیا۔ مصنف ولیم فاکنر نے ٹوین کو "بابائے امریکی ادب" قرار دیا۔

حالات زندگی

مشہور امریکی مفکر، ادیب اور طنزنگار مارک ٹوئن Mark Twain کا  اصل نام سیموئل لینگون کلیمنز    تھا مگر وہ اپنے قلمی نام مارک ٹوئن  سے زیادہ مشہور  ہیں۔  مارک ٹوئن 30 نومبر 1835ء کو فلوریڈا، مسوری، امریکا میں پیدا ہوئے۔ بارہ سال کی عمر میں اپنی تعلیم کا سلسلہ ذمہ داریوں کی وجہ سے منقطع کرنا پڑاچنانچہ مارک ٹوئن نے اسکول چھوڑ دیا اور مختلف اوقات میں  اسٹیم بوٹ پائلٹ، جرنی مین اور سپاہی کے فرائض اد ا کیے۔  مگر بطور ایک مزاح نگار، طنز نگار اور  مصنف   کافی شہرت حاصل کی۔  مارک ٹوین کو اُن کے ناولوںAdventures of Huckleberry Finnاور The Adventures of Tom Sawyer اور دیگر کہانیوں میں لکھے بیشتر اقوال، بزلہ سنجی اور حاضر جوابی کے باعث ناقدین اور عوام میں سے زبردست انداز میں سراہا گیا۔  اپنی تحریروں سے مارک  ٹوئن نے اچھی خاصی رقم کمائی مگر کچھ کاموں میں بغیر سوچے سمجھے رقم لگانے کی وجہ سے انھیں بہت سے معاشی مسائل کا سامنا بھی کرنا پڑا۔  ما رک ٹو ئن نے اپنی موت سے قبل اپنی آ پ بیتی قلم بند کر دی تھی تاہم انھوں نے یہ بھی لکھا تھا کہ اسے ان کی مو ت کے سو سال کے بعد شا ئع کیا جائے، مارک ٹوئن کا انتقال 21 اپریل 1910ء میں کنیکٹیکٹ میں ہوا اور ان کی آپ بیتی سو سال بعد سال 2010ء میں شائع بھی ہوئی۔ مارک ٹوئن کے اقوال زرّیں  دنیا بھر میں بہت زیادہ مشہور  ہیں اور اکثر کتابوں میں بطور اقتباسات پیش کیے جاتے ہیں۔