Leonid Jabotinskiy
| Leonid Jabotinskiy | |
|---|---|
 | |
| Shaxsiy maʼlumotlari | |
| Fuqaroligi |
 SSSR Ukraina |
| Tavallud sanasi |
28-yanvar 1938-yil Sumi viloyati, USSR |
| Vafot sanasi |
14-yanvar 2016-yil (77 yoshda) Zaporojye, Ukraina |
| Sport | |
| Qaysi sport | Ogʻir atletika |
Leonid Ivanovich Jabotinskiy (ukraincha: Леонiд Іванович Жаботинський; 1938-yil 28-yanvar — 2016-yil 14-yanvar) ukrainalik ogʻir atletikachi. Super ogʻir vazn toifasida 19 ta jahon rekordini oʻrnatgan. 1964 va 1968-yilgi olimpiya oʻyinlarida oltin medallarni qoʻlga kiritgan[1][2].
Tarjimai holi
[tahrir | manbasini tahrirlash]Leonid Jabotinskiy Sumi viloyatining Uspenka qishlogʻida kazak oilasida tugʻilgan[3]. Uning otasi Ivan Filippovich sportchi boʻlsa-da, Leonid 1967-yilda bergan intervyusida bobosiga qiziqib sportni tanlaganini va ota-onasining hech biri yaxshi jismoniy formaga ega emasligini aytib oʻtgan[2]. Bolaligini Zaporojyeda oʻtkazgan. Ytti yillik oʻrta maktabni tugatgach, Xarkov traktor zavodida ishlagan va Qurolli Kuchlar sport jamiyatining Mixail Svetlichniy murabbiyligidagi ogʻir atletika klubida sport bilan shugʻullana boshlagan[2][3]. 1964-yilda Jabotinskiy Xarkov pedagogika institutini tamomlagan. 1970-yilda pedagogika fanlari nomzodi ilmiy darajasini himoya qilgan. Sportdagi faoliyatini yakunlagandan soʻng, Sovet Armiyasidada ogʻir atletikachilarga ustozlik qilgan. 1991 yilda polkovnik unvonini olgan. 1987-1991-yillarda Madagaskarda harbiy maslahatchi va ogʻir atletika boʻyicha murabbiy boʻlib ishlagan. Shundan soʻng, Rossiyadagi birinchi xususiy oliy taʼlim muassasalaridan biri boʻlgan Moskva biznes va huquq institutining prorektori boʻlgan[1].
Leonid Jabotinskiy Raisa bilan turmush qurgan. Ruslan va Vilen ismli ikki oʻgʻli bor. Ikkalasi ham ogʻir atletikachi[4]. 2016-yil 14-yanvarda Ukrainaning Zaporijjya shahrida 77 yoshida vafot etgan[2][5].
Faoliyati
[tahrir | manbasini tahrirlash]Jabotinskiy 1957-yilda Ukraina SSR chempionatida debyut qilgan va debyutidayoq bronza medalini qoʻlga kiritgan[2]. Oʻsha yilning oxirida Jabotinskiy Xarkov pedagogika institutiga oʻqishga kirgan va 1964-yilda oʻqishni tamomlagan. 1968-yilda Mexiko shahrida boʻlib oʻtgan yozgi olimpiada oʻyinlarining ochilish marosimida SSSR bayroqdori boʻlgan. Boshqa mamlakatlar bayroqdorlari bayroq koʻtarish uchun ikki qoʻlidan foydalansa, Jabotinskiy davlati bayrogʻini bir qoʻlda koʻtarib chiqqan[2]. 1963-1974-yillar oraligʻida Leonid super ogʻir vazn toifasida 19 ta jahon rekordini oʻrnatgan. 1964 va 1968-yilgi olimpiadalarda oltin medallarni qoʻlga kiritgan[6][2]. 1965—1991-yillarda Sovet Ittifoqi Kommunistik partiyasi aʼzosi boʻlgan[manba kerak].
Manbalar
[tahrir | manbasini tahrirlash]- ↑ 1,0 1,1 „Leonid Zhabotynskiy“. Sports Reference. 2020-yil 17-aprelda asl nusxadan arxivlangan. Qaraldi: 2016-yil 19-yanvar.
- ↑ 2,0 2,1 2,2 2,3 2,4 2,5 2,6 Roberts. „Leonid Zhabotinsky, Strongman for the Ages, Dies at 77“. The New York Times (2016-yil 17-yanvar). Qaraldi: 2016-yil 19-yanvar.
- ↑ 3,0 3,1 Jabotinskiy, Leonid Jabotinskiy.
- ↑ Leonid Jabotinskiy: „Mne ne nado bilo est za desyaterix, chtobi bit rekordi“.
- ↑ „Скончался легендарный тяжелоатлет Леонид Жаботинский“ (ru). BBC (2016-yil 14-yanvar). Qaraldi: 2016-yil 19-yanvar.
- ↑ Leonid Zhabotinsky.