کینبرا

کینبرا آسٹریلوی دارالحکومت علاقہ
Canberra, with the old and new Parliament House in the centre, viewed from Mount Ainslie
Aerial view of Canberra facing north with the suburbs of Barton and Forrest visible
کینبرا
متناسقات	35°18′27″S 149°07′27.9″E
آبادی	381,488 (2013) (8th)
• کثافت	428.6/کلو میٹر2 (/مربع میل)
بنیاد	12 March 1913
ارتفاع	577 میٹر
علاقہ	814.2 کلو میٹر2 (314.4 مربع میل)
منطقہ وقت	AEST (یو ٹی سی+10)
• گرمیوں میں (ڈی ایس ٹی)	AEDT (یو ٹی سی+11)
مقام	248 کلو میٹر (154 میل) SW بطرف سڈنی 654 کلو میٹر (406 میل) NE بطرف ملبورن 958 کلو میٹر (595 میل) E بطرف ایڈیلیڈ 945 کلو میٹر (587 میل) SSW بطرف برسبین 3,087 کلو میٹر (1,918 میل) ESE بطرف پرتھ
علاقہ انتخاب	Brindabella Ginninderra Kurrajong Murrumbidgee Yerrabi
وفاقی ڈویژن	Canberra Fenner
زیادہ سے زیادہ درجۂ حرارت کم سے کم درجۂ حرارت سالانہ بارش 19.7 °C 67 °F 6.5 °C 44 °F 616.4 ملی میٹر 24.3 انچ

کینبرا، آسٹریلیا کا دارالخلافہ۔ (انگریزی: Canberra) یہ آسٹریلیا کا صدر مقام ہے جس کی آبادی تقریباً 345000 نفوس پر مشتمل ہے۔ کینبرا آسٹریلیا میں تقریباً آٹھواں بڑا شہر ہے۔ یہ شہر سڈنی سے تقریباً 280 کلومیٹر شمال جبکہ میلبورن سے 660 کلومیٹر شمال مشرق میں واقع ہے۔ اس شہر کی جگہ کو 1908ء میں سڈنی اور میلبورن کے باسیوں کی باہمی رضامندی سے بطور صدر مقام چنا گیا تھا، جو آسٹریلیا کے سب سے عظیم دو شہر ہیں۔ آسٹریلوی تاریخ اور طرز تعمیر میں یہ شہر نسبتاً انوکھا تصور کیا جاتا ہے، کیونکہ یہ نہایت منظم اور روایتی طرز تعمیر سے ہٹ کر تشکیل دیا گیا ہے۔ اس شہر کی تعمیر سے قبل ایک بین الاقوامی مقابلے کا انعقاد کیا گیا تھا جس میں اس شہر کے لیے ڈیزائن کا انتخاب ہونا تھا، شکاگو کے ماہرین والٹر برلے گرفن اور ماریون ماہونی گرفن کے تیار کردہ نمونہ جات برائے تعمیر شہر کو حتمی طور پر منظور کیا گیا اور یہاں شہر کی تعمیر 1913ء میں شروع کی گئی۔ اس شہر کے ڈیزائن میں بہت زیادہ سبزے اور باغات کی تعمیر کو فوقیت دی گئی، اسی سبب سے کینبرا کو “جھاڑیوں والا صدر مقام“ بھی کہا جاتا ہے۔ گو اس شہر کی تعمیر میں برپا ہونے والی جنگ عظیم اول و دوم اور عالمی کساد بازاری سے خلل پڑا مگر دوسری جنگ عظیم کے بعد سے یہ شہر نہایت تیزی سے ترقی کی منازل طے کرتا رہا ہے۔
چونکہ کینبرا آسٹریلیا کا صدر مقام ہے، اسی لحاظ سے یہاں آسٹریلوی پارلیمنٹ، عدالت عظمٰی اور تقریباً سارے سرکاری محکموں اور اداروں کے دفاتر تعمیر کیے گئے ہیں۔ سرکاری عمارات کے علاوہ یہاں کئی سماجی، تہذیبی اور قومی یادگاریں و عمارات بھی قائم ہیں جن میں قابل ذکر آسٹریلین جنگ کی یادگار، آسٹریلیا کی قومی گیلری، آسٹریلیا کا قومی میوزیم اور آسٹریلیا کا قومی کتب خانہ شامل ہیں۔ وفاقی حکومت جو یہاں سے اپنے کاروبار مملکت سر انجام دیتی ہے، کینبرا میں واحد روزگار فراہم کرنے والی ایجنسی ہے جبکہ وہی اس شہر کے انتظامی امور کو چلانے کا خرچ بھی اٹھاتی ہے۔