Daniele Comboni
Daniele Comboni (Limone sul Garda, 15 de marso 1831 - Khartoum, Sudan, 10 de otobre 1881) el xe stà un misionario catòłego, fondatore dei Misionari Comboniani del Core de Gesù e de łe Pie Madri de ła Nigrizia (Comboniane).
El 20 de febraro 1843 el xe rivà a Verona par studiar al Cołejo de Don Nicola Mazza. El ga cantà Mesa intel 1854, e el xe partio par l'Africa intel 1857. El xe stà misionario a la stazion de Santa Croxe, intel sud del Sudan. Dopo gnanca un ano el xe ritornà en Italia parché el gavea ła małaria.
Intel 1864, fin che el jera drio pregare su ła tomba de San Piero en Vatican, ghe xe vegnù en mente un pian par evangełixar l'Africa. El só Pian per la rigenerazion de l'Africa l'è ancora al dì de oncò considerà uno dei mejori scriti del XIX secoło. L'idea principal l'era de dar na formazion pratica a dei africani che dopo i gavaria mandà vanti scołe e struture de sviłupo co altri africani. Comboni el dixea speso: salvar l'Africa co i africani.
El xe stà el primo vescovo de l'Africa Centrałe, Comboni el ga laorà tuta ła so vida par l'Africa e i Africani. Comboni el ga fondà i Misionari Comboniani e le Pie Madri de la Nigrizia (Comboniane). El xe morto a Khartoum, intel Sudan, intel 1881.
Ła Cexa lo ga fato santo el 5 de otobre 2003.
